Page Text
________________
२४२
चउप्पन्नमहापुरिसचरियं । तो ताण तहिं जायं परोप्परोहरियपहरणुग्यायं । समरं घडतगयघड-रह-तुरयुप्पंक(क्कंप)पाइक्कं ।। २६४ ॥ इय तं आवाए च्चिय कडयणराहिवबलं असाहारं । भग्गं भग्गुब्भडसमरमच्छरं दीहसेण्णेण ।। २६५ ॥
एवं च विमुक्कलज्जमच्छरिल्लम्मि भग्गे कडयसेण्णे तयणंतरं णिम्भरमयंधगयगलियगंडदाणोहदुहिणे खरखुरुक्खंयखमायलुच्छलियधूलिधूसरियदिसामुहोत्थरियतुरए समुहागयरहवररहंगणघगासवहिरियमहियले 'मर मर मर' त्ति लल्लक्केपम्मुक्कयोकपउरम्मि पाइक्कयक्के णिद्दयं समोत्थरिए दीहसेण्णे अमरिसवसवियम्भंतभीमभिउडिविच्छोहो हेलुल्लालियकरकलियपहरणो समुडिओ बंभयत्ती । तो मुणिऊण बंभयत्तं समरुज्जयं चलियं सयलं पि बंभयत्तसेणं । पुणरवि पयट्टमाओहणं--
ता गरुयगइंदघडुण्णमन्तघणमेहमंडलिल्लेण । बहुवण्णरइयरणइंधनणियसुरचावसोहेण ॥ २६६ ॥ णिकंड्ढियणिसियफुरन्तखग्गसोयामणीसणाहेणं । सुहडुब्भडकयपोकारगजिओरल्लिमुहलेण ॥ २६७ ।। पवणुव्वेल्लियमोरंगछत्तकयवरहितडविल्लेण । तुरयमुहुच्छालियसेयचहुलचामरबलाएण ॥ २६८ ॥ आयण्णायड्ढियणिसियबाणधाराणिवायणियरेण । उद्दामपाउसेण व बलेण पहुभयत्तस्स ॥ २६९ ॥ इय पेल्लिज्जइ संजणियणिप्फुरं गिम्भधूलिवडलं व । सहसा तं दीहणराहिवस्स सेण्णं खणद्वेण ॥ २७० ।।
तो भग्गे सेण्णम्मि, समन्तओ वित्थरिए बंभयत्तबले, 'ण अण्णो उवाउ' त्ति अवलंबिऊण धीरत्तणं, उररीकाऊण पोरुस, अंगीकाऊण धीरपुरिसचेटियं, 'अण्णहा विण मोक्खो' त्ति कलिऊण समुहमुवडिओ दीहणरवई । तओ समुहमुवद्वियं पेच्छिऊण दीहं अन्तोसंधुक्कियकोवजलणजालाकरालेणावि सामपुव्वयं चेव भणियं बंभयत्तेण जहा-भो ! 'तुम अम्ह पिउणो किल मित्तो' त्ति कलिऊण सयलसामंतेहिं समप्पियं तुह रज पालणत्थं, ता पालियं तुमए एत्तियं कालं, संपयं समप्पिऊण गच्छिजउ जहिच्छियं, खमियं तुज्झ मए त्ति । तओ दीहो वि एयमायण्णिऊण सामरिसं उल्लविउं पयत्तो, जहा
वणियाण बंभणाण य करसणियाण य कमागया वित्ती। विक्कमभोजा जायइ पुहई पुण णरवरिंदाणं ॥ २७१ ॥ जा घेप्पइ खग्गं भंजिऊण 'रिउगो सिरम्मि दुक्खेहिं । सा रायसिरी अणहेण भणसु कह मुंश्चइ समेण ? ॥२७२॥
एवं च जंपमाणेणं चक्कलियचावुम्मुक्कबाणजालेण समोच्छओ बंभयत्तो । तेणावि तड्डणेहिं विणिवारिऊण तप्पहियवाणजालं विद्धो ससारही । तओ पहाराणंतरुप्पण्णकोवपसरेण अगवरयविसज्जियाणेयवावल्ल-मल्ल-मुग्गर-मुसुढिप्पहारणियरेण उच्छाइओ से लौयणप्पसरो। एत्थावसरम्मि य 'ण अण्णपहरणसज्झो' ति कलिऊण सुमरियं चक्कं, बलग्गं च किरिणजालाकलायकलियतरणिमंडलं व करयलग्गे । पेसियं च रोसारुणियलोयणिल्लेण तस्स बहणत्थं । विणिवाइओ दीहणरवई । 'जयति चकवट्टि' त्ति समुच्छलिओ कलयलो। ___एत्यंतरम्मि य कयपुरवरहट्टभवणोवसोहो समागओ दंसणत्थं पुरजणवओ, पूइओ राइणा जहारुहं । अण्णस्स वि जं जस्स जोग्गं तं तस्स काऊण पुरवरमइगंतुं पयत्तो । तओ बंभयत्तं पविसमाणं पेच्छमाणेण पुरजणवएण कयाओ मुहकमलमइयाओ व गवक्खावलीओ, महिलामइयाओ व्च पासायमालाओ, भूसणमइय व रायमग्गा, हलहलारावमइयं च पुरवरै।
अवि यकाहि पि वामकरयलमणिदप्पणविप्फुरन्तपन्तीहिं । दइयससिमंडलिल्लाहिं तक्षणं पोण्णिमाहिं व ॥ २७३ ॥ काहि पि सरसजावयरसरंजियचरण-करयलिल्लाहिं । णलिणीहि पिच कमलल्लसंतबालायबिल्लाहिं ।। २७४ ।। काहिं पि संगमुच्छलियमेंहलादामखलियगमणाहिं । करिणीहिं पित्र संकलसंदाणियचलणपसराहिं ॥ २७५ ॥ काहिं पि समुन्भडरुइरमणहरिंदाउहंबरधरीहि । अच्चुष्णयगरुयपोहराहिं पाउसदिसाहिं व ॥ २७६ ॥
१ कपोक्क जे । २ गिम्ह जे ! ३ कारिस जे। ४ रिखुणो जे। ५ मुच्चउ सतेण सू । ६ चक्किलिया जे। घणसोहो जे। ८ हस्तद्वयान्तर्गतः पाठो जेपुस्तके नास्ति ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |