________________
१०६
सिरिअणंतजिणचरियं ता देव ! चक्कवट्टी तिजयुत्तमदेवयासरूवो वा । होही देवीए सुओ, गयाइसिविणोहदरिसणओ ॥ १३३२ ॥ छक्खंडभरहरज्जं, अहवा तिहुयणपहुत्तमणवज्जं । उवभुंजिही सुओ तुह, असरिसपुव्वकम्मुक्करिसा ॥ १३३३ ॥ धरिहिंति सिरे आणं, रायाणो तस्स तिजयपहुणो वा । अच्चब्भुयसपरक्कममाहप्पावज्जिया संता || १३३४ ॥ केत्तियमेत्तं तीरइ कहिउं अम्हेहिं मंदबुद्धीहिं । माहप्पमणप्पं तस्स भाविणो तुम्ह तणयस्स ॥ १३३५ ॥ सव्वुत्तमसुय-संपत्ति-सूयग-स्सिविणसवणओ राया । नेमित्तियाण वियरइ, वत्थाभरणाई रम्माई ॥ १३३६ ॥ तह देइ दविणजायं, तेसिं जहा पुत्तयाइसंताणे । सिविणे वि समागच्छइ, न चेव दारिद्दवत्ता वि ॥ १३३७ ॥ इय कयनिवसम्माणा, गया निमित्तण्णुणो सठाणेसु । राया वि उठ्ठिऊणं पत्तो देवीए वासगिहे || १३३८ ॥ दटुं दइयं देवी सत्तट्ठपयाई समुहमणुपत्ता । जंपइ कयप्पसाया, पहुणो पुण पल्लंकमल्लियह ॥ १३३९ ॥ तत्थुवविट्ठम्मि निवे पयवीढे ठाइ सा तया एसा । सच्छंदा नन्नत्थ वि इत्थी पुण पइसमीवे ॥ १३४० ॥ जह निसुओ नेमित्तियमुहेहिं, भूसामिणा सिविणयत्थो । .. तह चेव तीए कहिओ, कहति अलियं न जं गुरुणो ॥ १३४१ ॥ भणियं च नंदणो तुह, तिजयजणाणंदणो पिए ! होही । ता तुह तुल्ला नत्थेत्थ कावि जणणी जओ भणियं ॥ १३४२ ॥ . निरतिशयं गरिमाणं तेन जनन्याः स्मरन्ति विद्वांसः । तं कमपि वहति गर्भ, महतामपि यो गुरुर्भवति ॥ १३४३ ॥ इय रायमुहायन्निय, उत्तमसुयसंभवाविया दिट्ठा । देवी सव्वंगुल्लसियरम्मरोमंचकंचुईया ॥ १३४४ ॥
Jain Education International
For Private & Personal Use Only
www.jainelibrary.org.
