________________
१०३
सिरिअणंतजिनजम्मवण्णणं तो ओहिनाणजाणियजिणिंदगब्भावयारसमयमहा । समकालं पि सव्वे वि उठ्ठिया आसणेहिंतो ॥ १२९३ ॥ सत्तट्ठकमे चंकमिय जिणपुराभिमुहमसमभत्तीए । . पंचंगपणइपुव्वं थोउं सक्कत्थएण जिणं ॥ १२९४ ॥ परिवारजुया आरुहिय मणिविमाणाई झत्ति संपत्ता । सव्वे वि अओज्झाए भवणे निवसीहसेणस्स ॥ १२९५ ॥ सविमाणा वि हु देवीभवणस्स पयाहिणतिगं दाउं । मुत्तूण विमाणाई वासहरभंतरे पत्ता || १२९६ ॥ कयपंचंग-पणामा निबद्धकर-कमल-कोस-कमणीया । . देविं थोउं लग्गा भत्तिभरुभिन्नरोमंचा ॥ १२९७ ॥ जय देवि ! तिजयनायग ! गब्माहाणप्पभावजयपुज्जे । जय विमलसीलकलहंसवासनवकमलि नमो ते ॥ १२९८ ॥ तिहुयणहियकरसमयं गब्भगयं देवि ! उव्वहंती तं । भुवणेगदेसहियअसयकारिणि जिणसघणमालं ॥ १२९९ ॥ इय थोउं जिणजणणिं, गब्भगयं तित्थनाहममरिंदा । कयपंचंगपणामा, भत्तीए थोउमारद्धा ॥ १३०० ॥ तिजयपहुत्ताय तए चत्ता पुप्फोत्तरस्सिरी सामि । । अहवुप्पज्जइ लोहो, गरुए लाहे गुरुणं पि ॥ १३०१ ॥ अद्दिट्ठो वि तुमं पहु ! पावं अवहरसि सुमरिओ संतो । झाइज्जतोवस्सविसं वमंतोअहिदट्ठाणं ॥ १३०२ ॥ मइ-सुय-ओहिनाणाई तिन्नि उव्वहसि सामि ! विमलाई । पायालमच्चलोयामरलोयनिरिक्खणत्थं च ॥ १३०३ ॥ इय थोऊणं अपमाणमाणसुप्पन्न भत्तिपब्भारा । भूमिलियभालफलया, नमंति इंदा जिणवरिंदं ॥ १३०४ ॥ देविउयरंतराओ, हरिऊणं असुहपुग्गलसमूहं । अइसुरहिपरिमले तम्मि पुग्गले पक्खिवंति सुरा ॥ १३०५ ॥
Jain Education International
For Private & Personal Use Only
www.jainelibrary.org.
