________________
७८
सिरिअणंतजिणचरियं नवरं संपइ पावो दुज्जेओ खेयराहिवो एही । ता निलुक्कह तुब्भे, कत्थइ मह बंधिउं मूलिं ॥ ९७० ॥ तं सोउमाह कुमरो, मा बीहसु सुयणु ! तं दुराचारं । मारेऊणं संपइ, तुह पिउणो तं समप्पिस्सं ॥ ९७१ ।। इय जंपिरस्स कुमरस्स, झत्ति कत्तो वि सो दुराचारो । करवालछुरियधरो, समागओ खेयरकुमरो || ९७२ ॥ दटुं नारीरूवं, कुमरी कुमरं च तीए पासठियं । घयसित्तपावओ विव तो सो कोवग्गिणा जलिओ ।। ९७३ ॥ कोवेण भणइ कुमरं, रे रे ! को तमिह मह पियापासे । मह कोवानलजालासु लहसि सलहत्तणं नूणं ॥ ९७४ ।। कुमरेणुत्तं कह तुह पिया ? इमा परदारिया अणज्ज ! । अज्जेव जासि जममंदिरम्मि महखग्गघायहओ ॥ ९७५ ॥ ता आयड्ढसु खग्गं इण्हि, चिय अहम ! होसु मह संमुहो । तेणुत्तमहो मुड्ढा उत्ताला चोरपासाओ ॥ ९७६ ॥ इय जंपिरेण खग्गो खयरेण विक्कोसिउं समुक्खित्तो । खित्तो य तप्पहारो, कंधरमणुसरिय कुमरस्स ॥ ९७७ ।। तो नमिय वंचिउं तं मुन्नई कुमरेण पेरिया तस्स । अवसक्कणेण वंचिय, तं सो से देइ पयघायं ॥ ९७८ ॥ करणक्कमेण भुल्लविय, तं कुमरो वि मुयइ से घायं । वंचियमतरतेणं, खलिओ खयरेण सो असिणा ॥ ९७९ ॥ अवरुप्परघायावडणउट्ठियाऽनलकणं असिदुगं पि । चारंगाओ भग्गंतो ते जुज्झति छुरियाहिं ॥ ९८० ॥ तो दो वि छलछुरियापहारपरिवंचणाहिं अन्नोन्नं । रंजिज्जंता वग्गं, निवग्गसमरंगणुच्छंगे ॥ ९८१ ॥ रायसुयवामअवहत्थपहयनहयरकराओ सहस त्ति । पडिया छुरिया तो सो कुमारनिठुरपयप्पहरा ॥ ९८२ ॥
Jain Education International
For Private & Personal Use Only
www.jainelibrary.org
