Page Text
________________
१८]
पउमकित्तिविरइउ
[२,११,१
ऍत्यंतरि' रायहाँ जं पहाणु उप्पण्णु अवहि-णामेण गाणु । जिंदणहँ लग्गु संसार-धम्मु
सुमरेप्पिंणु अप्पुणु अण्ण-जम्मु । जइयहाँ वेतरणिहि णइहि तीरि उप्पण्णु आसि हउँ गरय-घोरि । दुहु विसहिउ तइयहु मइँ महंतु को लहणहँ सक्कइ तासु अंतु । पढमो जि हुंडु संट्ठाणु जाउ दुजउ दुहु पुणु उच्छाल-घाउ । पुणु कण्ण-णयण-कर-सिर-विणासु उक्कत्तण बंधण मरण तासु । सेवलि-अवरुंडणु तत्त-पाणि" कुंभी-कडोहे-दुह घोर जाणि । विसैहिमि एवं बहु दुखें जाम पुनन्जिय रिउ संपत्त ताम । कोहाणल-जाल-पलीविएहि हउँ बद्ध असेसहि वइरिएहि । घता-तं हुअउ ण होसइ दुक्खु दुस्सहु णिरु चिलँसावणउ ।
णरय-लक्ख चउरासिहि मि जं" ण सहिउ अमुहावणउ ॥ ११ ॥
१२
णरय-गइहि उर्तिण्णु किलेसें तिरिय-गइहि गउ कम्म-विसेसें। तहि मि दुक्खु विसहिउ असुहावणु बहु-विह-बंध-पहार-वियारणु । गालण अंड-कण्ण-सिर-छेयणु बंध-पहार-दहि-गुरु-वेयणु। मयर-मच्छ-अलि-कोल-विहंगहि रिच्छ-विराल-पेवंग-पयंगहि । सारस-णउल-गरुड-अहिकीडहि मयगल-कमल-करह-खर-मोरहि"। महिस-सह-खग-सीह-किसोरहि सरड-सरह-पहुँ-रोझ-तुरंगहि । थावर-जंगम-गइ-अपमाणहि
सँहिउ दुक्खु चिरु पल्ल-पमाणहिँ"। गरुव-भार-आरोहण गहियउ भुक्ख-तण्ह-सीउण्हें विसहियउ । वग्ध-सीह-णहरग्गैहि फाडिउ पाहण-लउडि-पहारहि ताडिउ । घत्ता- णरय-गइहे सम-सरिसउ तिरिय-गैईहि मि दुक्खु ।
10 विसहिउ कालु अणंतउ दूसहु घोरु असंखु ॥ १२ ॥ (११) १ स्व- रे । २ ख- णहि । ३ ख- 'विणु । ४ ख- °णु । ५ ख- जइ अह वतरणेहे णइहे तीरे । ६ कते; स्व- हम्यूँ । ७ ख- ड । ८ स्व- विजउ इहु पुणु उत्थाल । ९ ख- कमिण णय । १० ख- संवलिउ । ११ ख- 'णु । १२ क- 'हि । १३ ख- इहु । १४ क- विसहेवि एव; ख- विसहिवि एम। १५ ख-क्छ । १६ क- 'उ । १७ क- तु । १८ ख- व । १९ ख- दूस। २० ख- विजसा । २१ क- जण्ण ।
(१२) १ ख- °ति । २ ख- दुकम वि । ३ क- वरहु वि । ४ ख- भयावणु । ५ ख- ण । ६ ख- देह । ७ ख- ण । ८ ख- शिर । ९ ख- एव पयं । १० क- गंड । ११ क- 'ड। १२ ख- पस। १३ क- सुउर । १४ ख- शु। १५ क- यप । १६ क- 'हे । १७ ख- सहियउ दुहु । १८ क- 'हे । १९ ख- अ । २० क- सिय । २१ ख- रग । २२ ख- 'रि । २३ क- हि । २४ ख- गई । २५ क- तु ।
Jain Education International
For Private & Personal Use Only
www.jainelibrary.org
| SR No. | 001444 |
| Book Title | Pasanahchariyam |
| Original Sutra Author | N/A |
| Author | Padmkirti |
| Publisher | Prakrit Text Society Ahmedabad |
| Publication Year | 1965 |
| Total Pages | 538 |
| Language | Prakrit, Hindi |
| Classification | Book_Devnagari, Literature, & Story |
| File Size | 12 MB |