________________
•
८२]
पउमकित्तिविरइउ
[१०,९,१
अत्थमिऍ दिवायरे णहि असज्झ णिसि-दिवसही अंतरि अय संझ । णिम्मल सणिद्ध घण-बहल-रंग आयंब-बिंब मंडिय-तरंग। किंमुय-पावाला-सरिय-सोह
सिंदूर-पुंज-अणुरूव-देह। आयंब-बिंब पिय-विरह-जुत्त पच्छेण संझ दिणयरहों पत्त । तिहुअणहाँ असेसहा लँहिवि पारु गउ संझई सहु रवि समय-चारु । अहवा महंत जे णर सलज्ज ते रमहि महिलसु समत्त-कज्ज । गउ दूरहों दिणयरु दिसि पयासु संझ वि अणुलग्गइ पहेण तासु । अहवा सँरयाचल-रूवधारि इहे कवणभंति जणु जाइ णारि । घत्ता- अबरुप्परु संझ-दिवायरु दिवह-विरौमि आसत्त।
अंथमियइ वेलाइर्तुं जिह बे वि गैयणे अणुरत्तइँ ॥ ९ ॥
अथमिऍ दिवायर-किरण-जाले आइय णिसि णिसियर गहें विसले। कजल-तमाल-सम-सरिस-चण्ण । दस-दिसि-पएस-घण-तिमिर-छण । तम-तिमिर-पडल-भीषण सदोस कंकालिय-पुंसुलि-जण-सतोस । दुज्जण-जण जह अणुरइ करंति तिमिरेण सयलु तिहुँअणु भरंति । बेयाल-भूय किले-किल करंति उत्थरिय रयणि "णं जगु गिलंति । तम-भरिउ भुअणु जायउ रउद्दु खल-संगें मुअणु वि होइ खुदु । तम-तिमिर-णियर-जालेण वर्द्ध जगु णाइ तमोवरि एउ छुद्ध । दीवा-मणि-यण-णिरंतरेहि
तमुल्हसिउ किं पि पुरवर-घरेहि । घत्ता- णहु णिम्मलु जाउ सदोसउ रयणि-तमोहें छाइयउ ।
खल-महिलहि अहवइ “संगें कासु ण अपेणु आइयउ ॥ १० ॥ (९) १ क- अत्थमिय दिवायारु । २ क- असंज्झ । ३ ख- दिवसहु । ४ क- केसुय । ५ ख- अणुराय । ६ ख- तिहूअणहो। ७ ख- लद्ध। ८ ख- संझहि । ९ ख- छूरहो । १० ख- सरायवल । ११ ख- एह कहवण भत्तिण जाइ । १२ ख- अवरोप्परु । १३ क- 'विराम । १४ ख- इत्त । १५ क- गयणि ।
(१०) १ क- अत्यमिय । २ ख- दिवायरे । ३ क- 'जाल । ४ क- विसाल । ५ क- 'वण्णु । ६ ख- पएसि । ७ क- "छण्णु । ८ ख- काकारियं । ९ क, ख- जणु । १० ख- तिहुयणु हरति । ११ ख- किलिकिलि । १२ ख- जगु णं मिलति । १३ ख- भुवणु । १४ ख- बद्ध । १५ ख- तमोरिए उवरि छुद्ध । १६ ख- छाईयउ । १७ ख- महिलहो । १८ क- संग । १९ ख- खप्पणु आईयउ ।
Jain Education International
For Private & Personal Use Only
www.jainelibrary.org
