________________
संधि-१७ उप्पण्णइँ तिहुँअण-सरवरे भविय-महाजण-कमलइँ । जिणु केवल-णाण-दिवायरु बोहइ महियले सयलइँ ॥ [ ध्रुवक .
परमेसरु जिणवरु णाण-पिहुँ बोहंतु भविय-जण-कमल-संडे । पयडंतु दुविहु जगें परम-धम्म सव्वण्हु देउँ फेडइ दुकम्मु । संसउ फेडंतु तिलोय-णाहु
चउतीस-परम-अइसय-सणाहु । पर-समय-वियारणु जगि पयासु चउ-देव-णिकायहिँ सहिउ पासु । गणहर-विज्जाहर-संघ-सहिउ
धरणिंद-चंद-अमरिंद-महिउ । विहरंतु णयर पुर पुहवि देउ संसारहो उत्तारंतु लोउ। णाणा-विह-दारुण-दुक्ख-तत्त
लायंतु धम्म-पहि भन्न-सत्त । जर-मरण-वाहि भवियहँ हरंतु बहु-सीसहँ संगैहु जिणु करंतु । धत्ता- गउ णयर कुसत्थले जिणवरु णरवर-सुरवर-परियरिउ ।
उज्जाणे मणोहरे संठिउ भय-मय-दोसहि परिहरिउ ॥ १॥"
देवागमु पेंक्खिवि णहि विसालु आणंदिउ मेणि उजाण-पालु। पणवेवि पाय जिणवरहो तित्थु गउ हरिसियंगु रविकित्ति जित्थु । बद्धाविउ जाइवि णरवरिंदु
तउ उर्वणि आयउ जिणवरिंदु । उज्जाण-पॉल-जंपिउ सुणेवि
गउ सत्त पयइँ आसणु मुएवि । लाइवि महि-मंडं लि उत्तमंगु
पणविउ परमेसरु विगय-संगु । उठेवि सुसाहणु पुहवि-पाल गउ अच्छइ जहि जिणु सामिसालु । आगमणु जिणहाँ उर्वणि मुणेवि गय कण्ण पहावइ जणणि लेवि । अंतेउर-परिमिउ भाणुकित्ति जिण-समवसरणि गउ जणिय-कित्ति । घत्ता- भड-भिच्चहि सहु सामंतहि णविवि महिहि वसुहाहिवइ ।
उन्भेवि कयंजलि कैरिवि "सिरे वंदिउ जिणु भुवणाहिवइ ॥ २॥ (१) १ ख- उप्पण्णए । २ क, ख- तिहुवणे । ३ क- 'यलि । ४क, ख- पिंडू । ५ख-संडू । ६ क- पयणंतु; ख- एयडंतू । ७क- जणि । ८क- देउ चउघाइ कम्मु, ख- देवराउ घणु फेड । ९ ख- णिवारणु जग। १० क- अमरेंद । ११ क- रत। १२ ख- संगहं । १३ क- णयरि । १४ क- हर संठियउ । १५ क- ध्रुवकं ।
(२) १ ख- मणे । २ ख- वरह । ३ ख- जेत्थु । ४ ख- वणे आइउ । ५ ख- पालु । ६ ख- लायवि । ७ ख-मंडले । ८ ख- वणे । ९ख- सरणे । १० ख- करेवि । ११ क- सिरु ।
10
Jain Education International
For Private & Personal Use Only
www.jainelibrary.org
