Pasanahchariyam

SR No.: 001444
Original Sutra Author: N/A
Author: Padmkirti
Publisher: Prakrit Text Society Ahmedabad
Publication Year: 1965
Total Pages: 538
Language: Prakrit, Hindi
Classification: Book_Devnagari, Literature, & Story
File Size: 12 MB

Page 286

-१७, १३, २]
पासणाहचरिउ
[१५३
सउ सुविहउ जिणवरु गुणहँ रासि सीयलु जिणु धणुहर-णवइ आसि । धणुहरैहँ असिय सेयंसु जिणु बारहमउ सत्तरि चाव पुणु। विमलहों वि सहि चावहँ कियाइँ पंचास अणंतहाँ अक्खियाइँ । पणयाल धणुहँ तित्थयरु धम्मु चालीस संति जिणु मुकिय-कम्मु । पणतीस भडारउ आसि कुंथु
अरु तीस जेण किउ धम्म-तित्थु । पणवीस मल्लि तित्थयरु देउ वीसमउ वीस णर-सुर-सुसेउ । पण्णारह णमि-जिणवरहों देहु दस धणुहँ णेमि फेडिये-तमोहु । णव हत्थ पासु अतुलिय-पमाणु जिणु सत्त हत्थ सिरि वड्ढमाणु । घत्ता- उच्चत्तु एउ तित्थयरहँ कहिउ णराहिव मणग पुणु ।
उप्पण्णा जैहिँ परमेसर णयरिहँ णामइँ णिणि तुहुँ ॥ ११ ॥
दुइ पढमु चउत्थउ पंचमउ
चउदहमउ संजम-णियमधरउ । जिण पंच वि उज्झहि वसिय आसि सावित्थिहि संभउ गुणहँ रासि । कोसंविहि पउमप्पहहाँ वासु वाणारसि-पुरिहि सुपासु पासु । चंदप्पहु चंदपुरिहि महंतु
काँकंदिहि जिणवरु पुप्फयंतु । भोंदलपुरि सीयलु चरिम-देहु सेयंसु सीहपुरि खविय-मोहु । बारहमउ चंपहि धवल-वंसु
विमलु वि कंपिल्लहि जग-पसंसु । तित्थयरु रयणवाहियहि धम्म चक्कहरहँ गयउर 'तिहँ मि जम्मु । णमि मल्लि वे वि जय-सिरि-सणाहु उप्पण्णा मिहिलहि भुवण-णाहु । मुणिमुव्बउ णयरि कुसग्गि जाउ सउरीहि णेमि उवसंतराउ । जिणु वड्ढमाणु जण-धण-पगामि उप्पण्णउ भारहे कुंडगामि । पत्ता- बारहमउ णेमि जिणेसरु मल्लि पासु चउवीसमउ ।
पंचहिँ मि एहि जगणाहहि लैंयउ कुमारहि आसि तउ ॥ १२ ॥
उसहु अजिउ संभउ अहिणंदणु सुमइ सुवीरु अणंग-विमदणु ।
सीयलु जिणु सेयंसु भडारउ विमलु अणंतु धम्मु जग-सारउ । ४ ख- हरई । ५ ख- विमलहु । ६ ख- चावहि ट्ठियाई । ७ ख- अंकियाई । ८ ख- वरहं । ९क- फेडिउ । १० खमणिण । ११ ख- तहि । १२ ख- णयरिहु । १३ ख- पुणु ।
(१२) १ ख- संजमु । २ ख- रउ । ३ क- पुरहि । ४ क- केकिदिहि । ५ ख- भद्दिल । ६ ख- कंपेल्लहि । ७क- तिथय विरु र।८क, ख- तिहि । ९ ख- पंचहं । १० ख- लइउ ।
(१३) १ क- सुपासु । सं. २०