________________
१०१
अणंतजिणजम्मवण्णणं अह अन्नया य सावण-सामलसत्तमि तिहीए रयणीए । रेवइनक्खत्तम्मि संकंते अमयकिरणम्मि || १२६८ ॥ रिउसमयकयसिणाणो विरइयसिंगार-सुंदरा देवी । खणमेक्कं कीलासुहमणुहविय समं महीवइणो ॥ १२६९ ॥ पत्ता नियवासगिहे मणिप्पहाजालहरियतिमिरम्मि । वीयणयदप्पणासणनिद्दाकलसाभिरामम्मि ॥ १२७० ॥ तत्थ ट्ठिए पल्लंके ऊसीसयउन्नए नए मज्झे । पायंतऊसियम्मिं तडट्ठियमाणिक्कपयवीढे ॥ १२७१ ॥ नवरायहंसमिउरोमजुत्तपट्ठउयतूलियाकलिए । उहाणयगल्लमसूरियादुगालिंगिणिसणाहो || १२७२ ॥ निम्मोयमऊयजद्दरअच्छरणच्छाइए विसालम्मि । सुत्ता निब्भरनिदा पच्छाइयनेत्तसयवत्ता ॥ १२७३ ॥ (अनंतजिणस्स गब्भावतरणं) एत्थंतरम्मि पाणयकप्पे पुप्फुत्तरे विमाणम्मि । वी(स)सायराण अंतो जाओ पउमरहअमरस्स ॥ १२७४ ॥ तो नाणत्तयजुत्तो, मुत्तुं पुप्फोत्तरं मणिविमाणं । अवयरइ सुकयकलिओ, सुजसादेवीए गब्भम्मि ॥ १२७५ ॥ रयणीविरामसमए, देवी सा सुत्तजागरा नियइ । गब्भाहाणप्पयडणरूवं, सिविणावलिं एयं ॥ १२७६ ॥ तहाहि - होही देवि ! तुह सुओ, गयराओहमिव भूरिदाणो य । इय कहिउं पिव पत्तं, पेच्छइ एरावणं देवी ॥ १२७७ ॥ मह खंधसमं होही, तुह तणयस्सावि देवि ! खंधजुयं । इय विन्नविडं पिव पत्तम्मिक्खए धवलवसहं सा ॥ १२७८ ॥ तुह तणओ वि मयारीकिसोयरोहमिव होहिही देवि ! । इय साहिउं व पत्तं पेच्छइ सा केसरिकिसोरं ॥ १२७९ ॥
Jain Education International
For Private & Personal Use Only
www.jainelibrary.org
