________________
८८
सबलाहियं पि उन्नइगयं पि उदयाहियाहिलासं पि । सरयब्भं पिव जीवाण जोव्वणं तस्सरूवं च ॥ ११०० ॥ ता एरिसे नरेसर ! भवसंभविवत्थुवित्थरे अथिरे । रज्जति विमूढ च्चिय खणरमणीएसु विससु ।। ११०९ ॥ जे पुण परियाणियभव-भवंतबहुवत्थगणअणिच्चत्ता । ते विसयच्चायपरा, होउमणुट्ठति सामन्नं ॥ ११०२ ॥ ता राय ! नायनिस्सेसधम्ममग्गस्स जुज्जइ न तुझं । एवं पमायकरणं, विसयपिवासापरवसस्स ॥ ११०३ ॥ उवभुत्ता रज्जसिरी, जाओ बहुपुन्नपगरिसो पत्तो । ता इय कयकायव्वस्स, तुज्झं करणुज्जमो जुत्तो ॥ ११०४ ॥ इय निसुयसूरिसद्देसणो निवो संभवंतसंवेगो । विन्नवइ गुरुं विणएण, विहिय-कर-कमलजुयकोसो ॥ ११०५ ॥ पहु ! तुब्भेहिं विइन्नो, उवएसो उभयभवहिओ मज्झ । ता सुयविइन्नरज्जो, पव्वज्जमहं पवज्जिसं । १९०६ ॥
सिरिअणंतजिणचरियं
मा पडिबंधं काहिसि, निव । त्ति भणिओ गुरुहिं भणइ निवो । पहु ! मह तुम्हाणं चिय, सयावि आणा पमाणं ति ।। १९०७ ॥ तो कुमरपमुहपरिवारपरिगओ वंदिऊण गुरुचरणे । राया भवउव्विग्गो निययप्पासायमणुपत्तो ॥ ११०८ ॥ विहियसिणाणो, विरईयविलेवणो जणियसारसिंगारो । कयभोयणोऽवरण्हे, सहाए गंतुं समुवविट्ठो ॥ ११०९ ॥ सेवावसरसमागयसामंता (इ) सव्वमंडलियपणओ ।
भणइ कुमारमलंकरसु, वच्छ ! रज्जं कमप्पत्तं ॥ १११० ॥ तं सोउं आह कुमरो, न ताय ! एत्तिय भरस्स जोग्गोहं । ता कइय वि वरिसाई तुज्झे च्चिय तब्भरं वहह ।। ९९९९ ॥ रायाह वच्छ ! समयोचियाइं कज्जाइं कीरमाणाइं । धम्मजसकारयाई, हवंति अन्नह पहासाय ॥ १११२ ॥
Jain Education International
For Private & Personal Use Only
www.jainelibrary.org
