Page Text
________________
१ रिसहसामि - २ भरहचक्कवहिचरियं ।
१५
अगिसम्मतं पुण सुणन्तस्स पवयणं, भावयंतस्स जीवा ऽजीवा ऽऽसव-संवर-बंध - णिज्जरा मोक्खमतिए सत्त पयत्थे, वियारयंतस्स हेउ-दित जुत्तीहिं, गच्छंते य णाणावरणीए खओवसमं, उम्मिलंते य मोहविवरे, पइदिणं सुणंतस्स आयरियाइसगासे, अणवरयखीयमाणकम्मुगो भिष्णकम्मगंठिस्स सुहपरिणामसहावं सम्मत्तमुप्पज्जइति । एयं अहिगमसम्मत्तं ।
तस्स पुर्ण सम्मत्तस्स पंच रूत्राणि, तं जहा -उनसमं सासायणं खाओवसमियं वेययं खइयं । तत्थ उवसमं भिण्णगठिस्स पढमसम्मत्तलाभे हवइ, उबसम सेडिविहाणेण य उवसंतमोहस्स । खओवसमं गए मोहणीए खाओवसमं, तं पुण सम्मत्तपुग्गलोदयजणियपरिणामस्स हवइति । सासायणसम्मत्तं तु अपरिचत्तसम्मत्तभावस्स मिच्छत्ताहिमुहस्स अउइण्णाताणुबंधि सम्मत्तपरिणामासायणेणं सह वट्टमाणस्स किंचि सम्मत्तमुज्झवसायस् य हव ति । वेययसम्मत्तं पुत्रगसेस खीणाणताणुवंधिमिच्छत्तसम्मामिच्छत्तसम्मत्तदलियगासीकयचरिमकवलरस खाइयसम्मत्ता
इति । खाइयसम्मदिट्ठी खीणसत्तगो सहावजणियसुहपरिणामो सेणियो इव दट्ठव्वो । एवमेयं पंचहा सम्मत्तं वैणियं । अपरिवडियसम्मत्तभावो य अणुहविऊण सुहपरंपरमवस्सं पाउणति सव्वदुक्खत्रिमोक्खं मक्खं ति । परिवडिसम्मत्तो वि बंधड़ मंठिदेसाहियं कम्मठिहं ति ।
तं पुण सम्मत्तं गुणओ तिहा होइ, तं जहा- रोचयं दीवयं कारयं । तत्थ रोचयं जीवा -ऽजीवाइएस पयत्थेसु अरहया पणीएसु हेऊ-आहरणासंभवे वि “ तमेव सच्चं णिस्संकं जं जिणेहिं पवेदिय" न्ति एवं रुई करेति । दीवगं पुण अण्णेसिं पि सम्मत्तं दीवेति । कारयसम्मत्तं तु सम्मं तव -संजमुत्थाणं कारवेइ । तमुप्पण्णं तु एएहिं वेव तिर्हि भावेहिं लक्खिज्जइ । अहवा समेणं संवेगेणं णिव्वेणं अणुयंपाए अस्थिक्कमईए य । तत्थ य समो इंदिय-गोईदिएहिं इंदिओवसमो णाम रूवरस-गंध-सद्द-फासेसु अणुकूल पडिकूलेस अरत्तदुट्टया, गोइंदिओवसमो पुण कोह-माण- माया-लोहवज्जणं, मोहाभिभवो सव्वत्थ अकोउहल्लत्तणं च । संवेगो पुण सुणन्तस्स जिणप्पणीए भावे, भावेन्तस्स संसारासारत्तणं, समालीएंतस्स कम्मपरिण साइए विसry वेरग्गमुप्पज्जइति । गिब्वेओ पुण उप्पन्नविसय वेरग्गो णिब्विज्जर, चारगवांसेणेव संसारवासेण विसमित्र गिविंद भोए, बंधणमित्र मण्णेइ बंधुयणं, गोत्तिघरं पिव चिंतेइ घेरवासं ति । अणुवाओ एगिंदिय-पंचिंदियाणं भवसागरे किलिस्सागाणं दट्ठूण कम्मपरिणामजणियं दुहविवागं करुणापराही हियओ तेहिंतो वि अहिययरं दुक्खं अणुहवइ, पयट्टइ य जहासत्तीए दुक्खपडियारहेऊ त्ति । अस्थिकम संजुओ उण अस्थि जीवादिए पयत्थे, अस्थि पुण्णं पावं बंधी मोक्खो य, जिणप्पणीए भावे सम्मं सद्दह पत्तियइ रोएइ फासेइ ति । तस्स पुण सम्मत्तस्स फलं सुमाणुससुदेवत्ते जहुत्तरमुहं, परंपराए व्वाणमणं ति । "
एवं जहाहिं सुणेऊण धणसत्थवाहेण भणियं-सोहणं धम्ममूलं सम्मत्तं ण एयमम्हाण सवणपहंमुवगयं, अवणिय व्त्र मोहणिद्दा भयवया, पयासिया पउणपयत्री सासयपयस्स । त्ति भणिऊण वंदिऊण य भयवन्तं सेससाहू य ग णियमावासं । सुत्तुस्स भावेंतस्स य गुरुवयणं किंचावसेसाए रयणीए पढियं कालणिवेयएणं
खलिऊण जणपयारं अइभ रियजलंधयारमहिक्विरो । वासारतो गुणनिहि ! रयणीए भरो व्व परिगलइ ॥ ५७ ॥ जणमणकयववसाओ पयडियपहप हियसत्थमुहजणओ । पच्चूसो व्व वियंभइ हंसउलणिसेविओ सरओ || ५८ ॥ उप्पहगमणणियत्तं सलिलं सरए ठियं सहावम्मि । ववगयजोव्वणकलुसत्तणस्स हिययस्स अणुहरइ ॥ ५९ ॥ सिहिकेयार मुँहलं तडिलयगहणं णिराउलघणेहिं । पाउसमहाडई लंघिऊण मुक्काई चावाई ॥ ६० ॥ होऊण सकलुसाओ आसाओ जलहरार्णैमुण्णमणे । ताण पुण वियलणेणं ताउ पसन्नत्तणमुवेन्ति ॥ ६१ ॥ चलणक्कमन्तमज्झप्पएसपासस्थकद्दमुद्दामो । सीमन्ता इव जाया मग्गा गामन्तरालेसु ॥ ६२ ॥ ठाणा वसन्तकमलसरसलिलपूरियदियन्ता । ईसिवसुयायकद्दमसुहसंचारा पहा जाया ॥ ६३ ॥
१ मुणंतस्स जे । २ विष्णेयं जे । ३ मोक्खन्ति सू । ४ सम्मन्तवं सू । ५ मुक्षणं जे ६ अणुकंपाए जे ७ भावंतस्स जे । ८ लोइतरस जे । ९ वासेण व जे । १० मन्नइ जे । ११ घरे वासं ति सू । १२ गमनन्ति सू । १३ हलन्तडि सू । १४ "राण उन्नमणे जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |