Page Text
________________
५३ पाखखामिचरियं ।
२५१
किरियाकलावो । पवण्णो जहकमं एकलविहारित्तणं । अण्णया य आगासगमणेणं गओ पुक्खरवरदीवद्धं । तत्थ वि णाणाविहतवचरणणिरओ कणयगिरिसन्निगासम्म ठिओ पडिमाए । पइदिणं च मुक्तावलि-मुरवमज्झ-समंतभइ (द्द) यं विहाणं कुणन्तस्स गच्छन्ति दिया ।
इओ यसो कुक्कुडपणारओ खविऊण णिययाउयट्ठिरं तओ णरयाओ उब्बट्टो समाणो तस्स चेय कणयगिरिणो पियडणिउजम्मि समुप्पण्णो कसिणंजणसरिसदेहच्छवी जोयणप्पमाणतणुविहाओ गुंजद्धरायाणुयारिणयणजुयलो अञ्चन्तभीसणालोओ अणेयसत्तन्तयारी महोरगो त्ति । अइकंतो सिसुत्तणाओ संपत्तो महल्लभावं ।
अण्णा य तेण महाहिणा इओ तओ आहारत्थं परिब्भममाणेण दिट्ठो सो किरणवेगो महरिसी कणयगिरिणिवेसम्म पडिमा संठिओ ववगयरइ-राय-रोस- परीसह त्तणओ झायन्तो परमत्थं ति । ताव य पलोयणमेत्तुप्पण्णसिहि सिहाजालभासुरणयणजयलेणं पुन्वभवन्मत्थवेरकारणेण य वियडदढदाढीविडिंचियत्रयण कुहरेण तक्खणं परिवेढिऊण सलंगाard खइओ बहुप्प सेसु त्ति । सो वि महामुनी मेरुणिहायलधीरसंपत्तिसत्तजुत्तो णिप्पयंपसमुद्धन्तधम्मज्झाणपरिवड्ढमाणसुहज्झत्रसाणो चइऊण पूइदेहं समुप्पण्णो अच्चुयणामम्मि पत्ररसुरलोए जंबुदुमावत्ते विमाणम्मि पवरदेवत्तणेणं । केरिसोय ? -
वरमउड-कडय-कुंडल-मुँत्ता- मणिमासलुज्जलाहरणो । रंखोलिरहारावलिभूसियवच्छत्थलाडोओ ॥ ६८ ॥ सररुहदलदीहरणयणर्जुवलसंपत्तकंतिवित्थारो । सरयारम्भो वा समुल्लसंतमुहपंकयामोओ ॥ ६९ ॥ वोसट्टकमलदलगन्भस रिससुकुमारतणुविहायाहिं । सव्वत्तो चिय रेहड़ परियरिओ सुरपुरंधीहिं ॥ ७० ॥ णाणाविवज्ज समुल्लसन्तरुइरोरुगेयराहाहिं । णट्टविहीहिं समन्ता सोहइ समहिडिओ धणियं ॥ ७१ ॥ इम्म विमाणे हियर्चितिउप्पण्णसयलसंभोओ। बावीससागराऊपमाणकालो सुरो जाओ ।। ७२ ।। एवं च पवरसुरसुंदरीसविन्भमच्छिच्छडप्पहाहिसित्ततणुविहायरस जहासमीहियसंपज्जन्तसयलविसयसोक्खपसरस्स जहासु वच्चइ कालो ।
सो विहु महाफणी बहुविहसत्तसंघायणऽज्जियपउरपावपन्भारो परिब्भमन्तो पव्वयकडयतडम्मि संपलम्गवणदवजालावली होमओ समाणो समुप्पण्णी घूमाए णरयपुढवीए सवायधणुसयप्पमाणदेहायामो सत्तरससागरोवमाऊ णारयत्तणेणं । तर्हि च बहुप्पयारं दुक्खमणुहविडं पयत्तो, कह ? -
जणियविहंगुग्गयजाणमुणिर्यपुव्ययरवेरसंबंधो । विउरुत्रियणाणाविहणारयकयरूवपडिबद्धो ॥ ७३ ॥ उब्भडपहरणसंपायपउरणिव्यट्टियंगपन्भारो । सुमरावियजम्मन्तरकयदुक्कयचरियवित्थारो ॥ ७४ ॥ अण्णoगावडणघडंतमच्छरोहरियपहरेणोयल्लो । पुणरुत्तट्ठिय-संगलियस यल देहाविहाइल्लो ।। ७५ ।। इय पात्रपरिणतीवसैंणिमिस पि गलद्धदुक्खवीसामो । पञ्चइ अहोणिसं सव्वओ वि दुहजलणजालाहिं ॥ ७६ ॥
सो बिहु किरणवेगजीवदेवो उवभुंजिऊण समग्गसंपण्ण विसयसोक्खं णिययाउयपरिणईए तओ चुओ समाणो इन जंबुद्दीवे दीवे अवरविदेहे खेत्ते सुगंधिविजए सुहंकराए पुरवरीए वज्जवीरिओ णाम णरवई, तस्स लच्छिमती णाम भारिया, समुप्पण्णो तीए गन्भम्मि । कयं च से णामं वज्जणाहो ति । अइकंतो बालत्तणाओ । संपत्ती रूत्रसोहग्ग-बलसमुदयाहिद्वाणसालि जोखणं ।
ओ सो वज्जवीरिओ भोत्तूण बहुयं कालं रायलच्छि णिन्त्रिणविसयसुहपिवासो दाऊण वज्जणाहस्स रज्जं सह पणइणीए पत्रज्जं पवण्णो त्ति ।
१ मुरयमज्झसम्मत्त भइयं जे । २ तत्रोविसेसं जे । ३ 'ढाविडंबिय' जे । ४ 'वीर' जे । ५ 'मुतावलिमा' जे । ६ 'जुयल' जे । ७ तमप्पा रयपुढवीए अड्ढाइज्जधणुसयप्पमाणदेहायामो बावीससागरोवमान सू । ८ यकयपुब्ववेर सू । ९ रणायल्लो जे । १० स णिविसं पालद्वदुक्खविसामो जे ।
Jain Education International
For Private Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |