Page Text
________________
५२ बंभयत्तचक्कवट्टिचरियं ।
२५३ काहिं पि समुग्गयचलणकणिरमणिणेउरारविल्लाहिं । सरयसिरीहिं पिव कणिरहंसकयकलयलिल्लाहिं ।। २७७ ॥ काहि पि थोरथणमंडलंतरुत्तिण्णतरलहाराहिं । घरसरसीहिं व चक्कायमिहुणसमहिट्ठियतडाहिं ॥ २७८ ॥ काहि पि विविहमणिमयविचित्तबधुद्धकिरणजालाहिं । घरपरिचयवसमग्गाणुलग्गगयबरहिणाहिं व ।। २७९ ॥छ इय बम्भयत्तपत्थिवदंसणसंजणियकोउहल्लाहिं । पुरसुंदरीहिं कीरइ पुरंधिमइयं व तं णयरं ॥ २८० ॥
तओ सयलजणजणियकोउहल्लपसरो पलोएन्तो पुरवरं दुवारदेससंठावियमंगलकलसाइसामग्गियं पविठ्ठो णिययमंदिरं। कओ सयलसामंतेहि महाचक्कवट्टिरजाहिसेओ । पसाहियं चिरंतगचकवट्टिकमेण छक्खण्डं पि भरहं । समागयं पुप्फवतीपमुहं सयलं पि अंतेउरं । एवं च संजायसमुचियचक्कवटिपरिवारोववेयस्स मे गच्छन्ति दियहा ।
अण्णया य महुयरीगीयाहिहाणणट्टमहिदसणुज्जयस्स संजायं जाईसरणं । अओ उवरिं गहियत्था चेव तुम्हे त्ति ।
ता भयवं इमिणा वइयरेण दुक्खेण संपत्ता मए भोया, ण सक्कुणोमि परिचइउं, किं बहुणा जंपिएण ? त्ति । तओ एयमायण्णिऊण 'विचित्ता कम्मगति' त्ति कलिऊण ठिओ तुहिको महरिसी । बम्भयत्तो वि संतेउरो पणमिऊण महरिसिं पविट्ठो गयरं । भयवं पि अणगारो अणेयतवोविसेससोसवियकम्मपयरिसो सुहज्झवसाणसंठिओ अउचकरणप्पओएण समुप्पाडिऊण केवलं मोक्खमुवगओ त्ति।
इओ य तस्स बम्भदत्तचक्कवट्टिणो संपण्णजहासमीहियविसयसुहं रज्जमणुवालयंतस्स गओ कोइ कालो । एगया य समागयाए भोयणवाराए समागंतूणमेगेण दियाइणा भणिओ णरवई जहा-हो महाराय ! अन्ज मह एरिसी इच्छा जइ चक्कवटिभोयण भुंजामि, 'तं च अण्णत्थ ण संपज्जइ' त्ति कलिऊण तुमं पत्थिओ सि ति। तो तमायण्णिऊणयम्भयत्तेण भणियं-ण इमं मह भोयणं तुम्हे भोत्तुं खमा, जओ चकवहिस्सेव इमो आहारो परिणामं गच्छइ, ण अण्णस्स ति। बंभणेण भणियं-जइ तुम्हविहाणं पि महाणुभावाण अण्णमेत्तस्स वि कए एत्तियमालोवियव्वं ता णिरत्थया रायलच्छी, णिप्फलं छक्खंडभरहाहिवत्तणं, वहवे इह समुज्झिऊण कालवसमुवगया णरवइणो, तुज्झ विण इमा सासय ।त्ति भणमाणस्स बंभणस्स समुप्पण्णामूएण पडिवणं जहा- जसु त्ति । तओ भुंजाविओ सपुत्त-धूया-णत्तुओ वंभणो । भोत्तूण वंभणो गओ णिययावासं । ताव य अत्यंतरमुवगओ सहस्सकिरणो, समागया रयणी। दरपरिणयम्मि य आहारे अच्चंतजणियउम्मायप्पसरी अणवेक्खियपिइ-माइ-धूया-बहिणिवइयरो गुरुवम्महमयपणहविवेओ पयत्तो परोप्परमकन्जमायरिउं बंभणपरियणो जाव परिणाम गओ आहारो । पहाया रयणी । मुणिओ एस वइयरो सयललोएण । लज्जिओ वंभणपरियणो । वम्भणो वि लज्जाए लोयाण वयणं पि पुलोइउमपारंतो णिग्गओ जयराओ। चिंतिउं च पयत्तो-पेच्छ कहमहमणिमित्तवेरिणा बम्भयत्तण भोयणमेत्तस्स कए विरुद्धायरणं कारिओ ? । त्ति चिंतयंतस्स संजाओ अमरिसो। 'केण उण उवाएण पच्चु(?च)वयारो णरवइणो कीरइ ?' ति झायमाणेण की बहूहिं अ(?उ)वयरियबविण्णासेहिं गुलियाधणुविक्खेवणिउणो वयंसो। कयसब्भावाइसयस्स य साहिओ णिययाहिप्पाओ । तेणावि पडिवण्णं सेरहसं ।
तओ अण्णया णिग्गच्छमाणस्स गरवइणो भित्तित्वलंतरियतणुणा अमोहवेहत्तणओ गोलियाए समकालं चेय तेण ताडिऊण फोडियाणि अच्छीणि। तओ तं वुत्तंतमवगच्छिऊण समुग्गउग्गकोवग्गिणा णिहणाविओ सपुत्त-बंधवो पुरोहिओ। अण्णे वि णिहणावेऊण बहवे बंभणा राइणा भणिओ मंती जहा-एयाण अच्छीणि थालम्मि पक्खिविऊण मैम पुरओ ४वेहि, जेणाहं णिययहत्थाणं पि ताव परामुसमाणो सुहमुप्पाएमि ति। मंतिणा वि मुणिऊण तस्स कम्मवसत्तणओ तिव्यमज्झवसायविसेसं घेत्तूणं लेसुरुडयतरुणो बहवे फैलट्ठिया पक्खिविऊण थालम्मि णिवेइया पुरओ । सो वि हु णरवई 'कयत्थो म्हि'त्ति मण्णमाणो कयरोदज्झवसाओ परामुसंतो दियहमइबाहेइ । एवं च अच्छिचवएसपणामिज्जमाणफल
१ सिरिवंभदत्त जे। २ महिणंदणु सु। ३ यत्थ च्चेय तुभे वि जे । ४ णयरिं सू । ५ ण उप्पा सू । ६ गवेलाए सू। ७ हस्तद्वयान्तर्गतः पाठो जेपुस्तके नास्ति । ८ कयसंभावस्स जे । ९ सरहस्सं सू। १० पाडियाणि जे । ११ मए जे । १२ ठवेह सू।
१३ लेसुरडय जे ! १४ फलमट्ठिया सू । Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |