Page Text
________________
-१२, ७, १२]
पासणाहचरिउ
दुवई- णरवर-सुरवरेहि गयणंगणे रेण-उहि हयइँ तूर ।
रणे रोमंच-कंचु उक्करिसइँ जय-सिरि-आस-पूर॥ सामंत-सहस-सेविजमाणु
सुर-असुर-णरोरग-कय-पमाणु । पॅक्खेवि पराहउ कुविउ पासु वइरियहँ णाइ रेणि काल-पासु । सण्णद्ध समच्छरु णं कयंतु
कोहाणल-जाला-सय मुंयंतु । ऍत्थतरि किंकिणि-रव-रसंतु
धय-विजय-पडायहिं उल्लसंतु । चामीयर-रस-मंडिय-ससोहु
मणि-रयण-विविह-पसरिय-करोहु । णाणा-पैयार-कय-चित्त-कम्मु
उत्तंगु मेरु-गिरि जहव रम्मु । रिउ करइ समरि जो सार-हीणे आणिउ सो रहवरु सारहीण । आरूढउ तित्थु कुमारु भाइ
गयणंगणे दिणेयर-बिंबु णाइ ॥ कैरि करिवि सरासणु बद्ध-तोणु रणे धाविउ णं गँहु गयणि कोणु । पत्ता- पंक्खिवि कुमारु ससाहणु हय-गय-वाहणु गय रिउ मेल्लिवि" समरु घरु ।
कैवण भंति अह गुणयरि उइयइ दिणयरि जाइ गैहहाँ णं तिमिर-भरु ॥ ६॥
दुवई - मंभीसेवि समरि रविकित्ति गरिंदहिँ सहु समत्यहि ।
वायव-वारुणेहि अग्गेयहि हणइ गयंदहँ सत्यहि ॥ के वि वावल्ल-भल्लीहि णिहारिया चक्क-कोतग्ग-घाएहि विद्दारिया। के वि णाराय- सल्लेहि अत्ताडिया खग्ग-घाएहिं दंती रणे पाडिया । के वि कप्पदुमा जेम छिण्णा गया घोर-पीडाउरा तोय-तीरं गया । के वि अढेंदु-बाणेहि अप्फालिया दुट्ठ- मटेहि पच्छामुहा चालिया। के वि सत्ती-पहारेण घुम्माविया भग्ग-दंतंकुसा आहवे धाविया । के वि गैजंति भजति टंकाहया जुज्झ-मैज्झम्मि लोलंति मुक्का गया। के वि भिण्णा तिसूलेण कुंभत्थले णाइ वजाहया मेरु सिंगत्थले । पासणाहेण एवं गया तासिया णाइ सक्केण सेला णहे णासिया। धत्ता- पासकुमार-मैयंदहों समरि रउद्दहाँ भग्ग महागय पवर-कर ।
____ अहव णिसिक्किय-दंतहँ परवसे यंतहँ कउ 'रणि केरी ताहँ धर ॥ ७ ॥ (६) १ ख- राण उहे । २ क- तूरयं । ३ क- पूरयं । ४ ख- पराइउ । ५ ख- रण । ६ क- महंतु । ७ ख- मंडिउ । ८ क- पयारु । ९क- हीणु । १० क- हीणु । ११ क- दिणयरु । १२ ख- करे करेवि । १३ ख- गहो गयणे । १४ ख- मेल्लवि । १५ ख- कमण भंते अह गुणयरे उइए दिणयरे । १६ क- ण णहो जं ति ।।
(७) १ ख- मंभीसिवि । २ क- णरेंदहि । ३ ख- गयंद सत्यं । ४ क- सल्लेहिं । ५ क- रण । ६ ख- कपद्दुमो । ७क- तोव । ८ क- अज़ेद । ९ ख- मिटेहिं । १० ख- पाडिया । ११ ख- मजंत । १२ क- मज्झंति; ख- मज्झमि । १३ ख- मुक्कया । १४ ख- तासिया । १५ क- मइंदहो । १६ ख- रणे ।
Jain Education International
For Private & Personal Use Only
www.jainelibrary.org
| SR No. | 001444 |
| Book Title | Pasanahchariyam |
| Original Sutra Author | N/A |
| Author | Padmkirti |
| Publisher | Prakrit Text Society Ahmedabad |
| Publication Year | 1965 |
| Total Pages | 538 |
| Language | Prakrit, Hindi |
| Classification | Book_Devnagari, Literature, & Story |
| File Size | 12 MB |