________________
८५
गिहिधम्मे चंदसेणकहा ठाणे ठाणे गिण्हइ अग्घं ईसरघरदुवारेसु । मंगलमालापाढे सोउं बंदीण देइ धणं ॥ १०६१ ॥ एवमणेगव्वइयरनियरनिरिक्खणसमुच्छुयहरिसो । पत्तो पिउपासायदुवारदेसे नरिंदसुओ ॥ १०६२ ॥ मुत्तुं करेणुरायं खेयरकुमरस्स भुयलयालग्यो । पविसइ अत्थाणे मंतिमंडलाहिवविमुक्कपहो ॥ १०६३ ॥ गंतूण तायपायासन्ने दंडाययप्पणामेण । पणमइ पिउपयपउमं मणिकुट्टिमघडियभालयलो ॥ १०६४ ॥ तो नियकुमारो रन्ना गाढं आलिंगिओ समुक्खिविउं । कुसलं पुट्ठो साहइ तुम्ह पसाएण कुसलं ति ॥ १०६५ ॥ पहु ! नमइ खयरकुमरो, त्ति कुमरकहिए निवं नमइ सो वि । तो तस्स वि नियसुयसमपडिवत्ती पयडिया रन्ना ॥ १०६६ ॥ कुमरेणुत्तं मह ताय ! एस अवयारओ वि उवयारी । जाओ अभिन्नचित्तो, मित्तो आजम्मनेहपरो ॥ १०६७ ॥ रायाह मह असेसो वि साहिओ दूयएण वुत्तंतो । जह वित्तो तुम्हाणं दोण्ह वि तह चेव कल्लदिणे ॥ १०६८ ॥ उत्तमपयइ च्चिय वच्छ ! सो धुवं जो सदोसपडिवत्तिं । कुणइ अहम्माण पुणो, दोसे च्चिय उज्जमो होइ ॥ १०६९ ॥ ता वच्छ ! इमेण समं, वट्टेज्जसु निच्चमेव नेहेण ।। तुज्झ वयंसो त्ति इमो, पढमयरो चेव मह पुत्तो ॥ १०७० ॥ ता वच्छा ! मणिजणिए दोन्नि वि भद्दासणे समुविसह । तो ते जणणिं पणमिय, उवविट्ठा आसने तम्मि ॥ १०७१ ॥ इत्थंतरम्मि सिंगारियंग-दासी-वयंसिया सहिया । कुमरबहू संपत्ता, नवरंगयरईअ अंगुट्ठी ॥ १०७२ ॥ चंकमणचरणरणझणिरनेउरारवसरंतकलहंसा । नमइ निवक्कमकमलं तस्सासी-पत्त-संतोसा ॥ १०७३ ॥
Jain Education International
For Private & Personal Use Only
www.jainelibrary.org
