________________
गिहिधम्मे चंदसेणकहा वत्थावगुंडियंगो निवसइ कुमरो वि तीए संनिज्झे । तं चेव वसीयरणं परच्छंदस्साणुवित्ती जा ॥ १०३५ ॥ तं मुहमुग्घाडावइ, सहीण दाऊण मग्गियं दाणं । गणिओ तणं व अप्पा, वितक्कए का धणे वत्ता ? || १०३६ ॥ तारामेलयकज्जे मिलिया दिट्ठी उ ताण दिट्ठीण । कसिणसुतारगुणाणं होइ च्चिय अहव संमिलणं ॥ १०३७ ॥ हत्थालेवयपक्खेवपुव्वयं मेलिया करा तेसिं । लग्गे दिएण मा होउ एसिं विरहो त्ति कलिउं व ॥ १०३८ । वेइए भूरिधम्मो, दोहिं पि पयाहिणी कओ अग्गी । अहवा गुरुप्पयावो, सेविज्जइ को न कलुसो वि ॥ १०३९ ॥ कुमरिकरमोयणत्थं दिन्नं रन्ना नरिंदतणयस्स ।। बहुमणिभूसणकंचणकरेणुरहतुरयवत्थाई ॥ १०४० ॥ रायकुमारेहिं दोहि वि परुप्परं वत्थ-भूसणसएहिं । सम्माणिओ तह जणो, जह नळं रोरनाम पि ॥ १०४१ ॥ गोट्ठीबंधो विव गोरवमणउप्पत्ति विव विलासाण । जाओ वीवाहमहो, सिंगाराणं व सिंगारो ॥ १०४२ ॥ आणीया परिणेउं कंता कुमरेण गरुयरिद्धीए । अंबतरुपत्ततोरणतियरमणीए नियावासे ॥ १०४३ ॥ तीए सहाणेयविणोयवग्गया अमुणिय वइक्कंतं । कुमरस्स दिवसदसगं ससुरयसम्माणतुट्ठस्स ॥ १०४४ ॥ तो विणयपणयपणई काउं कुमरो वि मोइउं अप्पं । ससुरयसयासउ तयणु तस्स आणाए संचलिओ ॥ १०४५ ॥ तो सो गोसे गयणेण मणिविमाणेहिं वाहिणीसहिओ । एही खेयरकुमरेण संगओ गरुयरिद्धीए ॥ १०४६ ॥ नियवुत्तंतं कहिऊण देव ! कुमरेण पेसिओ हमिह । वद्धावणयं तुम्हं ति जंपिउं सो ठिओ मोणे ॥ १०४७ ॥
Jain Education International
For Private & Personal Use Only
www.jainelibrary.org
