________________
८०
कुमरेणुत्तं विजयावहे पुरे मुयसु मज्झ कडए मं । कुमरिं पितओ मिलिया वि कुमरि नयरे गमिस्सामो ॥ ९९६ ॥ तो खयरेण विज्जाबलेण पसरंतरयणकरनियरं । विहियं विमाणमनियद्धयारणिरकिंकिणियं ॥ ९९७ ॥ आरुहिउं तम्मि कुमारनहयरा कुमरिसंगया चलिया । लंघंता गयणयलं सिग्घं पि इहागम्मिस्संति ॥ ९९८ ॥ तं सोउं नरनाहो कुमारपरियणजुओ ठिओ दिट्ठो । उट्ठेउं वंदियकेवलिं गओ कुमरकडयम्मि ॥ ९९९ ॥ विलसंतहट्टसोहं संचिय मंचाइमंचरमणीयं । सोहियरच्छं हच्छं, कडयं कारावियं रन्ना ।। १००० ।। कुमरागमणुस्सुयमाणसो निवो सव्वकडयलोओ वि । उग्गीवो उत्ताणियनयणो गयणे खिवइ दिट्ठि ॥ १००१ ॥ एत्यंतरे अनिलचलद्धयरणझणिरकिंकिणीजालं । पत्तं कुमारखेयरकुमरीजुत्तं मणिविमाणं ॥ १००२ ॥ दट्ठूण निवं कुमरो विमाणओ खयरभुयलयालग्गो । कुमरीकलिओ उत्तरिय, नमइ नरनाह - पयपउमं ॥ १००३ ॥ खेयरजुओ वि कुसलं पुच्छिउं जंपिउं महीवइणा । सव्वो वि वइयरो तुम्ह सामिओ अम्ह केवलिणा ।। १००४ ॥ कुमरी विनया तं पि हु संभासेऊण निवइणा विहिओ | कुमराइयाण तिह वि, वत्थाभरणेहिं सम्माणो || १००५ || तो पणया सव्वे वि हु नियया सामंतमंतिमंडलिया । संभाविया कुमरेण वत्थ- आभरणाइदाणेण ।। १००६ ।। तो विजयसेहरनिवं, मोयाविऊण खयरविज्जाए । कुमरो कमलपुरं पइ चलिओ गयणेण सबलो वि ।। १००७ ॥ वज्जंतविजयढक्का, बुक्कानीसाणसरभरियभुवणो । गच्छंतो संपत्तो, कमेण नयरम्मि कमलपुरिं ॥ १००८ ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
