________________
१०२
सिरिअणंतजिणचरियं
होही जिणो तुह सुओ, होहमहं तस्स सहयरी नूणं । इय कहिउं पिव इंति अवलोयइ सा महालच्छि ॥ १२८० ॥ उत्तमजाईसु गुणो, विलसिरवन्नो अहं व तुह पुत्तो । होहि त्ति भणिउमिव पवरमिक्खए कुसुममालं सा ॥ १२८१ ॥ सपुन्नकलो सुमया सिओ य तुह नंदणोहमिव देवि ! । । होहि त्ति समक्खाउं व पेक्खए पुण्णससिमितं ॥ १२८२ ॥ .. हरिडं मोहतमोहं अहं व सम्मग्गदेसओ होही । तुह तणओ त्ति पयासिउमिव पत्तं सव्ववइ सूरं ॥ १२८३ ॥ अहमिव गुरुकुलकेऊ गुणन्निओ देवि ! तुह सुओ होही । इय वज्जरिठं पिव सा सच्चवइ धयं गिहं इंतं ॥ १२८४ ॥ परमोदयाहिवासो चित्तो हं पिव भविस्सइ सुओ ते । इय भणिउं पिव इंतं सा निज्झायइ कणयकुंभं ॥ १२८५ ॥ देवि ! तुम पि व सहस्सपत्तसेवियपयं सुयं लहसि । इय दंसिउं व सा पासमस्सियं नियइ कमलसरं ॥ १२८६ ॥ देवि ! सिणिद्धपवालं सुत्तिसियमंब ! जणिहिसि सुयं तं । इय कहिउं उवविंतं सायरमवलोयए देवी ॥ १२८७ ॥ नियनाहो तुह उयरे पत्तो अवलग्गिउं व तं देवि । अहमागयं व दंसइ व अप्पयं मणिविमाणं से || १२८८ ॥ तुह भवणे मज्झ समो वसुहरो निवडिही नहा देवि ! । सुयजम्मे त्ति पयासिउमिव मणिगणमिक्खए पत्तं ॥ १२८९ ॥ अहमिव तुह तणओ वि हु निद्धहिही कम्मकयवरं देवि ! । इय साहिउं व इंतं सा निद्भूमानलं नियइ ॥ १२९० ॥ सिविणचउद्दसगमिमं पविसंतं पेच्छए समुहकमले । निवपट्टमहादेवी समकालभमरजालं व ॥ १२९१ ॥ एत्थंतरम्मि बत्तीससंखअमरेसराण समकालं । निय-निय-ठाण-ट्ठियाण सिंहासणयाई चलियाई ॥ १२९२ ॥
Jain Education International
For Private & Personal Use Only
www.jainelibrary.org
