Page Text
________________
२५२
चरप्पन्नमहापुरिखचरियं । तस्स वि हु वज्जणाहस्स अणेयसामन्ताऽणतभड-पुरोहिय-महामंति-भिचपरियालियरस विजयागामाए पवरग्गमहिसीए समं वसीकयासेसदुइन्तपडिवक्खं रजमणुवालयंतस्स गओ कोइ कालो । समुप्पण्णो से चकाउहो णाम पुत्तो। संपत्तो जोवणं । दणं च संपत्तजोव्वणं चकाउहं चिंतियं वज्जणाहेण जहा-धिरत्यु मे अलियपुरिसत्तणावले. वस्स जीविएण जो हक अन्ज वि पुन्चपुरिसुव्बूढधम्मधुरुद्धरणपरम्मुहो विसयलवलेवोवलित्तो परत्तहियं णायरामि । त्ति चिंतिऊण वाहित्ता सयलसामन्ता-ऽमच्च-पुरोहियपमुहा णिययाणुजीविणो कुमाररज्जाहिसेयणिमित सिट्ठो णिययाहिप्पाओ । एत्थावसरम्मि य भणियं कुमारचक्काउहेण छ जहा-ताय ! अज वि अणहं जोव्वणं, अप्पडिहयसत्ती इंदियप्पसरो, अभग्गदप्पं सारीरं बलं, समग्गसामग्गीया रायलच्छी, ता किमेयं अपस्थावविलसियं तायस्स ?, जेण सुव्बउ
दारिददोस-दोहग्गदुम्मणो दिण्णगरुयणिव्वेओ । इच्छियविसयासासंपडतपरियड्ढियविसाओ ॥ ७७ ॥ तत्य वि वयपरिणामम्मि गलियसयलिंदियत्थमाहप्पो । दिक्खाविहाणधुरंधरणपञ्चलो होइ जइ को वि ।। ७८॥ तुम्हाण पुणो अज्ज वि जोवण-लायण्ण-रूव-सोहग्गं । भुवणम्मि अणण्णसमं बलसामग्गी तह च्चेव" ॥ ७९ ॥
___ इय एवं चक्काउहवयणाणंतरविइण्णसंलावो । वज्जाहिवो पयंपइ गज्जियणगहिरणिग्योसो ॥ ८ ॥ "भो भो चक्काउह ! जं तुमए भणियं जहा 'अन्ज वि अणहं जोव्वर्ण' ति तं मुबउसंज्झन्भराय-जलबुब्बुओवमे जोवणम्मि मणुयाण । को पडिबंधो बहुवाहिवेयणोवद्दविल्लम्मि १॥ ८१ ॥ जं च भणियं 'अप्पडिहयसत्ती इंदियपसरो' ति तत्थ वि अस्थि कारणं, जेणअणहे चिय सामत्थम्मि जंतुणो जुज्जए समुजमिउं । वियलम्मि इंदियत्थे काउं ण य तीरए कि पि ।। ८२ ॥ तहा जमुल्लवियं 'अभग्गदप्पं सारीरं बलं' तं पि णिसामिज्जउकह कीरउ तम्मि बले कुमार ! हिययम्मि सासया बुद्धी । जं रोयणियरकलियं खणेण विबलत्तणमुवेइ ? ॥ ८३ ॥ जं च समुच्चरियं 'समग्गसामग्गीया रायलच्छि' त्ति तं पि समायणिजउएयाए महियले कमलिणीदलोवगयणीरतरलाए । लच्छीए पयारिजति णिविवेय चिय जयम्मि ॥ ८४ ॥ ..
अण्णं च जारिसा रायलच्छी तारिसा सुबउ-जा ण कलइ कुलक्कम, ण सुमरइ परिचयं, प मण्णइ कुंलुग्गय, ण पलोएइ रूवं, ण णियच्छइ सीलं, णाणुयत्तइ विसेसेसुयत्तणं, णायरइ धम्मणियरं ति ।
" अवि यदरदंसियभवणोववणकाणणुप्पाइउब्भडसुहासा। गंधव्वणयरसोह व्च पेच्छमाणस्स वि पलाइ॥८५॥ बहुविहगयंदगंडयलगलियमयसलिलपंकखुत्त छ । अहियं पक्खलइ महाणरिंदगुरुमंदिरेमें पि ॥८६॥ अणवरयकमलसंचरणलग्गणालग्गकंटयं व खणं । कत्थइ पयं णिवेसइण णिम्भरं अज वि खणं पि॥८७॥ संपण्णमूलदढदंडकोसमंडलवियासपउरम्मि । दियसावसाणकमलं व मुयइ मणुयं महियलम्मि॥८८॥ इय दिणयरमुत्तीए व बहुविहसंकंतिलद्धपसराए । एयाए को ण तविओ जयम्मि लच्छीए सच्छंदं ? ॥ ८९ ॥
अण्णं च तरलतडिलय व अथिरा आउसंपत्ती, कुसुमवियासविन्भमं जोव्वणं, णीरुम्मिसरिसा विसयसंभोया, जलणिहिनिवडियरयणं व दुल्लहं मणुयत्तणं । कहं वा दुल्लहं मणुयत्तं ? सुबउ--
जह सुविणयम्मि रोरस्स रयणलंभो तुडीए संपडिओ। सो चिय णिहाविरमम्मि दुल्लहो तह व मणुयत्तं ॥ ९ ॥ जह पाविउंण तीरइ परमाणुचओ दिसा(सो)दिसि विगओ । गुरुयरपवणाइदो तहेव विगयं खु मणुयत्तं ॥ ९१ ॥
१ हस्तद्वयान्तर्गतः पाठो जेपुस्तके नास्ति । • सरीरबलं जे। ३ पडियट्टिय सू । ४ रधवलप जे । ५ घणघोरणि जे। असमसामग्गीया जे । ७ समाइ, जे । ८ कुलग्गय सू । ९ सण्णुयं णाय जे । १. हस्तद्वयान्तर्गतः पाठो जेपुस्तके नास्ति ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |