________________
१०४
इय काउं जिणगब्भावयारपरमूसवं सबहुमाणं । संपत्ता सव्वे विहु इंदा नंदीसरे दीवे ॥ १३०६ ॥ काऊण तम्मि अट्ठाहियाओ, सासयजिणिदपडिमाणं । सव्वे वि य हरिसुक्करिसिया गया निययठाणेसु ॥ १३०७ ॥
सिरिअणंतजिणचरियं
सिरिअम्मएवमुणिवइविणेयसिरिनेमिचंदसूरीहिं ।
भणिओ अनंतचरिए चवणंतो पढमपत्थावो ॥। १३०८ ॥ ( जिणजम्मनाम बीइयपत्थावो)
तो गोससमयसूयग - मागहजण - मंगलावलिथुईओ । जयतूरसरसियाओ सोउं निदं मुयइ देवी ॥ १३०९ ॥ जिंभायंती निद्दालसंगभंगुल्लसंतघणसिहिणी । तंबिरनयणी पल्लंकमुज्झिउं उट्ठिया देवी ॥ १३१० ॥
लीलाचलणरणज्झणिरमंजुमंजीरसिंजियसरेण ।
वायालंती भवणं रायसमीवं समल्लीणा
१३११ ॥
पहु ! अज्जउत्त ! सामि ! त्ति पेसलं जंपिरी महीनाहं । कुणइ अवहरियनिद्दं, समुट्ठिओ तयणु सो झति ॥ १३१२ ॥ उवविसिय देवि ! इह आसणम्मि, विन्नवसु इय निवासं । ठविऊणमुत्तमंगे, उवविट्ठा रयणपयवीढे ॥ १३१३ ॥ विन्नवइ य कर- पंकय-कर-कोसा कोइलाकलरवेणं । पहु ! मह मुहे पविट्ठ गयाइयं सिविणचउदसगं ॥ १३१४ ॥ तद्दंसणंतरपावियपडिबोहा तुम्ह पासमल्लीणा । ता एय सिविणयावलि - फलवागरणं कुणह पहुणो ॥ १३१५ ॥ आयन्निय सिविणयविंदमुत्तमं रंजिओ महीनाहो ।
को नाम (नो) हरसिज्जइ इय अब्भुदयस्स सवणेण ।। १३१६ ॥ जंपर पिए । भविस्सइ तुह तणओ तिहुयणस्स वि पहाणो । सुकणिमाणमेक्कं पि दीसए किमु समग्गाई ? ।। १३१७ || सव्वं पि रायमंडलमुव्वहिही देवि ! तुह सयाएसं । अच्चन्भुयपुन्नभरावज्जियचित्तं वि य पणयं ॥ १३१८ ॥
For Private & Personal Use Only
Jain Education International
www.jainelibrary.org
