________________
सिरिअणंतजिणस्स बीइय देवभवो
कुणइ य आहारचउक्कचायओ अणसणं विसुद्धमणो । अरिहंतसिद्धसाहुस्सुयाण सरणम्मि अणुसरइ ॥ १२१७ || विहिय गुरुपुन्नपुट्ठि विलसिर - कल्लाणवणअमयवुट्ठि । सुमरेउं पारद्धो, पुणरुत्तं पंच परमेठि ॥ १२९८ ॥ तहाहि
जे भुवणत्तयकल्लाणकारि - तित्थप्पवत्तया पहुणो । अरिहंताणं ताणं नमो नमो भवभयहरणं ।। १२९९ ॥ तिहुयणचूडामणिणो, जे जाया पाविऊण सिद्धिपयं । निक्कम्माणं ताणं, नमो नमो सव्वसिद्धाणं ।। १२२० ॥ पंचप्पयार आयारमणिमयाभरणभूसियंगा जे । तित्थप्पभावगाणं, नमो नमो ताण सूरीणं ॥ १२२१ ॥ सुविणीयविणेयाणं, जे सई सिद्धंतवायणं दिति । ताणमुवज्झायाणं नमो नमो समयसाराणं ॥ १२२२ ॥
तित्थयरतवच्चरणायरणज्जियपरमपुन्नपसरा जे । निज्जिणियकसायाणं, नमो नमो ताण साहूणं ।। १२२३ ।। (सिरिअणंतजिणस्स बीइय देवभवो )
इय रायरिसी सुमरिय परमेट्ठि आउअंतमणुपत्तो । पाणयकप्पे पुप्फोत्तरे, विमाणे सुरो जाओ ।। १२२४ ॥ माणिक्कमयमणोहरपल्लंके देवदूतअंतरिओ । पज्जत्तीपज्जत्तो, जाओ अंतोमुहत्तेण ॥। १२२५ ॥ पडयं उप्पाडेऊण, उट्ठिओ भूरिसूरदुन्निरिक्खो । अमराहिवो व्व निस्सीमरूवरमणीयसव्वंगो ।। १२२६ ॥ परिहियसुररयणाभरणभासुरो देवदूसपावरणो । दिट्ठो विमाणवासीहिं, सेवयामरसमूहेहिं ॥ १२२७ ।। तो ते नियनाहुप्पत्तिरंजिया उठिऊण सहसति । पणमंति रयणकुट्टिममिलंतमाणिक्कमयमउडा ।। १२२८ ॥
Jain Education International
For Private & Personal Use Only
९७
www.jainelibrary.org
