Page Text
________________
५४ वद्धमाणसामिचरियं ।
२१६ तो तमागच्छमाणं दणि सा तिलोयसुंदरीध्या अहिट्ठिया मिच्छो दाउं । दिवा य सा महरिसिणा संजायणिण्णुष्णयायंबणहमऊहेणं चलणजुयलेणं, णिऊढगुप्फ-जाणुमंडलेणं सैहिणजंघियाजुएणं, णिच्छल्लियरंभागब्भविन्भमेणं ऊरुजुयलेणं, वियडणियम्बबिम्बमग्गेणं कडियडाहोएणं, मयणभवणसोवाणसण्णिहेणं तिवलीकलिएणं मज्झेणं, वम्महरायाहिसेयकलससच्छहेणं थणमंडलेणं, मुणालियावलयविब्भमाहिं बाहुलइयाहिं, असोयपल्लवसरिच्छेहिं करकिसलएहिं, भरपरिणयबिम्बायम्बिरेणं अहरदलउडेणं, अहिणवविसट्टकंदोदरदीहरुज्जलेणं णयणजुयलेणं, सारयकोमुईपुण्णिमायंदसरिच्छेणं वयणबिम्बेणं, भमरं-उंजणसमिद्धभंगुरेणं च केसकलावणं ति । तं च तारिसं पेच्छमाणस्स तस्स मुणिणो वियसिया णीलकुवलयावलि व णियमकीलन्ती विय णियदिट्ठी, विम्हरिओ चिरयरब्भत्थो वि णियमसंजमो, पम्हुट्टो सयलसत्यावबोहकलिओ वि विवेओ, पंगलिओ रयणि-दिणब्भासपैडित्थिरो वि सयलमुत्तत्थो, केचलं वियम्भिया अरती, उल्लसिओ रणरणओ, पज्जलिओ मणम्मि मयणाणलो, वित्थरिओ रमियव्वयाहिलासो त्ति । तं च दट्टण थंभिओ व्व लिहिओ व्व टंकुक्कीरिओ बमुच्छिओ व्व णिचलणिरुद्धणीसास-णयण-वयणो ठिओ मुहुत्तमेतं। तं च संहावत्थियं पेच्छिऊण, लक्खिऊण तस्स हिययचिंतियं भणिउं पयत्ता तीए जणणी-अम्हे पण्णित्थियाओ, ण दविणसंचयमंतरेण कस्सइ वयणं पि पलोएमो, अम्हाणं खु अत्थलोहेणं कोढिओ वि मयरद्धओ, तेण विणा मयरद्धओ वि दूहवो ति, ता जइ इमीए किंचि कजमत्थि ता दविणं पयच्छसु त्ति । तं च तीए वयणं सोऊण तेण] पुलइयं णहंगणाहुत्तं। तो अहासणिहियदेवयाणुहावओ णिवडिया तमुद्देसमुज्जोवयंती जच्चकंचणवुटि त्ति । नायं च तम्मि उद्देसे महाखलं । तओ तप्पिमिति 'कणयखलं' ति पसिद्धिं गयं । पइट्ठियं च कणयखैलाभिहाणं पट्टणं ति।।
इय बद्धमाणसामिचरिए कणयखलुप्पत्ती [२०] ॥
पलोएऊणं च तं गंदिसेणमुणिवरो णहाहितो णिवडियं कणयमहाखलं 'एसो तवाणुभावो' [त्ति] कलिऊण लजिओ व्व मुहुत्तमेत्तं होऊण अवकतो तयंतियाओ । पडिगए य तम्मि सा तिलोयसुंदरी 'गहेमि' ति चिंतिऊण समल्लीणा जाव जत्तियमेत्तं गहियं तत्तियमेत्तं सयलं पि विज्झायंगारसण्णिहं संयुत्तं । चितिउं च पयत्ता-ण हु इम कणयजायं एयमणिवरवईयरेण विणोवसुंजिउं लब्भइ ति, ता जइ पुणो वि "एसो कहि(ह)चि समागच्छइ । एवं च चिंतिऊण परियप्पियऽण्णारिसरूवणिहेलणा णिययधूयं सव्वालंकारविहूसियं पुरओ ठवेऊणं संठिया तस्स पहं पलोयमाणा।
अण्णया य पुणो वि विहरणणिमित्तमागयं दद्रुण सा सह धृयाए घेत्तूण तं मुर्णि णिविट्ठा गेहम्मितरे। मणिउंच पयत्ता-"एसा हु कण्णया मज्झ धूया, एयाए जैप्पाइं तुमं पलोइओ तप्पहूई ण अण्णो पडिहाइ, एसा वि तुम्हाभिरुइया। ता मए एसा तुह पणामिय ति। तुममिमीए वरो, कीस संपयं परिचयसि ? । अण्णं च
तुम्हाणुहावओ देवयाए दिणं इमं कणयरासिं । एयाए समं उवभुंजसु ति तं दिव्वरूवाए ॥५४१ ॥ रायकुमारसरिच्छं सुकुमारतणुं गुणेहिं सर्पणं । लधु जुवाणर्जुवई सजोव्वणं कुणसु कयकिच्चं ॥ ५४२॥ अण्णह णिरत्ययं तुज्झ जोव्वणं जं वणं पवण्णो सि । जुवईए जविजन्तस्स जोव्वणं होइ सकयत्यं ॥५४३॥ गहिया तुज्झ कए देवयाए दाउं इमं कणयरासिं । संपइ पडिच्छ एयं, अज्ज वि किं चित्तसम्मोहो ? ॥ ५४४॥ जाण णिमित्तं विविहोववासकिसिओ तए इमो अप्पा। ते विसया उवभुंजसु इहं भवे चेव संपण्णा ॥ ५४५॥ को णाम पालिसो सयलरिद्धिसंभोयसमुदयविसेसं । उज्झइ पच्चक्खगयं परोक्खकज्जम्मि मूढमणो ? ॥५४६॥
१ भिक्खं जे । २ सिहिण सू । ३ 'जुवलएणं जे । ४ विय दिवो सू । ५ परिगलिओ जे । ६ पत्थिरो जे । ७ मुच्छलिओ जे। ८ तहाविहं पेंजे।९ पलोइयं जे । १. खलयाहिहाण सू । ११ गचरिए सू। १२ यरे(रेए)णोवभुं सू। १३ एसो समासू। १४ अप्पभिइ जे । १५ तप्पिभिई जे । १६ यइसि! जे । १७ 'वसारिच्छ(सरिस)मचारस। १४ संपुर्ण ने। १९ जुयईचे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |