________________
८९
गिहिधम्मे चंदसेणकहा ता जावज्ज वि दिट्ठी मह सुहुमयरे वि कुंथुआइजिए । पेच्छइ गच्छइ य न माणस्सउ संवेगभावो वि ॥ १११३ ॥ जाव न जज्जरजरा सव्वंगं पि हु सरीरयमसारं । तिव्वयरतवच्चरणायरणे जा विज्जए सत्ती ॥ १११४ ॥ अनिययविहारकरणक्खमा कमा जाऽणुवाहणा वि हु मे । नावसरइ सामत्थं, जा वेयावच्चकरेज्जो ॥ १११५ ॥ जा देहघरे पविसिय, न मच्चुचोरो हरेइ पाणधणं । ता विग्घकरो तो मा होसु मह वयग्गहणरसियस्स ॥ १११६ ॥ जं जणइ सुहुप्पाणयमेस च्चिय पुत्तयाण पिउभत्ती । तं पुण सासयरूवं जायइ सिद्धाण सिद्धीए ॥ १११७ ॥ सव्वविरइव्वयाओ नन्नो तप्पावणे वरो हेऊ । ता तल्लाहायरयं वारिय संकहसुहं देसि ॥ १११८ ॥ सव्वविरइव्वयाचरणपवणचित्तस्स कुणसि जइ विग्धं । ता वच्छ ! विहियविणयस्स मज्झ पायाण तुह आणा ॥ १११९ ॥ तं सोऊण कुमारो जणयाणाभंगभीरुमणवित्ती । अतरंतो वोत्तुं किंपि सव्वहा मोणमल्लीणो ॥ ११२० ॥ एत्थंतरम्मि पत्तो, घणरयणविमाणविंदरुद्धनहो । सिरिविजयकेउखेयरकुमरो रायंगरुहमित्तो || ११२१ ॥ रायकुमराण पणओ, कुसलं परिपुच्छिउं समुवविट्ठो । तो से कहिओ रन्ना, निय-वय-सुयरज्ज-अहिसेउं ॥ ११२२ ॥ भणियं च वच्छ ! इण्हि, अहिसेओवक्कम कुणसु पउणं । तो तेण समाइट्ठा, तक्कज्जे सेवया खयरा ॥ ११२३ ॥ सायरजलं कसाया महानईमट्टियाओ कुसुमाइं । मणिकलसा भिंगारा य तेहिं रन्नो समुवणीया ॥ ११२४ ॥ विज्जासामत्थेणं, खयरेण कया समग्गनयरीए । उल्लोया पडिजद्दरदेवंगप्पमुहवत्थेहिं ॥ ११२५ ॥
Jain Education International
For Private & Personal Use Only
www.jainelibrary.org
