________________
७२
सिरिअणंतजिणचरियं पेच्छंताण वि ताणं नहेण वेगेण गहिय कुमरी सा । तक्खणमेत्तेणं चिय नयणाणमगोयरा जाया । ८९३ ॥ तो रायप्पमुहाणं सुयावहारे वियंभिओ सोओ । पलवेउं पारद्धो पागयपुरिसो व्व नरनाहो ॥ ८९४ ॥ हा हा ! तणए तणए ! हा जिणवर-देवसुगुरुपणपयए ! । हा सहियणसुहजणए ! कत्थ गया तं ममिह मुत्तुं ॥ ८९५ ॥ पारद्धो वीवाहो वाहरिओ इह वरो पयावरहो । अन्नह पारद्धमिमं संजायं अन्नहा वच्छे ! ॥ ८९६ ॥ देवी कमलसिरी चिय पलवइ सोयं सदंतुरियनयणी । हा पुत्ति ! तुज्झ जुत्तं किं तं जं मं गया मुत्तुं ॥ ८९७ ॥ वच्छे ! इण्हि तुज्झावहारवज्जप्पहारपहयम्मे । ता देसु दंसणं जा सहस्सहा फुडइ तो हिययं ॥ ८९८ ॥ रोयंति समग्गाओ वि सहीओ कुमरी गुणत्थइअ मुहीओ । चिहुरे तोडंतीओ ताडंतीओ य हिययाइं ॥ ८९९ ॥ तो मंतीहिं निवारिय नरेसरं सोयरोइयव्वाओ । कुमरीनिरक्खणत्थं हएहिं पट्ठाविया सुहडा ॥ ९०० ॥ एयत्थं चिय पहुणा पट्ठविओ हं पयासिउं तुम्हे | तह य कहावियमेयं जइ तं कुमरि लहिस्सामो ॥ ९०१ ॥ ता तुह सयंवरं चिय पेसिस्सामो समं सुमंतीहिं । तुब्भेहिं न कायव्वं ता एत्थ निरत्थयागमणं ॥ ९०२ ॥ तम्मि सुए सव्वो वि हु कुमरस्स जणो ठिओ कसिणवयणो । कमलायरो व्व मउलियकमलवणो तरणिअत्थमणे ॥ ९०३ ॥ कुमरीहरणदुहासियमणो वि कुमरो अभित्तमुहराओ । अंतो सकालकूडो विमुहरसो खीरनीरनिही ॥ ९०४ ॥ कुमरेणुत्तं सत्तो वि दूय ! किमहं करेमि दोब्बलं व । अवयारकारयम्मि अगोयरे सव्वहा जाए ॥ ९०५ ॥
Jain Education International
For Private & Personal Use Only
www.jainelibrary.org
