Page Text
________________
३१०
चउप्पानमहापुरिसचरित्र । वि 'मुसउणो' ति मण्णमाणेणं भणिओ णियपुरोहितोजहा-मह सिद्धयत्वासमागयस्स दंसियन्वो एसो भणो । पुरोहिएण भणियं-जमाइसह ति। गओ णराहिवो । पत्तो पञ्चन्तियसण्णिवेसं । पराजिओ एसो। दवावियो पगामं कप्पं । आगओ य णियणयरं । पविट्ठो महया विभूईए णिययमंदिरं । दिह्रो पुरोहियपुरस्सरेण तेण भणेण । राइणा वि तईसणसुणिमित्तसिद्धकज्जपरितुदृणं भणिओ बंभणो-मग्गमुजेमिच्छियं । तेण भणियं-देव ! बंभणि पुच्छिऊण आगच्छामि। राइणा हसिऊण भणियं-एवं करेसु त्ति । गो सो बंभणीसमीवं । साहिओ तीए परवइपरितुहवइयरो जहा-मम राया तुट्ठो, भणइ य 'मग्गसु जहिच्छियं,' ता साह 'किमहं पत्थेमि ?' ति । चिंतियं च तीए-जइ एयस्स रायसिरी भविस्सइ ता अण्णाओ सुरुवाओ जुबईओ भविस्संति, ममोवरि मंदायरो हविस्सइ, ता जहा ण ममोवरि सिहं मुयइ तहा भणामि । भणियं बंभणीए जहा-भट्ट ! अम्हे बंभणजाईयाई, ता राइणो अग्गासणभोयणं पइदिणं दक्खिणाए दीणारो, अणवसरम्मि वि उस्सारउ त्ति । तमायण्णेऊण गओ परवइसमीवं बमणो । मम्गिओ जहाभणियं । पडिवण्णं च सहरिसं राइणा। __ एवं च अणवरयं मुंजमाणस्स दक्खिणागहणेण पणदारिदो संवुत्तो । 'राइणो पाडुओ' ति पइदिणमामंतिज्जइ सयलपयइबग्गेहि । सो वि अइलोलु[य]त्तणओ बंभणपयतीए भुत्तपुव्वो वि राइणो भवणम्मि अंगुलिदाणेण पत्तिऊण चिरभुत्तभोयणं पुणो भुंजमाणो अच्छिउं पयत्तो। __एवं च अइकतो कोइ कालो । समुप्पण्णा बहवे पुत्त-पोचाइणो, पवढिओ पवररिद्धिसमुदओ । तहाविहं चाणवरयं भंजमाणस्स समुप्पण्णो कुट्ठवाही, पसरिओ सयलसरीरावयवेमु ति दुणिवारो जाओ । तओ तं तारिसं दळूण ते पुत्त-पोत्ताइणो तस्स उविज्जिउं पयत्ता । अच्छउ ता पडियरियव्वं, तेणं चेय लज्जंति । तं च तारिसं ताण ववसियं दखूण तेण चिंतियं-अहो ! पेच्छ मह विढत्तेणं चेव विहवेण एयाणं मओ समुप्पण्णो, जेण ममं पि आणं ण करेंति । अहवा
बहुमुकयसहस्सेहिं वि ण तीरए खलयणस्स घेत्तूण । हिययममुद्धसहावस्स णिययकज्जुज्जयमतीयं ॥ ५९१ ॥ ससणेहं मुद्धसहावयाए ववहरइ अण्णहा सुयणो । अण्णह कप्पेइ खेलो सदुभावेण दुदुमती ॥ ५९२ ॥ झुंजइ जहिं चिय फुडं तं चिय भंजेइ भायणममुद्धो । पिमुणो सदुभावेण किं पि अण्णं कलेऊण ॥ ५९३ ॥ जत्थुप्पण्णो सयछिड्डजज्जरं सव्वहा समीइंतोतं चिय दारुं घुणकीडउ व्व सुयणं खलो खवइ ॥५९४॥ जोया जस्स सयासाओ उवह कहमप्पणो वि उप्पत्ती । धूमद्धउ ब्व दारुं तं चिय मुयणं खलो डहइ ॥ ६९५ ।। एस सहावो खलकंटयाण बहुमम्मभेयकारीण । दूराओ वजणं अहव खेहरीएं वयणभंगो ॥५९६॥
दियह चिय परगुणविहवदसणे ठाइ मुच्छिउ व्व खलो। तेलोकरजलंभे विणवर दोसे 'दिहि पत्तो ।। ५९७॥ इय जइ वि तस्स कजम्मि कह वि दिज्जइ सिरं पयत्तेण । तह वि कयावि ण तीरइ पिसुणो सुयणेण घेतूण ॥ ५९८ ॥
एवं च सो णिययपरियणपरिहूयमप्पाणयं कलिऊण अंतोपसरियामरिसो चिंतिउं पयचो-एयमकयण्णुयं परियणं तहा करेमि जहा एयस्स वि एस चेव अवस्था होइ । ति चिंतिऊण वाहिता-णिययतणया। भणिया य एकंते जहा-"पुच! अहं खु वाहिवसओ अयंगमो संवुत्तो, ता किमेयावत्थगयस्स मह जीवियम्वेण ? । ता अम्हाण कुले एरिसो आयारो-जेण अंतकालम्मि पसुणा चरुं णिव्वत्तिऊण पुणो अप्पणो उवसंहारो कीरइ । ता संपाडिज्जउ मह एको पम्, जेणाई तहेवाणुचिट्ठामि"। संपाडिओ य तेहिं । तेणावि अप्पाणयं घयाइणा अब्भंगेऊण उव्वलिऊण य उचलणियाओ भुंजाविओ सो पम् । एवं च पइदिणं भुंजमाणेण वाही तस्स संचारिओ। संकंतवाहि पसुं मुणेऊण तस्स मंसेण णिवत्तिओ चरू। दिण्णो पुत्त-णत्तुयाणं । भुत्तं तं तेहिं पसुमंसं, जाव तेसि पि संकंतो वाही । मुणिओ एस वइयरो राइणा पुरजणवएण य । तओ कुविएण राइणा णिव्विसओ आणत्तो। णिग्गओ य जयराओ । पतिदिणं गच्छमाणो पत्तो सज्ज-ऽज्जुणे-ताल-तमा
जहिच्छिय जे। २ 'णयाइजायाई, जे। ३ राइणो आइअग्गासणे भोयण दीणारयुगमेगं मग्गसु, जाव जा(रा)इणो सयलसामन्ता पयईस । गमो णरवइसमीव बंसू । ४ खलो अ सू । ५ जाभो सू। ६ उयह जे। . 'मपणा जे। 6 ए सयराहमुहभंगो सू। ९ दिसि जे । १. तब्बलियामो जे। "ग-साल जे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |