Chaupannamahapurischariyam

SR No.: 001442
Original Sutra Author: Shilankacharya
Author: Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2006
Total Pages: 464
Language: Prakrit, English, Hindi
Classification: Book_Devnagari, Literature, & Story
File Size: 14 MB

Page 288

४९-५०-५१ अरिट्ठणेमि-कण्हवासुदेव-बलदेवबलदेवाण चरियं ।
२०५ इओ य सो जराकुमारोपवियम्भिउद्दामसोयप्पसरो बाइजलपव्वालियाणणो केणइ कालंतरेण संपत्तो दाहिणमहुरं। गंतूण य रायभवणोवसंसिसीहद्दारं भणिओ पडिहारो-निवेएसु णरवइणो एवं जहा 'कण्हसयासाओ ओ समागओ' । त्ति णिवेइए तम्मि 'सिग्धं पवेससु' त्ति भणियं । पविट्ठो जरातणओ। राइणा कयजहोइयसम्माणो णिवि- वरासणम्मि । सुहासणत्यो य पुच्छिओ जायवाणं बल-दामोयराणं च कुसलपउत्ती । तओ णिगूढालग्गसल्लघट्टणेण विय पजरियगरुयहिययालयेण अणवस्यगलियंसुसलिलपेन्वालियवयणकमलेण भयवया सिट्ठबारवईविणासप्पभिई तईसणावसाणं जाव सिहा पउत्ति त्ति।
तओ तमायण्णिऊण छिण्णमूला इच महातरुणो बंधुणिहणसमुप्पण्णगरुयसोयप्पसरा मुच्छावसमउलियच्छिपत्ता धस त्ति धरणियाम्म णिवडिया पंडवा । कुंती-मदीपुरस्सरो य महिलायणो वि विलावे काउमाढत्तो । समप्पिओ य जरासुएण कोत्युहमणी । साहिण्णाणं च तं मणिं सव्वेहि "वि समालिंगिऊण हियएणं सममञ्चत्यं परिदेविऊण कयं मयकिच्चाइ करणीयं । अतीयम्मि य संवच्छरे सयलसामन्ताणं समत्थिऊण णिवेसिओ निययरज्जे जराकुमारो।
ताव य भयवो सयासाओ धम्मघोसो णाम बहुसमणगणपरिवारिओ चरमदेहो चउण्णागी सबभावविहण्णू महामुणी तत्थ य नैयरीए बाहिरुजाणम्मि समागओ । तं च मुणिऊणाऽऽगयं णिम्गया वंदणणिमित्तं सयलणरिंदवंदपरिगया पंडुतणया । गंतूण य वंदिओ भत्तिभरोणमंतुत्तिमंगेहिं मुणिवरो। मुहणिसण्णाण य साहिउं पयत्तो भयवया भासियं णयभंगभंगुरं धम्मं, अणिच्चया असरगया एगत्तं संसारासारत्तणं सयलजयद्विति, जहा जायवसीहाण पन्चजन्भुवगमो, गयसुकुमालचेद्वियं ति । तओ तं णिसामिऊण पेरमसंवेगमभुरगया 'सरीरमसासयं' ति कलिऊण सयलसंसारमोक्खहेडं मोक्खमग्गं सामण्णं पडिवण्णा [? पंडवा], कुंतीपमुहो य इत्थियायणो त्ति । णाणाविहुत्ताभिग्गहधारिणो य तवमतीवदुक्करं काउमाढत्ता । अहिज्जियमुत्तत्था समद्दिगयकिरियाकलावा गामाणुगामं विहरिउमाढत्ता।
इओ य यवं सुरसरियामलसलिलपक्खालिउभयतीरं किरायरमणिणयणकुवलयमालच्चियदिसामुहं ससहरकरफंससवज्झरियजायमाणहिमोययं हिमवतोभयपासपरिसंठियं उत्तरावहं विहरिऊण, बोहेंतो भवियकमलायरे, पेयासयन्तो सयलभावे ठावयन्तो सुर-णर-तिरिए सुहम्मि मग्गे, कुणंतो पइदिणं धम्मदेसणा विविहमणिमयसिलायडपडिबद्धणियम्बयडं विविहतरुमुक्ककेसरप्पेयरं अणेयसत्थगणपरिवुयं समागमओ उज्जेतगिरिवरं ति । तत्थ य देवेहिं पायारतिओवलक्खियं विरइयं समोसरणं । णिसण्णो भयवं । पत्थुया धम्मदेसणा । साहिओ पयत्यवित्थरोधम्मो । ताव य कहंतरं जाणिऊण पढमगणहरेण वरयत्ताहिहाणेण भणियं-भयवं ! किं पुण कारणमिणं रायमतीए गुरुणेहाइसयस्स ?, जेण मणयं पि अन्ज वि ण मुयइ सोयप्पसरं, णाहिलसइ भोयणं, णाहिणंदइ सरीरहिइं, ण रमइ सहीकहासुं। तो भयवया भणियं
इओ य अतीयणवमभवम्मि अहमासि पचन्ताहिवतिणो एक्कन्तविक्कमेक्करसियस्स णियविहवोहयणिधिवइणो धणयाहिहाणस्स सुओ धणणामो त्ति । तर्हि चॅ विज्झाडइपंथविम्भमागयमुणिचंदसाहुसयासोवलद्धसम्मत्तेण पडिवणं समणत्तणं । पालिऊग य जहाविहिं णियाउणो परिणामे समुप्पण्णो सोहम्मकप्पम्मि । तत्थ य उव जिउण जहिच्छिओवणयपै रिभोयनिभरे भोए तओ चइऊण विमलकलहोयमणिमयसिहरे वेयड्ढे कंचणपुराहिवइणो विणिज्जियासेसमूरस्स सूरविज्जाहराहिवइणो चित्तगइ ति पुत्तो समुप्पण्णो म्हि । तत्थ य णियविज्जोजल्लविणिज्जियासेसविजाहरो विज्जाहराहिवत्तणं करेऊण परिसेसियासेसविसयमहो दमवरमुणिसयासम्मि पडिवण्णसामण्णो कालं काऊणोववण्णो संपाडियसयलिंदियमुहम्मि माहिंदकप्पम्मि । तओ "वि परिसुंजिऊण सललियविलासिणीविलसियन्वाइं अवरविदेहे सीहपुरवरम्मि पवरणरिंदाहिवती संजाओ अवराइयणामोवलक्खिओ ति । तत्थ वि य पयंडभुयदंडखंडियासेसपडिवक्खं पुहइमंडलमखंडं मुंजिऊण, पाविऊण सामण्णं, जिरवजसंजमावज्जियतवविसेसो अहाउयमणुवालिऊण समुप्पण्णो आर
पप्पालिय सू । २ मउलावियन्छि ।३ पलाचे स । ४ वि आलिगिस। ५ णयरे वास। ६ स्थाणे संस्। ७. चंद्र जे। ८ जमन्भुव स । ९ परं सं स । १. करिउमा जे। १ पयासंतो जे । १२ ‘प्पसरं जे । १३ सरीरट्ठी, स । १४ च विन्भमा सू । १५ 'णामेण संसू। १६ 'पडिभोंजे । १७ वि भुंजिकण सयलिंदियविला सू। १८ ' सामन्य.सू.