________________
अणंतजिणजम्मवण्णणं
१०७
जंपइ पहु ! तुम्ह पयप्पसायओ इयगुणो सुओ हुज्जा । तो निवइ तट्ठाणाओ उठ्ठिठं मणिसहं पत्तो ॥ १३४५ ॥ गब्भागयतित्थयराणुभावभय-रोग-सोगप्पम्मुक्का । उव्वहइ गब्भमब्भुय-पाउब्भूयप्पभावा वा ॥ १३४६ ॥ गब्माणुभावपभवं, तद्देहे पंडुरत्तमुल्लसियं ।। सुरलोयाओ समागय-तित्थेसरओहिनाणं च ॥ १३४७ ॥ तो वाउकुमारसुरंगणाओ, सम्मज्जयंति तब्भवणं । मेहकुमारपियाओ, खिवंति गंधोदयं तत्थ ॥ १३४८ ॥ रिउछक्कसुरपुरंधीओ सुरहिकुसुमुक्करं किरंति सया । दंसंति दप्पणं जोइसाण देवीउ देवीए ॥ १३४९ ।। कावि कुणइ अब्मंगं, तीसे उव्वट्टए तणुं अन्ना । काओ वि भिंगारकरा तं ण्हवणविहिं अणुट्ठति ।। १३५० ॥ गोसीसचंदणेणं विलिंपए तीए तणुलयं कावि । - परिहार्वति तमवराओ अमरवत्थाभरणनियरं ॥ १३५१ ॥ देवकुरुसमुन्भूयं, आहारं देइ का वि आणेउं । अन्ना कप्पूरपरायमिस्सं तंबोलमवित्तीए ॥ १३५२ ॥ धवलायवत्तधरणं सिज्जारयणं च चमरवीयणयं ।। - केसुव्वेलणपरिवट्टणाइ कुव्वंति काओ वि ॥ १३५३ ॥ . इय किंकरत्तमुव्वहइ, तीए सव्वो वि वंतरीविसरो । अहवा तित्थंकरगब्भजोगओ किन्न कल्लाणं ॥ १३५४ ॥ दोहलया देवीए तीसे मासे तइज्जए जाया । . .. मंदरगिरिसिहरारोहणम्मि वंछा समुच्छलिया ॥ १३५५ ॥ चिंतइ मह कमकमलं, नमंतु अमरेसरा समग्गा वि । दारिदं भुवणस्स वि, हरामि मणवंछिअं दाउं ॥ १३५६ ॥ देमि अभयप्पयाणं, निस्सेसाणं पि एत्थ सत्ताण ।। इह दोहलया सव्वे वि, पूरिया तीए सक्केण ॥ १३५७ ॥
Jain Education International
For Private & Personal Use Only.
www.jainelibrary.org
