Page Text
________________
३१२
चउप्पन्नमहापुरिसचरिय। द्धरतवविसेसो परिचत्तसयलदंदाइदुहकारणो आसाइयसममुहोवमीयमाणसग्गाइसहो सुहज्झयण-झाणणिरओ पवयणभणिएण विहिणा अच्छिउं पयत्तो। कह ?
णो छाया णेय फलाई णेय कंदाइं कारणं कलिउं । एकं विवित्तयगुणं हियए काऊण तत्य ठिओ ॥ ५२६ ॥ णिच्चुववासकिलंतो विदित्तदेहो मुहासियज्झाणो । सेविजंतो मयमुद्धलोयणो मयउलसएहिं ॥ ५२७ ॥ संठाइ तिव्वरविकिरिणपसर[सं]तावणुम्मुहो गिम्हे । उद्धट्टियभुयर्जुवलो कएक्कचरणो धरावीढे ॥ ५२८ ॥ घणसमए घणरडिकयतडिच्छडाडोयभासुरिल्लम्मि । संठाइ जंतुरहियम्मि वियडगिरिकंदरुदेसे ॥ ५२९ ॥ सिसिररयणीसु खरपरणपहयपंच्छित्ततुहिणणियरासु । चउजामम्मि समोलंबभुयजुओ गमइ झाणेण ।। ५३० ॥ इय विविहच्चुग्गतवोविसेसणीसेसियामुहप्पसरो । णमुणियणिसि-दिण-सुह-दुक्खकप्पणो णंदिसेणमुणी ॥५३१॥
एवं च मासाओ दुमासाओ जाव चउमासाओ कट्टहारयाहिंतो लद्धजहासुद्धाहारसंपाइयपाणवित्ती कालं गमेइ । तो तस्स तवप्पहावओ वढिया अपत्तपुवा वि वणदुमाण फल-कुसुमसमिद्धी, चिरयालपरूढाई पि उपसंताई सत्ताण परोप्परं वेराई। तयणुहावावज्जियाओ वणदेवयाओ वि पज्जुवासणं करेंति । पतिदिणमुवासमाणा वणयरा वि धम्मसवणुज्जुयमती संजीया । ते य तस्साइसयाणुहावओ जणयम्मि व वेसम्भमुवगया तहिं चेय णिसि-दिणावसाणं पि गमन्ति त्ति ।
तत्थ य णाइदूरे गंगाजलमहल्लकल्लोलपक्खालियपायारपेढं पायारपेढाबंधुद्धाइयतुंगहालयसमूहं अट्टालयसमूहावलग्गपज्जुत्तजंतपरंतं तपेरन्ताबधुद्धयधयचिंधमालाउलं वप्पिणं णाम पुरवरं । तत्थेक्का अञ्चन्तसलाहणिज्जजोन्वणारम्भा णियरूवोवहसियसुरसुंदरी ससोहग्गक्खित्तरइविलासा णिययवित्तीविढत्तपभूयदविणसंभारा तिलोयसुंदरी णाम पवरवेसविलया । सा य णियधूयाए विवाहसमयम्मि अत्थिजणम्मि महादाणं दाउमुज्जया। तीए य सिट्ठमण्णेहिं जहा-"अत्थि इह एगो महामुणी महातवतेएण दिप्पमाणो दिणयरो व्य मुत्तिमन्तो, तस्स परं जइ दाणं दाउं केणइ बवएसेण तीरइ तओ महाफलं होइ त्ति । कह ?
वंदणमेत्तेण वि तस्स होइ अचन्तपुण्णपन्भारो । किं पुण जो तं सकइ परिग्गहं गाहिउँ णिययं ? ॥ ५३२ ॥ मुद्धं पत्तं तारेइ जाणवत्तं व भवजलाहिंतो । णो बहवे पासाण व्व जे सई चेय मज्जंति ॥ ५३३॥ पत्ताहासेहिं ण किंचि कज्जमेत्थं बहुहि मिलिएहि । उज्जोयं कुणइ मणी कायमणीमज्झयारम्मि ॥ ५३४ ॥ अप्पाणं पि ण तारइ गरुयप्पा ताव चिट्ठउ इहऽण्णो । ईसि पि वलंग्गो लोहपिंडए बुड्डइ णिरुत्तं" ॥ ५३५ ॥ इय सोउं सवणपरंपराओ बहुजणपयंपियं बहुसो । वाहरिउं वणयरणियरमेत्थ कज्जे णिउंजेइ ॥५३६॥
. एवं च ते वणयरा तीए सव्वायरेण विणिउत्ता गैया पुव्वपणएणेव जत्थऽच्छइ सो महामुणी। सा वि घेत्तूण णिययधूयं सयलसामग्गिसंपण्णं तेसु चेय वणयरउँडवेसु संठिया । तेहिं च वणयरेहिं लद्धावसरेहि कहाणयसंपाडयं काऊण भणियं-भयवं ! इह णाइदूरे अम्हाण आवासणिमित्तं कप्पिएमुं [उडवेमुं] जइ गमणेणं पसायं करेह ता अम्हाणमणुम्गहो होइ, सव्वस्स वि य अदिट्टपुव्वस्स वि तुम्हे अणुग्गहपरा, किं पुण पुत्तभंडसरिसाणमम्हाणं ? ति । तओ एवं च पुणो पुणो भण्णमाणस्स पुणरुत्तदंसणसंजायईसीसिसणेहस्स समुप्पण्णा गमणइच्छा । पयट्टो तयंतियाओ। कह?
जणरहियं जस्स कएण संसिओ सावयाउलं रण्णं । तं चिय संग अल्लियइ पउरपंकं व करिणाहो ॥५३७॥ उडयाहिंतो उडयं भिच्छाकज्जुज्जओ परिब्भमइ । पासयणिबद्धयं पिव आयड्ढइ पुवकयकम्मं ॥ ५३८॥ ण कयाइ आगओ, णेय दिट्टपुव्वो कहिं पि जो देसो । तत्थऽल्लीणो अहवा जायइ जं जस्से तं तस्स ॥५३९ ॥ इय सो महारिसी जायमाणसंजोग्गयाणुहावेण । अल्लीणो परियणपवरपरिगयं उडवयं एकं ॥५४०॥
१ जुयलो जे । २'डालोवभा । ३ पक्खित्त जे । ४ हासदास । ५ कुणंति जे । ६ संखुत्ता जे । ७ न्ताबंधुदय सू। ८ नयरं जे । ९ विलग्गो जे । १० रमेत्य णवर कज्जे जे । ११ गयपुव्वपजे । १२ 'उडेसु सू । १३ करेहि सू । १४ भिक्खाकजुज्जुओ जे । १५ स पुवकयं जे।
For Private & Personal Use Only
Jain Education International
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |