Page Text
________________
२३७
५२ बंभयत्तचछवाहिचरियं । पाढाणुरायपरिरंभवससमुल्लसियघुसिणसंवलिओ। सेयच्छलेण मयणो घणाणुराय व पयडेइ ॥२०३॥ रहसकयग्गहकढिणदरमउलिउबिल्लदलउडप्पसरं । महमहइ कुसुमदामं समंथरं मच्छरेणं व ॥२०४॥ अवियण्हदइयकयबाढचुंबणुभिट्टजावयरसो वि । अहियं विरायइ चिय सहावाणियारुणो अहरो ॥२०५ ।। इय गरुयवियंभंताणुरायसंजणियरमणि(ग)विण्णासो। सुत्तो दइयाहि समं कयाहिलासी अहं तत्थ ।। २०६॥
गोससमयम्मि य भणियाओ मए एवं-गच्छह ताव तुम्मे पुप्फवइसमीवं, तीए समं ताव अच्छियव्वं जाव मह रज्जलम्भो होइ ति। 'एवं चेव कीरइ 'त्ति भणिऊण गयाओ ताओ । गयासु य तासु जाव पलोएमि पासाई ताव ण. तं धवलहरं, णेय सो परियणो। चिंतियं च मए-एसा सा विज्जाहरी माया, अण्णहा कहमेयं इंदयालविल्ममं ताण विलसियं। ताव य मया सुमरियं रयणवतीए । तयण्णेसणणिमित्रं च गो आसमाहिमुहं जाव ण तस्य रयणघई, णेय अण्णो कोइ त्ति । तओ 'कं पुच्छामि? ति कलिऊण पुलोइयाई पासाई, ण य कोइ सच्चविओ। एत्थावसरम्मि य त्रियम्भिओ सोयप्पसरो, पवडिओ रणरणओ पसरिया अरई-"अहो महं विसमदसावत्याणिवडियस्स विण तहा रयणवइविओयदुक्खं बाहइ जहा वरवणुमरणं ति । भणियं च
दइयाविओयदुक्खं पुहईलंभो वि णेय णासेइ । ववगयरज्जदुहं पुण सुमित्तलंभो. पणासेइ" ॥ २०७॥ ___ एवं च चितयन्तस्स समागओ एक्को कल्लाणागिती गाइवयपरिणओ पुरिसो। पुच्छिओय सो भए-हंहो महाभाय ! एवंविहरूवणेवच्छविसेसा अदीयदिणम्मि अज्ज वाणं दिवा एत्थ एक्का पवरैमहिला ? । तेण भणियं-पुत्तय ! सो तुम रयणवईए भत्ता ? । मए भणियं-आमं । तेण भणियं-कल्लं खु सावरण्हवेलाए विमुक्ककलुणदीहणीसणं सयलजणजणियदुक्खपसरं रुयमाणी णिसुया मए, कह?
हा सामिय ! कत्थ गओ सि उज्झिउं में अणाहियं एक्कं । सयणजणविप्पहूणं पिययम ! विण कारणा रुइरिं?॥२०॥ तुज्झ विओए पिययम ! अहियं उत्थरइ जणियमयपसरो। छिई दट्टुं णरणाह ! दुसहसोओ पिसाओ व्व ॥२०९॥ तुज्झ कयम्मि सहियणो सयणो तह परियणो कुलं सीलं । पिइ-माइ-भाइवग्गो तणं व कलिऊण मुक्काई ।। २१०॥ एहि पसायं काऊण कीस कुविओ सि मह अहण्णाए? । जइ वि मए अवरदं तह वि हु तुम्हेहिं खमियध्वं ॥२१॥ इय एवं बहुसो तीए रुण्णसद्दण जणियकारुण्णो । 'किं किं ति कारणं रुयसि पुत्ति ! ?" मणिरो गओ पासं ॥२१२॥
पुच्छिया सा मए-पुत्ति ! का सि तुमं ?, कुओ वा समागया ?, किं वा सोयकारणं , कहिं वा गंतव्वं । तो तीए दरसिट्टम्मि य पञ्चभिण्णाया भणिया य-मह चिय णतुई होइ त्ति । मुणियधुत्तंतेण य मया तीसे चुल्लपिउणो गंतूण सिढे । तेण वि जणियविसेसायरं पवेसिया णिययमंदिरं । अण्णेसिया सवओ तुब्भे, ण य कहिचि दिवा, ता संपयं पि सुंदरमणुचिट्ठियं जमागयऽत्य । एवं चालविऊण णीओ हं तेण सत्यवाइमंदिरं । कयसव्वायरोवयारं चरयणवतीए सह वत्तं पाणिग्गहणं । ठिओ तीए समयं विसयमुहं भुंजमाणो । __ अण्णया य 'वरधणुणो दियसओ' ति पयप्पियं भोजं, भुजंति बंभणादिणो, जाव सयं चेव वरधणू जणियवंभणवेसो भोयणणिमित्तमागओ । भणिउंच पयत्तो जहा-भो ! साहिजउ तस्स भोजकारिणो जइ मज्झ भोयणं पयच्छह ता तस्स परलोयवत्तिणो वैयणोयरम्मि उवणमइ ति । सिहं च तेहिं तमागंतूण मज्झं । विणिग्गओ हं सरहसं । मुलइओ सो मए पञ्चभिण्णाओ य । पहरिसविसट्टपुलयमवयासिओ मए । पविद्या मंदिरं । असदहणीयमवत्यंतरमणुहवमाणा ठिया मुहुत्तरं । णिवत्तमज्जण-भोयणावसरम्मि यं पुच्छिओ मए वरधणू णिययपउत्तिं साहिलं पयत्तो जहा
"तीए रयणीए णिदावसमुवगयाण तुम्हाणं पिट्ठओ धाविऊण निबिडकुडंगंतरियतणुणा एकेण चोरपुरिसेणेकेण चेय बाणेण समाहो हं । पहारवियणापरायत्तत्तगओ गिवडिओ महियलम्मि । बायभीरत्तणो ण साहियं तुम्ह ।
१ दसावडियस्स जे । २ अईय जे । ३ रविलया! जे । ४ पासं ॥२१२॥ गओ तीए पासं । पुच्छि सूबे । ५ तीए ले । ६.तुम्हे जे । ७ वयणम्मि सू। ८ पुलोइओ जे । तुम्हाण अभिउत्तो हं चोरेहि कुडंगंतरियतणुणा समाहओ हं बाणेणं । पहारबिस।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |