Page Text
________________
१९२
चउप्पन्नमहापुरिसचरिय । तओ भूभंगविभम भणिउमाढत्ता जंबबई एवं जहा-"किं ते वंठसंठाणस्स अलियविणयाणुवत्तिणो जोव्वणुबहणेण ?, जओ विसयाहिसंगो जोवणस्स, परिमलं विसट्टकमलायराण, सिसिरत्तणं संपुष्णमयलंछणस्स उवलक्खिज्जइ फलं ति । अण्णहा सेलुम्समंडणं पिव णिरत्ययं, जओ कन्तारपुरिसो व्य अहिलसइ जोवणाहोयं मयरद्धओ। ण य कुलुग्गयाण अण्णो वि सहनड्ढिओ वंचिउं जुज्जइ, किं पुण जो मणुब्भवो ? । अण्णं च
काममकामं सहसंसियं इमं जइ कुमार ! तं कुणसि । ता तइ अण्णस्स वि संसियस्स का होज्ज पञ्चासा ? ॥१५२।। करिणीरहिट ब करी, कन्तिय रहिउ च जह निसाणाहो। तह होइ जोवणं सुबुरिसस्स रहियं पणइणीए ॥१५३।।
अण्णं च ज जणणि-जणएहिं पि संताणवित्थरणनिमित्तं एयमायरियं तं तुह ण घडई अण्णहा काउं, गुरुआणाइकमणं च ण जुत्तमेवंविहाण महाभायाणं । ता कमेण पत्तसंपुण्णपयरिसत्तणं ससि व्व सफलीकरेउ रोहिणीसमागमेणेयं दइयापाणिग्गहणेणं जोवणं । अण्णहा रण्णपायवस्स व कुसुमुग्गमो णिरत्थओ जोवणारम्भो" त्ति । एवं च सप्पणयं जंबवतीवयणवहुमाणाणुरोहागमणेण भयवया चिंतियं-एवं चेव कीरतं मज्झं पि परिचायकारणं भविस्सइ । त्ति कलिऊण परिहासपयारणापुवयं पि भणिऊण पडिवणं--एवं चेव कीरइ।
अह विसयविरतेणावि भयवया एवमेव पडिवण्णं । सच्छासयाणुरोहेण सुवुरिसा किं व ण करति ? ॥१५४॥
तओ तो चिय पदेसाओ पहयवज्जिराउज्जपेज्जालकंसालतालमुहलं दिसिदिसिविक्खिण्णपइण्णपिट्ठाययसणारं परोप्पराभिघाउच्छलंतपरिमलियकप्पूरपडलं कुंकुमक्खोयविक्खेवखसियपेच्छयजणं णच्चिरविलासिणीयणरणंतरसणं विसेसणेवत्थमल्हंतसुज्जियायणं बद्धावणयं काऊण णिवेइयं महुमहस्स। तेणावि सयलतेलोकललामभूया वरिया उग्गसेणधृया सच्चभामासहोयरा अच्चतरूव-जोव्वणोहसियसुरसुंदरी रायमती णाम कण्णया। कया य विवाहणिमित्तं मणि-कणग-रयण-करि-तुरय-वासाइया सयलसामग्गी । मेलिया य णिमंतणागयणरिंदभोयणनिमित्तं बहवे जीवादओ त्ति । भयवं पुण तेणेव वारसेण संवच्छरियं महादाणं दाउमाढत्तो, अवि य---
मणि-रयण-कणग-धण-धण्णथोरधाराणिवायवरिसेण । णिव्याविल्या लोओ घणसमएणं व सयराहं ॥१५५॥ फलसंपत्तीए समत्तसाससंपायणेकरसिएण । दाणेण भुवणगुरुणो सरएण व णिवुओ लोओ ॥ १५६ ॥ जो जह अमेव पत्थइ तं तस्स तहेव दिज्जइ असेसं । तह इच्छियं विदिण्णं जह गेण्हंता ण लभंति ॥ १५७॥ जाहे य दिज्जमाणस्स कह वि गिण्हंतया ण दीसन्ति । ताहे रच्छामुह-चच्चरेसु पुंजिज्जइ धणोहो ॥१५८॥ रायपुरिसेहि य पुणो जो जं मग्गइ तहेव तं तस्स । घोसाविज्जइ तिय-चचरोरुपंथेसु पुणरुत्तं ॥ १५९ ।। इय एवं गुरुगय-रह-तुरंग-मणि-रयण-कंचणसणाहं । ता दिण्णं जयगुरुणा अइच्छिओ वच्छरो जाव ।। १६० ।।
ताव य समागओ विहिस्स महसवदिवसो। आढत्ता विवाहसंजत्ती। भयवं पि किले 'परिणेमि' त्ति परियणकयाणंदसुंदरचयणं भणिऊण समारूढो सारहिणा पुरोवणीयं धुव्वंतघयवडुब्भडं कलकणिरकिंकिणीसणाहं मणपवणदच्छपरिहच्छतुरयपजुत्तं उभयपासपरिसंठिउदंडपुंडरीयं पासपैरिसंठियविलासिणीकरकलियचडुलचामरसणाहं रहवरं ति । चोइओ सारहिणा बंदिकयजयजयासह हलं संदणो पयट्टो गंतुं । कहं ?
पडुपवणदच्छपरिहच्छतुरयवेयावयढिओ सहसा । गच्छइ जहिच्छियत्थामणिच्छिओ जयगुरुमणो व्व ॥१६१॥
पत्तो तमुद्देसं जत्थ णिरुद्धा सस-पसव-संवराइणो चिट्ठति । तेहिं च जाइसरमइकयाणुवत्तणेहिं भगवयागमणेणं समं चेव रसियं । तओ तं सदं समायण्णिऊण पुच्छिओ सारही-कस्सेसो घणगज्जिओरल्लिसरिसो रखो ? । सारहिणा भणियं तुम्ह किल विवाहमंगलावसाणे 'एयाण मंसेण आणंद दिवसो कीरहि' ति मंतिऊण णिरुद्धा इमे पाणिगणा । एवं सुणि
१ जोव्वणमहो य मय जे । २ कतीरहिउ जे । ३ सुवुरिसाण जे। ४ °णमेयमाय सू । ५ ६ सुवुरिस ! गुरुआणा अण्णहा काउं, ण उत्तमेयविहाण(ण) महा सू। ६ गमणे भय सू । ७ तहेय जे। ८ हसमऊसव स किर जे। १. परिट्रिय सू। ११ महलस जे । १२ एवं सोऊण सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |