________________
अणंतजिणस्स पढमभवो ता देव ! गुणे च्चिय आयरिज्ज, तह निग्गहेज्ज रिउछक्कं । सह वज्जारीहिं अणिग्गहो, दुगस्स वि अणत्थयरो ॥ ११३९ ॥ अच्चंततेयस्सी मा होज्ज, जओ असेवणिज्जो सो । दिट्टिं पि को वि न ववइ, सारयमज्झण्हरविबिंबे ॥ ११४० ॥ अच्चंतं सीओ वि हु, नाणुसरिज्जइ कयाइ वि जणेण । कुणइ न को वि निवासं, हिमगिरिसिहरं समारुहिडं ॥ ११४१ ॥ एगंततेय-सीयत्तवज्जिओ ता सया वि लोएण । सव्वेण वि सेविज्जसि, सययं बहुमाणजुत्तेण ॥ ११४२ ॥ इय जणयदिन्नसिक्खं तं चित्तिपडिवज्जए नवनरिंदो । तो आसणम्मि ठाउं, महायणं भणइ नरनाहो ॥ ११४३ ॥ भो ! एस नवनरिंदो, तुब्भेहिं सया अहं व दट्ठव्वो । कप्पडुमो व्व दाही, जमिमो मणवंछियं तुम्ह ॥ ११४४ ॥ परचक्कसचक्कुब्भवउवद्दवे, सव्वया वि रक्खेही । तह साहुपालणं, दुट्ठनिग्गरं पि हु धुवं काही ॥ ११४५ ॥ अब्भुद्धरिही एसो, धम्मट्ठाणाई तुम्ह सव्वाइं । सयमेव वियारेउं, पालेही नयववत्थाओ ॥ ११४६ ॥ इय निवमहायणाणं, सिक्खं दाउं नरेसरो झत्ति । पव्वज्जकज्जसज्जो, धणियं धम्मे व णंदेइ ॥ ११४७ ॥ काराविऊण जिणमंदिराई, मणिकणयरयणरम्माई । समयुत्तविहाणेणं, तेसु पइट्ठाविउं बिंबे ॥ ११४८ ॥ काऊण संघपूर्य,देसे घोसाविउं अभयघोसं । खामणपुव्वं मोयाविऊण चारगनिरुद्धनरे ॥ ११४९ ॥ घणराय-रयण-थंभय-तोरण-सेणीविरायमाणाए । चलिरद्धयरणझणमाणकिंकिणीजालकलियाए || ११५० ॥ आरूढो सिबियाए, मोत्तियहारालिकलियसियछत्तो । लीलावईकरुल्लसिरचमरचयं वीइयसरीरो ॥ ११५१ ॥
Jain Education International
For Private & Personal Use Only
-www.jainelibrary.org
