Page Text
________________
२०४
चउप्पन्नमहापुरिसचरियं । सो कहमेककंडपहारेण विवण्णो ?, जया तुज्झ संघडिही तया मज्झ सयडं ति । तेओ तंवयगमवगणिऊण अण्णओ गओ । पुणो दंसिओ एकपएसम्मि एक्को वियडे सिलायलम्मि णलिगि रोवयंतो सिंचंतो मणुओ । पेच्छिऊण य पुणो भणियं हलहरेग-अहो ! ते बुद्धी, किं कयाइ सिलायडे पोमिणी जायइ ?, अह कह वि दिवजोएण जायइ ता जीविस्सइ कहं ? । इयमायण्णिऊण पुणो देवेण भणियं-जया एस तुज्झ भाया जीविही तया मम एस । ति भणंतस्स अण्णओ गओ। पुणो अण्णम्मि पएसे दिट्ठो दवदड्थाणुभूयमेकं दड्ढं महीरुहं सलिणेणं सिंचंतो गरो । भणियं च बलेणदावाणलपुलुट्ठम् लस्स एयस्स खण्णुयस्स कया पल्लउन्भेओ भविस्सइ ? । देवेण भणियं-जया एस ते सहोयरो जीविस्सइ । पुणो वि अण्णओ गच्छमाणेण दिवो गोवालदारओ गोसिरकरोडीए पुरओ पयच्छन्तो हरियतणंकुरे । तो हलाउहेण भषियं-इमा तुह णिमंसियहिसेसा कह जीविस्सइ ?, जेग तगंकुरुक्केरं वहतो किमत्ताणयं खेएसि ?, अहो ! ते मूढया, अहो ! णिबिवेइत्तणं, अहो ! ते अप्पगन्भया, सञ्चयं चेत्र गोत्रो ति । तओ सुरेण भणियं-जया तुह सहोयरो ति।
तओ तमायण्णिउं समागयचेयणारूवेण सुत्तुहिएण विय सबओ पैलोइऊण दिसाहोए, णिज्झाइऊण तं मयकलेवरं, 'किमेस केसवो सच्चयं चेव मओ जेणेस मम संरोहणत्थं बंधवो च ससिणेहं जंपइ ?' । एत्थावसरम्मि य पायडियसिद्धत्थरूवेग भणियममरेण-"भो हलाउह ! अहं सो तुह सारही सिद्धत्यो भयवओ अरिट्ठणेमिणो पसाएण चरिऊण तवविसेसं देवो संजाओ त्ति । तया तुमए भणियमासि जहा 'अहं तुमए पडिवोहेयव्यो' तं च सुमरिऊणाहमिहागओ । ता महाराय ! किमेवमप्पा तुमए अलिक्कयं चेव आयासिओ ? । जेण पुलोएम
तुम्हारिसः वि सुधुरिस ! सोयपिसाएप जइ छलिजति। ता पैत्तमंडलेहिं वि अगणरिंदेहिं का गणणा ? ॥२६२।। अह तुम्हविहा वि हलीस! कह वि सोरण चाउलिजति । ता धीर ! धीरणिहसो गिरावलंबी कहं होही? ॥२६३।। तणुया वि तणुयचित्तस्स जंतुणो संपइ व्व विवइ व्च । परियत्तेइ वियारं ण उण महल्लस्स महई वि ॥ २६४ ॥ हि[य]याई जाइं सोक्खम्मि सरसपोमदलकोमलिल्लाइं । ताई चऽवसाणे होति कुलिसकढिणाई धीराण ।। २६५ ॥ .
संवरियायारत्तणसमत्तसम्भावणूमिओ सहसा । वसणकसवट्टए सुवुरिसाण णिबडइ भडनिहसो ॥ २६६ ॥ इय आवईए सुझंति णेय, वसणम्मि जति ण विसायं । अण्णे वि सुवुरिसा, किं पुगाइ जे तुम्ह सारिच्छा ? ॥२६७।।
किंच ण गुमरसि तं तया कहतरम्मि तुमए पुच्छिएण सिर्ट भयवया बारवतीडाहप्पभिइ कण्हविणासावसाणं जाव ?" । तओ मेल्लिऊण मतयं समागयसणेहयाए समालिंगिऊण सिद्धत्थं भणियं सीराउहेणं-एवमुत्रथिए किमियाणि मऐ कायच्वं ? । देवेण भणियं-णिसृणमु,
हिंसा-ऽलिय-परधण[? गहण]-मेहुणाणं परिग्गहस्सेय । कुणसु विरई हलाउह ! तह राईभोयणाओ य ॥ २६८ ॥ मुमरेसु समोसरणम्मि भयवया सयलमत्तहियकारी । कहिओ जीवादिपयत्थवित्थरत्थो तया धम्मो ॥२६९।। संसारस्स सहावो अथिरा रिद्धी अणिचयं चेय । मुणिऊण कुणसु तं जेण होन्ति ण पुणो पियविओया ॥२७॥ इयसा समुण्णई एरिसं च पडणं हलीस ! दट्टैण । कीरउ सबारम्भेण भासियं णेमिणाहस्स ।। २७१ ॥
तो हलाउहो णिसामिऊण तं सिद्धत्थवयणं भणिउमाढत्तो जहा-पडिवणं जं तए भणियं, इमं च कण्हर्कलेवरं कि कीरउ ?। तं च णिसामिऊण सिद्धत्थदेवेण भणियं-तित्थयर-चक्कि-हलिणो पूया-सकारारह त्ति सम्बया, ता कीरउ इमस्स पूय त्ति । तओ सकारियं तं कलेवरं । ताव य णहंगणाओ तमुद्देसं समागमो भयवओ सयासाओ एको विजाइरसमणो । दट्टण य तं पहरिसवसविसट्टपुलयपडलेण पडिवण्णा रामेण तस्सन्तिए दिक्खा । अतीववेरग्गाणुगओ तवं काउमादत्तो।
तभो इसमवर्ग जे। २ पुलइकण जे । ३ पत्तमेलेहि जे । ४ सरसदलकोमलाई हेण । ताई सू। ५ मया सु। ६ ई.शाम् । • तं वयणं स । ८ कडेवरं जे । Jain Education International For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |