________________
गिहिधम्मे चंदसेणकहा अच्चंतजायपीडावसमुच्छामीलयच्छिसयक्त्तो । पडिओ दढ त्ति भूमीए, मुग्गिरिय रुहिरोहो ॥ ९८३ ॥ तं निच्चेजें दटुं करुणारसपूरिओ निवंगरुहो । गिरिसरिजलेण सिंचिय, परिवीयइ वत्थअंतेण ॥ ९८४ ॥ तो सो किच्छ समुवलद्धचेयणुम्मीलमाणनयणजुओ । पेच्छइ परिचेट्ठपरं, बंधवमिव अत्तणो कुमरं ॥ ९८५ ॥ दुव्वयणभणणहणणारिहो वि बंधु व्व पालिओ इमिणा । ता एस उत्तमो हं पुणोऽहमो जो कयाऽनीई ॥ ९८६ ॥ जह मुच्छियं मममिमो, मारइ छुरियाए छिंदिऊण सिरं । ता कत्तो मे खेयररज्जं सयणा य सुहिणो य ॥ ९८७ ॥ ता एस पाणदाय त्ति सेविउं सव्वहा वि मे जुत्तो । ईय चिंतंतो वुत्तो कुमरेणं कुणसु जुज्झं ति || ९८८ ॥ तो सो पणामपुव्वं कुमरं विन्नवइ रइयकरकोसो । खमसु महायस ! जं दूमिओ मए भणिय दुव्वयणं ॥ ९८९ ॥ तुह संतिय च्चिय इमे पाणा करुणापरेण जं तुमए । मह दिन्ना ता नियसेवयस्स करणिज्जमाइससु ॥ ९९० ॥ कुमरेणुत्तं खेयरकुमार ! तं चेव नूण नररयणं । जो दूरं कुविओ वि हु भवसि समी झत्ति भणियं च ॥ ९९१ ।। दोहिं चिय पज्जत्तं बहुएहिं किं गुणेहिं सुयणस्स । विज्जुप्फुरियं व कोवो मेत्ती पाहाणरेह व्व ॥ ९९२ ॥ दुल्लहलंभं लहूं, खयरनरत्तं तमेव कायव्वं । जेणुल्लसइ जसो तह संपज्जइ परभवो वि सुहो ॥ ९९३ ।। एवं काहंति पयंपिरेण खयरेण खामिया कुमरी । मह खमसु भइणि ! अवहरिय आणिया जमिह इय भणिउं ॥ ९९४ ॥ भणिओ कुमरो मह कहसु जत्थ ठाणम्मि तं विमुंचामि । तह अप्पेमि इमं रायकन्नयं जणयजणणीण ॥ ९९५ ॥
Jain Education International
For Private & Personal Use Only
www.jainelibrary.org
