________________
७४
नाउं कुमारगमणं राया वि हु विजयसेहरो झति । परियतरलतुरंगो अवलोयंतो भमइ कुमरं ॥ ९९९ ॥ दिवसत्तिगे भमेउं वलिया मंडलिय - मंति- सामंता । सह विजयसेहरेण रन्नो अन्नायकुमरपहा ।। ९२० ।। नियकडयनियडवडविडवितडसुरारइयकणयकमलठियं । पेच्छंति केवलिं धवलछत्तअंतरियरवितावं ॥ ९२९ ॥ अमरासुर-नर-खेर - पमुहसहाए विसुद्धधम्मकहं । वागरमाणं माणावमाणपरिहीणजइजुत्तं ॥ ९२२ ॥ तो विजयसेहरेणं निवेण भणियं कुमारपरिवारो । चलह नमंसिय केवलिमापुच्छामो कुमरगमणं ॥ ९२३ ॥
एवं ति भणिय तो ते निवेण सह वंदिउं विमलनाणि । उवविसिय पहुं पुच्छंति पवसिओ कत्थ कुमरोति ? ॥ ९२४ ॥ तो भइ केवली भो ! आयन्नह कुमरगमणवृत्तंतं । दूयं विसज्जिऊणं कुमरो गुडरगिहे सुत्तो ॥ ९२५ ॥ तो तस्स तट्ठभल्लि व्व सल्लियमणा समयंकमुही । निवकमलकेसरसुया कुमरी कमलावली नाम ॥ ९२६ ॥ नूण न तरामि चलिउं अहमेयट्ठाणओ अकयकज्जो जमणुप्पज्जइही सो खलणे सुयणाण संतावो ॥ ९२७ ॥ पारंभंति न गरुया अह पारद्धं न ता वि मुंचति । साहसियस्सुज्जमिणो संकइ देव्वो वि जेणुत्तं ॥ ९२८ ॥ देवस्स मत्थर पाडिऊण सव्वं सहंति काउरिसा । देव्वो वि माणसंकइ जाणंतेउ परिप्फुरइ ।। ९२९ ॥ तहा
-
सिरिअणंतजिणचरियं
साहससत्तिधणाणं दो चेव गईओ हुंति धीराण । तणतुलियजीवियाणं मरणं च सकज्जकरणं वा ॥ ९३० ॥
Jain Education International
For Private & Personal Use Only
www.jainelibrary.org
