________________
९४
विणयारिहाण जिण - सिद्ध-सूरि - पमुहाण जस्स जं किं पि । उचियं तं कुव्वंतो, विणयं उब्भावए तेसिं ॥ ११७८ ॥ कुणइ किरियाकलावं, अवस्सकरणिज्जमसमसद्धाए । सीलंगाणं पालइ, सम्मं अट्ठारससहस्सं ॥ ११७९ ॥ पालइ महव्वयाई, अइयारविवज्जियाई निच्चं पि । कुणइ सुहज्झवसाणं, खणलवमेत्तं पि कालं सो ॥। ११८० ॥ तवइ तवं भत्तीए, चायं पि करेइ दव्वभावेसु । दव्वे अकप्पपिंडाइवेयइ भावे पुणऽकसाए ।। १९८१ ।। आयरियप्पमुहाणं, वेयावच्चं दसहमायर | असणाइआसणाईहिं, ताण जणयइ समाहाणं ।। ११८२ ॥ कालियमुक्का लियसुयमपुव्वं पढइ फुरियसंवेगो । पीइए कुणए भत्तिं सुयस्स तह सुयहराणं च ॥ ११८३ ॥ जिणपवयणं पभावेइ, सारसंवेगदेसणाईहिं । मन्नंतो अत्ताणं, सकयत्थं एय-आयरणा ।। १९८४ ॥ इय सो तइज्जभववेयणिज्जतित्थयरनामकम्मेण । समलंकरिओ वसुहाए, विहरए गुरुकयाणुन्नो ॥ ११८५ ॥ अह अन्नया कयाई, गुणिमुणिमंडलविराइपरिवारो । आयावणानिमित्तं, पत्तो कम्मि वि कयंतारे ।। ११८६ | सुविभत्त- सउण- सावय- सहियमहासत्तनघकयावासे । जिणपवयणे व्व विलसंतबोहिपत्ताभिरामम्मि ||| १९८७ ॥ अच्चंतकूरसत्तम्मि, तम्मि आयावणा समारद्धा । कम्मविणिज्जरणं कए, नरिंदरिसिणा सह मुणीहिं ।। ११८८ ॥ वीरासणिया के वि हु जाया गोदोहियासणा अवरे । के वि लगंडासणिया उक्कुडुगासणधरा अवरे ॥ ११८९ ॥ विहिएकक्कसुस्सग्गा एगे, अवरे मऊरआसणिणो । इकवालीकरणा के वि हु वज्जासणा अवरे ॥ ११९० ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
