________________
गिहिधम्मे चंदसेणकहा पिहिय दुवारहट्टे, अपमज्जिय मंदिर(वारम्मि । कुमरीहरणनिरुस्सवमोणट्ठियसयललोयम्मि ॥ १००९ ॥ किमिमं ति कयवियक्कम्मि कमलकेसरनरेसरा जइणे । रायंगणम्मि सेणा अवइन्ना गयणगब्भाओ ॥ १०१० ॥ दहुँ विमाणमज्झाओ निग्गयं निवसुयं पडीहारो । वद्धावइ नरनाहं कुसलागमणेण कुमरीए ॥ १०११ ॥ पढमं पि पविसेउ सहाए कमलावली नमिय जणयं । साहइ हरणाईयं आगमणं तं सवुत्तंतं ॥ १०१२ ॥ सोउं कुमारवइयराण रणभरं मित्तयं च अच्चंतं । नहमग्गेण गमणं रंजिओ दूरमवणिवइं ॥ १०१३ ॥ एत्थंतरम्मि अत्थाणमागओ खयरसंगओ कुमरो । नमिय नरिंदं विलवइ नहयरो पहु ! सुही मज्झ ॥ १०१४ ॥ खामइ निययमविणयं न एसु रोसं कुणंति नो गुरूआ । ता देह अभयहत्थं पट्ठीए इमस्स पसिऊण || १०१५ ॥ तो भत्तिपयप्पणयस्स राइणा पाणिपल्लवो दिन्नो । पट्ठीए तस्स भणियं च भई भद्दो भविज्जासु ॥ १०१६ ॥ चुक्कक्खलियाइ उविंति कम्मवसयाण नूण पाणीण । नवरं तच्चिय भव्वा पुणो वि जे इंति नयमग्गं ॥ १०१७ ॥ इय जंपिय नरवइणा कुमरस्स सखेयरस्स पासाओ । आवासो य विचित्तो समप्पिओ कणयकलसग्गो || १०१८ ॥ उट्ठिओ कुमारो नहयरसहिओ विरायसिंगारो । आवासिया य तप्परिसरम्मि सविवाइणो सव्वे ॥ १०१९ ॥ अग्गलिया मत्तगया आबद्धाओ तुरंगराईओ । भोयणतंबोलाई सव्वं पि हु पेसियं रन्ना ॥ १०२० ॥ पारद्धो सुद्धदिणे वीवाहोवक्कमो विभूईए । सम्मज्जिऊण गंधोदएण सित्ता पहा सव्वे ॥ १०२१ ॥ .
Jain Education International
For Private & Personal Use Only
www.jainelibrary.org
