Page Text
________________
५२ बंभयत्तचक्वट्टिचरियं ।
२३३ दट्ठोट्ठभीमफुडभिउडिभंगभंगुरियभालभंगिल्ला । 'हण हण हण' त्ति गद्दब्भसद्दपम्मुक्कहकरवा ।। १६२॥ आयण्णाकड्ढियमुक्कढिणगुणघायघडियटकारा। वित्थरियपउरणाराय-भल्ल-चावल्लसंघाया॥१६३ ।। हेलाए चिय मुक्कद्धयंद-चक्का-ऽसिछिण्णबाणोहा । पम्मुक्कधीरसुहडाहिमाणणिहसा खणे भग्गा ॥१६४॥ इय भंजिऊण पडिभग्गऽणेयभडमच्छरं पि पउरबलं । रहसेण णिसण्णो संदणम्मि सकलत्त-मित्तो हं ॥ १६५ ॥
पवरपवणपरिच्छूढ व्व जिण्णतणपत्थारी दूरं पणोल्लिया चोरसेणा । भग्गाए य चोरसेणाए भणिओ हं वरधणुण जहा-कुमार ! दढं परिस्संता तुम्भे मुहत्तरं णिहामहमिहेव रहवरट्रिया सेवह ति । पडिवण्णं च तं मए । शवण्णो स अह रयणवइए ताव य समइच्छिया रयणी। जाया पुव्वदिसाऽरुणा । पाविऊण गिरिणदि थका तरंगमा। पडिबद्धो है उट्रिओ वियम्भमाणो, पलोइयाई पासाई, दिदो वरधण। 'पाणियणिमित्तमोइण्णो'त्तिवाहित्तो ससंभमं । पडिवयण मलहमाणेण य परामसियं रहधरग्गभायं । दिदं च तं बहललोहियालिद्धं । 'वावाइओ वरधण' ति कलिऊण गरुयवि यम्भमाणसोयप्पसरो 'हा! हओ मि' ति भणमाणो णिवडिओ रहुच्छंगे । लद्धचेयणो य 'हा! भाइ वरवणु!' ति भणमाणो विप्पलावे काउमाढत्तो। कह कह वि संठाविओ रयणवईए।
"ते पहु ! मया वि ण मया अहवा ते चेव णवर जीवन्ति । मरणेण जाण णिव्वहइ सामिसुह-मित्तकजोहो ॥१६६। मरणं पि ताण छज्जइ जयम्मि असमं महाणुभावाण । कुंदु-कास विसओ जाण जसो भमइ भुवणम्मि ॥ १६७ ॥ तस्सेय णवर सहलं जयम्मि मरणं महागुंभावस्स । जस्स पैहू जणियगुणाणुरायसोयं समुबहइ ॥ १६८ ॥ इय सव्वस्स वि मरणे साहीणे तस्स किं ण पजत्तं । जस्स पैहु-मित्तकज्जुज्जयस्स संपडइ मरियव्यं?" ॥१६९ ॥
एवं च भणमाणीए मोत्तूण सोयप्पसरं भणिया मए रयणवती जहा-सुंदरि ! ण णजए फुडं 'किं वा मओ ? किं वा जीवइ ? ' ति, ता अहं मग्गोहत्तं वचामि अण्णेसिउं । तीए भणियं-अजउत्त ! ण एस अबसरो पैच्छाहुत्तं गच्छियबस्स, कुओ ?-जेणाहमेगागिणी, चोर-सावयाइण्णं च भीसणमरणं, कलत्ताहिभवणं च परिभवट्ठाणं माणिणो, अण्णं च इह णियडवत्तिणा वसिमेण भवियव्वं, जेण परिमलियकुसकंटया दीसइ वणत्यली । पडिवण्णं च तहेव तं मए । पयट्टाणि मगहाविसयाहिमुहं । पत्ताणि य तविसर्यसंधिसंठियं एक गामं ।
तत्थ य पविसमाणो हं गामसहामज्झसंठिएणं दिट्ठो गामठक्कुरेणं । दसणाणंतरमेव 'ण एस सामण्णो' त्ति कलिऊण सोवयारं कयपडिवत्तिणा पूइओ णीओ णियघराहिमुहं । विदिण्णो आवासो । सुहणिसण्णो य भणिो हं तेण जहा-हो महाभाय! सोविग्गो विय लक्खिज्जसि । मए भणियं-मज्झ भाया चोरेहिं सह भंडणम्मि ण णज्जए किमवस्थन्तरं पत्तो?, ता मए तयण्णेसणणिमित्तं तत्थ गंतवं ति । तेण भणियं-अलं खेएणं, जइ इहाडवीए भविस्सइ तो अहं लहिस्सामि । त्ति भणिऊण पेसिया णिययपुरिसा, गया य । पञ्चागएहि य सिर्ट मज्म तेहिं जहा-ण अम्हेहिं कोइ कहिंचि सच विओ, केवलं पहारणिवडिओ एस पाणी पाविउ त्ति । तन्वयणायण्णणम्मि य 'गुणं विणिवाइओ' त्ति परियप्पिऊण गुरुसोयाउलि जंतमाणसस्स समोत्थरिया सव्वरी । गिवसिओ दइयाए सममहं । ताव य एकजामसेसाए जामिणीए सहसा तम्मि गामम्मि णिवडिया चोरधाडी । सा य मह पहारकैडुयाविया भग्गा परम्मुहा । अहिणंदिओ हं सयलगामाहिहिएण गामपहुणा । गोसम्मि य आउच्छिऊण गामठक्कुरं तत्तणयसहाओ पत्थिओ रायगिहं । पत्तो जहाणुक्कमेणं ।
तत्थ य णयरबाहिरियाए एकम्मि परिवाययासमे ठवेऊण रय गवई दूराओ चे धवलपासायमालोवलक्खिजमाणं णीलुप्पलपरिगयकमलसराहिटियं सत्तसाला-पत्रा मंडवपडिवज्जतपंथियजणं अहिणवकीरन्तदेवउलपकिट्टसंचयोवरुद्धपंथवित्यारं कुक्कुडरडियविहाविजंततयजणावासं णियच्छंतो बाहिरियाजणायं पविट्ठो णयरभितरं । पविसमाणेण दिछमेक्क
१ आयण्णकढिउम्मुक जे । २ नदी जे। ३ सुहि सू । ४ बहू स । ५ बहु सू। ६ भगनाए जे। पच्छाहिमुह ग जे। ८ इमेयाइणी सू । ९ यसंघिट्ठियं जे । १० तो लहि जे । ११ कटुग सू ! १० वई पविट्ठो णयरम्भनरं । पविसमाणेश य दिमे कम्मि
पएसे वीसयम्मविणिम्मिय [विय] एकं धवळहरं । दिठ्ठाओ य तत्थं पबरसुंदरीओ । ताओ य में दठूण पिसु जे, (१७३ गाथानन्तरम्) । Jain Education national
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |