________________
अणंतजिणस्स पढमभवो कुणइ चउत्थप्पमुहं, तव-चरणं अट्ठमासपज्जंतं । सुत्तत्थोभयधारी, जाओ एक्कारसंगेसु ॥ ११६५ ॥ खरतरणिठवियदिट्ठी गिम्हे उन्हानिलाभिहयदेहो । उस्सग्गठिओ चिट्ठइ, सव्वं पि दिणं पि सुहासत्तो ॥ ११६६ ॥ वासासु चउम्मासोववाससोसियतणू गुहागन्भे । धम्मजलसुढियदेहो, धम्मज्झाणं समारुहइ ॥ ११६७ ॥ सिसिरे निज्झरिणीनीरतीरउस्सग्गसंठिओ सहइ । अप्पावरणो हिमकणविमिस्सवाए समग्गनिसं ॥ ११६८ ॥ इय निठुरयरनिय(णा)णाणुट्ठाणविणट्ठदुट्ठकम्मस्स । वच्चंति रायरिसिणो दिवसा, समसत्तुमित्तस्स ॥ ११६९ ॥ अच्चंतसंतयाए भविस्सकल्लाणभायणत्तेण । लहुकम्मयाए, असरिससुहकम्मोदयपभावेण ॥ ११७० ॥ तित्थयरनामगोत्तं, समुवज्जइ सो वि वज्जियावज्जं । आराहतो वीसइ, अरहंताईणि ठाणाणि || ११७१ ॥ जुयलं ॥ तहाहि - जगगुरुणो भुवणहिया पूयापत्तं जिणा सिवं दिति । एवं पसंसमाणो, तेसिं वच्छल्लयं कुणइ ॥ ११७२ ॥ नि(वत्त)माणो सिवपुरपइट्ठिया विमलनाणिणो सिद्धा । इय जंपंतो तेसिं, वच्छल्लं कुणइ समहप्पा ॥ ११७३ ॥ संघस्स चउविहस्स वि, गुरुणो सद्धम्मदायगस्स सया । सद्धम्मथिरीकरणोवएसयाणं च थेराणं ॥ ११७४ ॥ . आगमपारगयाणं, गीयत्थाणं बहुस्सुयाणं च । छट्ठट्ठमाइनिठुरतवनिरयाण तवस्सीणं ॥ ११७५ ॥ सव्वाण वि एयाणं, वर्सेतो समुचियम्मि करणिज्जे । जणयंतो बहुमाणं वच्छल्लं पयडइ सया वि ॥ ११७६ ॥ एक्कारसण्हमंगाण, सुत्तमत्थं च चिंतए सययं । पालइ जिण-गुरु-नवतत्त-निच्चलत्तेण सम्मत्तं ॥ ११७७ ॥
For Private & Personal Use Only
Jain Education International
www.jainelibrary.org
