________________
सिरिअणंतजिणचरियं
गयतुरयरहारूढेहिं राय-सामंत-मंडलीएहिं । परिवारिज्जतो, मणिविमाण वि य खेयरेहिं च ॥ ११५२ ॥ मणिमयसुहासणट्ठियसुद्धंतबहूहिं अणुसरिज्जंतो ।। सिबियादुपासगयसुयरकुमरनवरायकयसेवो || ११५३ ॥ रज्जमहूसवविरईयचेलुक्खेवाभिरामविवणीए । चलिओ दिक्खागहणाय, नरवई गुरुयरिद्धीए ॥ ११५४ ॥ पणमिज्जंतो घर-पुर-सिहरारूढेहिं नायरनरेहिं । कयअवयारणयाहिं, सलहिज्जतो य रमणीहिं ॥ ११५५ ॥ अवलोयंतो खयरंगणागणारद्धमुद्धनडाइं । पेच्छंतो नायरनारिनियरनिम्मियबहुविणोए ॥ ११५६ ॥ दाहिंतो किवण-वणीमग-जायगलोयाणवंछियं दाणं । आयन्नंतो नियमंगलावलिं मागहुग्गीयं ॥ ११५७ ॥ बंदीहिं पढिज्जतो, वज्जंताउज्जपूरियदियंतो । संपत्तो उज्जाणे, राया वउलावयंसुत्ते ॥ ११५८ ॥ सिबियाए समं मुत्तूण खग्गपमुहाई रायककुहाई । गंतुं कुमरो पासे, तिपयाहिणिऊण तं नमइ || ११५९ ॥ रइयकरकमलकोसो, जंपइ पहु ! देह मह नियं दिक्खं । तो सो स-कइवयनियमो निवो सकलत्तो दिक्खिओ गुरुणा ॥ ११६० ॥ गहणासेवणसिक्खाओ, तस्स कहियाओ विणयवंतस्स । अज्जाओ अज्जियाणं, समप्पियाओ सुसीलाणं ॥ ११६१ ॥ नवरन्ना गिहिधम्मो, गहिओ नहयरकुमारकलिएण । सम्मइंसणसारो, बारसभेओ वि भत्तीए ॥ ११६२ ॥ . तो राया जणणीजणयजुत्तगुरुपायपंकयं नमिउं । पिउवयगहणुव्विग्गो सखेयरो आगओ भवणे ॥ ११६३ ॥ नवरायरिसी गुरुणा, सद्धिं अनिययविहारमायरइ । अंगोवंग-पयन्न-पयरणपमुहं च पढइ सुयं ॥ ११६४ ॥
Jain Education International
For Private & Personal Use Only
www.jainelibrary.org
