________________
। चउप्पनमहापुरिसचरियं । याणसि तमहं कहेमि-दुविहं सागारा-ऽणगारियं धम्मं पण्णवेहामि चि। तो आउ(?)च्छिऊण कंचि वेलं जहागयं पडिगओ उप्पलो। छ
[उप्पलपत्यावो ४]
भयवं पि तप्पएसाओ चलिओ जहाविर्हि संपत्तो मूलागं णाम सण्णिवेसं । तहिं च संठिओ एकम्मि उज्जाणवगम्मि । तओ भयवन्तागमणमुणियवइयरेण य जणसमूहेण वंदणाइणा पूइओ जयगुरू । पज्जुवासिउं च पयत्तो जणो। तं च भयवओ समीवं जणसमूहं गच्छन्तं पलोएऊण अच्छंदओ णाम पासंडो वियप्पेइ-किमेस लोओ में उज्झिऊण एयस्स समुहं गच्छइ ? ति, ता अवणेमि एयस्स गंतूण जइत्तणाहिमाणं । ति चिंतिऊण गओ जत्थ भयवं जणसमूहोवसेविजमाणपयपंकओ चिट्ठति ति । गंतूण य घेत्तूण पाणिमुट्ठीए तणं भयवओ दंसिऊण भणिउं पयत्तो-भो ! किमेयं तणं 'छिज्जिही उवाहु ण व? त्ति । एत्थावसरम्मि य भयवओ तणुम्मि समल्लीणसिद्धत्थेग जंपियं-गो इमं छिज्जइ त्ति। तओतप्पभावाओ संजायकढिणभावं तं तणं इओ तओ विमद्दमाणेण अच्छंदएणं जाहे मगयं पि भंजिउं ण तिण्णं वाहे संजायवेलक्खभावो सयलजणोवहसिज्जमाणो गओ तप्पएसाओ ।
[अच्छंदकपत्थावो ५]
भगवं पि तप्पएसाओ संपत्थिओ । अहासुहं विहरमाणो गओ अणेयेवणसंडमंडियं वगंतरालं ति । तं च केरिसं ?णियफलसमूहसंपत्तिपत्तसउणयणजणियतोसिल्लं । णच्चइ व पवणधुयसाहुलीचलुव्वेल्लभुयवलयं ॥ ५८ ॥ आहासइ व्य फलतुद्वसउणसंजणियबहलबोलेण । सहसा संपत्थियपंथियाण संदोहमगवरयं ॥ ५९॥ अभुट्टह व्व समुहुल्लसन्तहल्लन्तपल्लवोहेण । उग्गायइ व्य मणहरपम्यपरिलेन्तभमरगणं ॥ ६॥ इय तं जयगुरुदंसणसविसेसवियम्भमाणभत्तिभरं । भणइ व सागयं तसियविविहसावयसमूहेण ॥ ६१॥
# एवंविहं च वणगहणं लंघिऊण संपत्तो विसदवाणलणिद्दड्ढपविरलोवलक्खिजमाणत्थाणुमेत्तपायवं वणयरपरिचत्तविहाराहारत्थसंचरणं णकयणिग्गम-पवेसं अणवरयसंधुक्किउद्धृमायमाणदीसन्तसयलदियंतरालं, अवि यकुणरिदं पिव दूरपरिच्छूढसउणसत्थं, मूयल्लयसरूवं पिव पणवाणियं, कुमयमग्गं पित्र दूरविवलाणसावयगणं, दिट्ठीविसणयणसिहिसिहाकरालियमेक्कं भूमिप्पएसं । तस्स मज्झप्पएसम्मि पलोइयमच्चुच्चसंठाणं वम्मीयसिहरं। तं च तारिस भयवया दठ्ठण 'अहो ! णिज्जंतुओ पएसो' ति भाविऊण संठिओ तत्थ पडिमाए।
१ अच्छंदो सू । २ छिचिहिति उयाहु जे । ३ तप्पहावओ जे । ४ यदुमसंड जे। ५ 'हुलीयलम्वेलचुय जे । भणिय च सू। ७ हस्तद्वयान्तर्गतः पाठो जेपुस्तके नास्ति ।
Jain Education International
For Private & Personal Use Only
www.jainelibrary.org
