Page Text
________________
चम्पन्नमहापुरिखचरियं ।
हय-गय-रहवर - पाइकचकपज्जुतपहरणेहिं पि । काऊण परित्ताणं ण य तीरइ जंतुणो मरणे ॥ १२४ ॥ उत्तुंग-पीण-पेढालसिहिणतडवियडेमंडणिल्लेण । मणयं ण होइ ताणं कयंतजीहावलीढस्स ॥ १२५ ॥ सुहि-पुत्त-मित्त-बंधव सन्निहिय-सोयरस्स ण हु रक्खा । पडियस्स मच्चुणो वयणदन्तजन्तन्तरालम्मि ॥ १२६ ॥ परिमंदमारुउब्वेल्लकयलिदलतरलजी वियव्वम्मि । इह माणुसम्मि जम्मे कह व सयण्णो कुणउ रायं ? ॥ १२७ ॥ धि ! तेर्सि मणुयाणं जे मणुयभवं पि णाम लक्षूण । विसयाहिलासवेलवियमाणसा र्णेति णियजम्मं ॥ १२८ ॥ ते पुण 'जयम्मि घण्णा जे जिणवरभासियं मुणेऊण । अणिगूहियणियसामत्थमुज्जया धम्मचरणम्मि ।। १२९ ।। इय केच्चिरं व किंपागफलसरिच्छम्मि तुच्छभोयसुद्दे । सत्तेण चिट्ठियव्वं असारसंसारवासम्मि १ ॥ १३० ॥
२५६
एवं च भाविऊणं चित्तेणं परिचाऊण णिययावरिल्लपल्लवावलग्गं पिव तणं सयलं पि हु रज्जवित्थरं पवण्णो तित्थपायलम्म समणत्तणं । अवगओ सुत्तत्थो, अम्भसियं तवोकम्मविहाणं । गरुयवयविसेसाणुद्वाणणिट्ठवियकिलिकम्मो अरहन्त-सिद्ध-चेइयाइकयवच्छल्लयाइविसेस-पवयणपहावणापज्जवसाणसौलसकारणसमावज्जियतित्थयरणामकम्मो गामं विहरमाण संपत्ती खीरणगवरोवलक्खियं खीरवणं णाम महाडई । संठिओ तम्मि खीरमहागिरिम्मि राहिहो ओयावणापडिमाए ति ।
गामा
इयो यसो वणयरकुरंगयजीवणारओ तओ रोरवणरयाओ उन्बट्टो समाणो तम्मि खीरपन्चयगुरुगुहोयरसंठियाए सीहीए पोट्टम्म सीहत्तणेणभ्रुववण्णो । जाओ कमेणं । पत्तो य महाबलसामग्गियं वओबुढि । अणेयजीवसंघायमारणणिओ [संतो ] |
अण्णा य अदीयदिणम्मि णासाइयकवलग्गहो छुहावसुल्लसियमारणाहिलासो संपत्तो किं पि सत्तमण्णेसमाणो जस्थ सो महामणी । तओ पुव्वभवन्भत्थवेरकारणुप्पण्णुग्गकोवपसरो धुयकंधरुव्वेल्लमाणकेसरसढाकडप्पो पुणरुतं पुंछच्छडच्छोडियधरणिमंडलो गहिरगुंजारवावूरिय गिरिकुहर-काणणंतरालो सहसा समोवइओ सुणिणो तणुम्मि । मुणिणावि 'मह मारपाहिलासी सीहो' त्ति कलिऊण कयं णिरागारं पच्चक्खाणं ताव यत्तधम्मज्झाणो परिचइऊण देहं संपत्तो पाणयकप्पे महप्पहे पवरविमाणे वीससागरोवमट्टिई सुरवरो ति ।
सो वि सीहो यियाउयक्खयम्मि मओ समाणो पंकप्पहार [ग]रयपुढवीए समुप्पण्णो दससागरोवमाऊ णारओ ति । तओ कालकमेण खीणम्मि तन्भवाउए उन्बट्टो समाणो किंचूणदससागरोवमाऊ संसारे परिभमिऊण तहाविहभवियच्चयानिओएण संजाओ बंभणकुले । तत्थ वि परिणइवसेण जायमेत्तस्स चेय खयं गओ पिइ-माइ- भाठयपमुहो सो विसय सत्थो । तओ अञ्च्चन्तकरुणापवण्णमाणसेण जणवएण जीवाविओ बालभावम्मि कंढो त्ति से णामं कयं । अइकंतो सिसुत्तणाओ, संपत्तो जोव्वणं । तओ सयलजणर्खिसिज्जमाणो कह कह वि संपज्जतभोयणमेचवित्ती वेरग्गमग्गवगओ चिंतिउं पेयत्तो, कह ? -
जर कह वि अण्णजम्मम्मि पवरधम्मो मए सयं काउं । ण य तिष्णो संवदियमोहमहापसरदोसेण ॥ १३१ ॥ अच्छउ वा धम्मो गुरुदुहोहसंपायपसरणिद्दलणो । मज्झत्थया विण मए कया समत्तम्मि जियलोए ॥ १३२ ॥ जेण महं पुव्वि सुकयपावसंपत्तिपसरियाइसओ । वड्ढेइ हिययदाहं बाढं दढदुक्खसंदोहो ॥ १३३ ॥ अहियं कुरुव-दोहग्ग-दुसहकयसामियावमाणस्स । दारिदस्स य पुरिसस्स होइ सोक्खं मरन्तस्स ।। १३४ ॥ ता जड़ मरि ण य कह वि तीरए सत्तवियलवाए पुणो । अम्हारिसाण रोराण घडइ कार्ड मणं धम्मे ॥ १३५ ॥ इय एवं चिंताजलणजालपज्ज लियहिययसन्भावो । होइ केंढो धम्मनिमित्तगहियवणवकलावसणो ॥ १३६ ॥
१ "डमंडिलिल्लेण सू । २ भवम्मि णाम सू । ३ सवण सू । ४ समुवद्वंतध सू । ५ सागरठिई सूा ६ °णो संसारमाहिंडिऊण अणंतरभवे तहाविहं कम्मं काऊण संजाओ बम्भणकुले । तत्य य पावपरिणतीवसेण सू । ७ पी- माई सू । ८ कमढो सू । ९ पवत्तो जे । १० कमडो सू ।
Jain Education International
www.jainelibrary.org
For Private & Personal Use Only
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |