Page Text
________________
२७७
५४ वद्धमाणसामिचरियं । तहिं च वणंतराले अण्णभवन्तरम्मि चंडकोसिओ णामाऽऽसि लोईओ रिसी। सोय कोववेसयत्तणओ रोदज्झाणोवगयमाणसो कालं काऊण समुप्पण्णो तम्मि रण्णम्मि दिट्ठीविसो महोरओ। तत्थ वि अइचंडकम्मत्तणओ लोयपसिद्धि गओ चंडकोसिओ ति। तेणमहिट्टियं वणन्तुरालं सयलसत्तसंभोयवज्जियं च संजायं ति। णवरि यसो भयवं तं] पडिमौसंठियं पलोएऊण अचन्तकूरपयइत्तणओ 'किल णिहहेमि' ति कप्पिऊण विणिन्तविससिहिसिहाभामुरच्छिविच्छोहं णियच्छिउं पयत्तो, कह ?
अह णिग्गंतुं भूमंदिराउ भीमयरभोगपन्भारो। भुयइंदो दंडट्ठियमउलियफणमंडलायारो॥६२ ॥ पज्जलियाणलकणसबलणितणीसासखित्तवाहिहरो । अन्तोपरियढियफुरियफारफुकारसंसदो ॥ ६३॥ पेरन्तविणितच्छिच्छडप्पहाविजियहा(? भा)णुपहपसरो। अलिउल-कु[वलदल-तमालकसणदेहा विहाइल्लो ॥ ६४॥ 'अहमेव एत्थ तेयत्तणेण पयरिसमणोवमं पत्तो। ता तं किं मज्झोवरि परिडिओ ? ' इय कलेऊण ॥६५॥ वम्मीयविवरगहिरंतराउ उद्धाविऊण गयणम्मि । परिसंठिओ विमंडलकुंडलियायारभोयभरो ।। ६६॥ सरलपरियत्ततणुवलयवयणपसरन्ततरलजीहालो । उच्चत्तणेण लहुइयपसरं हसइ व्व तालतरुं ॥६७॥ तो उम्मिल्लइ पुरओ जयगुरुणो पज्जलन्तणयणजुयं । णिदहणमणो णिद्दड्ढपउरपावस्स भुव(? य)इंदो ॥६८॥ तो सा दिट्ठी विप्फुरियविसकणुक्केरजलणजालिल्ला। विज्जु व कणयगिरिकंदरम्मि गंतुं पडिप्फलिया ॥ ६९ ।। दिटिप्पहाहि विप्फुरियजरढरविकिरणविन्भमाहिं जिणो । दढकणयरज्जुसंदाणिउ व्व सकज्झओ सहइ ॥७० ।। इय सा दिट्ठी दिट्ठीविसस्स गुरुरोसपसरपंक्खित्ता। ण समत्था जयगुरुगो णिदहिउँ रोममेत्तं पि ।। ७१।।
तओ सा दिट्ठी दिट्ठीविसपेसिया भयवओ विणिग्गयसीयलेसाणुहावपडिप्फलियमाहप्पा णिरत्थया संजाया। तओ पडिफलियं णिययदिटिप्पहावं पेच्छिऊण भुयंगमो रोसवसविणिन्तफुकारविसजलणजालाकरालवयणो कवलणमणो पहाविओ भयवओ समुहं, डसिउंच पयत्तो जयगुरुं । अणवरयडसणुजओं वि जाहे ण भयवओ मणयं पि कि पि पीडं उप्पाएउं समत्यो, तओ तं तारिसं विमुक्कासेसविसविसेसं पेक्खिऊण भयवया भणियं-"भो चंडकोसिय ! ण सुमरसि तं 'इओ तइयभवम्मि तुम इरियावहसोहणणिमित्तं [खुड्डेण] चोइओ पहाविओ कोवेण तस्स चेव बहणत्यं, णिवडिऊण मओ समाणो उबवण्णो तावसासमम्मि । तत्थ परियढिओ समाणो कालगयस्स कुलवइणो तुमं चेव कुलवती संवुत्तो। तत्थ य समिहाणिमित्तं गयस्स रणम्मि कोकारणाओ चेव परसु उण्णामेऊण पहाविओ पेक्खुलिउं पडमाणो परियत्तिउं णिययपरसुणा चेव विणिवाइओ। तो विवण्णो संजाओ इह भुयंगमत्तणेण' । ता अन्ज वि को कीस कारणा समुन्वहसि ? ति। ता भाविऊणेवं सिढिलेसु कोवं, कोवो हि" माण विग्धभूओ सुहसंपयाणं, अणत्यो अस्थसत्थसंभवाणं, पडिकूलो कल्लाणसंपत्तीए, पडिवक्खो मुहविवेयस्स, पडिमल्लो कुसलाणुटाणस्स, णिद्दलणो सिणेहसंतईए, मूलमविवेयतरुणो, जणओ दुग्गइवेंडणस्स त्ति, अवि य--
गुरुकोवजलणजालाकलावसविसेसकवलियविवेओ। ण वियाणइ अप्पाणं परं व परमस्थओ "लोभो ।। ७२॥ कोववसओ हु पुरिसो अप्पाणं चिय डहेइ पढमयरं । जत्थुप्पण्णो तं चेय इंधणं धूमकेउ व्व ॥७३॥ सो किं व कुणउ अण्णस्स पेसिओ खीणसत्तिसंजाओ। जो णिययासमं णिड्डहेइ कोवो तुमं व फुडं ? ॥७४॥ इय' कोवेणं सयले जयम्मि जे जंतुणो समहिहूया । इह परलोए वि णराण ताण ण हु होति सोक्खाई ।। ७५ ॥
अण्णं च एएण अहिहूया जंतुणो ण गणंति परंण अप्पयं, ण सोक्खं ण दुक्खं, ण आवयं ण संपयं, ण हियं णाहियं, ण सुंदरं ण मंगुलं, ण जीवियं ण मरणं ति। सबहा तं तहा समायरन्ति जेणागाहदुत्तरे णिवडंति भवसमुद्दे त्ति । ता मुमरिऊण
१ लोइयरिसी सू । २ वसत्त सू । ३ च जायं सू । ४ 'माए सं जे । ५ 'रच्छिविच्छोह णियंतो । तो सा दिट्ठी दिट्ठीविसस्स जे, (७० गाथा)। ६ 'ओ समीवं । ड जे । . °य सुम' जे । ८ कालकयस्स स । ९ पक्खलिलं जे । १. यत्तिऊण जे । ११ हि गाविहिग्धहभो (2) मुंजे । १२ अस्थसम सू। १३ संपत्तीणं जे । १४ मूल वेरतणु(क)णो सू। १५ वयणस्स स्। १६ पुरिसो जे । १. संजोभो सू। १८ मासयं जे । १९ कोवेण इमेण(गं) जसू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |