Page Text
________________
४९-५०-५१ अरिट्ठणेमि-कण्हवासुदेव-बलदेवबलदेवाण चरियं ।
१९१ उच्छलन्तकलचच्चरिजियरसणओ, धवलमल्लिउम्मिल्लियदीहरदसणओ।
चडुलपल्लवुवेल्लिरतरलियजीहओ, महुणिहाइ ! पवियम्भइ माहवसीहओ ॥ १३९ ॥ जह जह दाहिणपवणो णराण परिमुसइ मासलंगयाइं। मयणग्गिणा समहियं तह तह संतावियाई हियया : १४०॥
एवं च बंदिणा पढियं णिसामिऊण भणियं वासुदेवेण-अहो ! सुंदरमुबत्थियं, ता मज्जणयववए सेण गिज्जन्तवसन्तचच्चरीसमणियं मणहरविलासिगोयगपरियरियं रुप्पा-सच्चासणाहमंतेउरमरिहणेमिणो विलोहणं जणिस्सइ । ति भणिऊण सदाविओ पडिहारो जहा-घोसावेमु णयरीए एवं 'कलं राया बसन्तचञ्चरीपरियाउज्जमज्जणयकीलासुहमणुहविस्सइ, ता विविह वित्थरेण सयललोएणावि णिग्गच्छियवं' ति । तओ 'जमाणवेसु(?सि) त्ति भणिऊण निग्गओ पडिहारो। संपाडियं रायसासणं । ताव य अत्थमुवगओ दिणयरो । पढियं च बंदिणा
अह दूसहकिरणकलावलियजालाविभग्गमाहप्पो । णहयलवणावसाणम्मि तरणिदोहो समोल्हाइ ॥ १४१ ॥
तओ एवमवगच्छिऊण उठिया हलहर-चकाउदा । कयं संज्झाकरणीयं । विविहविणोएहि य गमिया रयणी। पढियं कालणिवेयएण
करणहरपहरणिद्दलियतिमिरकरिकुम्भरुहिररत्तो व्य । उययधराहरसिहरम्मि सहइ सीहो व्य दिगणाहो ॥१४२॥
तओ विउद्धो महुमहणो, कयमुचिय(य) संज्झाइकरणिज्ज । ताव य सयलो सामन्त-तलबग्गलोओ पुरलोओ य जहाविहवविरझ्यणेवच्छो सभवणाओ चेव समइवियप्पियचच्चरीसणाहं गिग्गओ । वासुदेवो वि पासपरिट्ठियारिट्ठणेमी निग्गओ, पेच्छर य चचरि । सा य केरिसा ?----
अलिउलचलपम्हउडवियासियमुमणदलो, उभडमहुर्मासो वि वियम्भइ भूसियभुषणयलो। उम्भिण्णचूयणवपल्लवकिसलयसबेलए, 'को पिउ बेज्जेवि वचइ ? कूविउ कोइलए ॥ १४३ ॥ जइ देंइयविओए विवज्जइ ता कहे दुचरिउ, इय चिंतएंतो कलयंठिओ'तुह तुह' उच्चरिओ । इय एववियंभियमणहरबहुविहचच्चरिओ, णिसुणंतु जणदणो लीलए वियरइ सचरिओ ॥ १४४ ॥
एवं च एकओ पहयमद्दलुद्दाममुहलं, अण्णी तालियमहल्लझल्लरीझणकारं, एक्को लयाणुगउवेल्लिरसुंदरीयणं, अण्णओ मुइमुहगिज्जंतगेयमहुरं, पेच्छिऊण चचरीसंघायं पारद्धं जायवणरिंदेहि मज्जणयं । जं च केरिसं ?-उब्भडभुयंगसिकारभरिजंतकणयसिगयं सिंगयग्गविणिग्गिष्णघुसिणारुगजलच्छडं जलच्छडच्छोडियविलासिणीयणं विलासिणीयणक्यिणावियमुक्कसिकारं सिकारायण्णणुप्पणतरुणकोऊहलं कोऊहलक्वित्तसयलणरिंदलोयं ति । अवि य--
करकलियसिंगयामुक्कणीरपहराउराण तरुणीण । अव्वत्त-मम्मणालावजंपियन्वाइं रेहन्ति ॥१४५॥ दइयजलप(प्प)हरुप्पण्णसँगमुन्भूयविन्भमविलासं । कीए वि जणियंतरपाणिकिसलयालोइयं सहइ ॥१४६॥ कीए चि सलिलोल्लारुणसिचयच्छोच्छइयपीणपेरंतं । सिंद्रियवरकरिकुंभविब्भमं सहइ थणवढं ॥ १४७॥ कीए वि सिंगउग्गिण्णजलविवेल्हत्थियं मुहं सहसा । आसारप्पहरविरल्लदलउडं सहइ कमलं व ॥ १४८॥ कीय वि विसट्टदरदलियमालतीमउलदंतुरो एस । पियमज्जणकीलाविलसियाई हसइ ब धम्मिल्लो ॥ १४९॥ दरल्हसियकंचिदामं कीय वि वियडे णियम्बबिम्बम्मि । जोवणकरिणो रुंदंदुय व्व रेहइ णिमज्जंतं ॥ १५०॥ इय जलकैयकीलाल(ला)लसाण जायवरिंदयंदाण । जायं वढियवम्महविलासपसराण मज्जगयं ॥ १५१ ॥
एवं च विविहकीलाविणोयविण्णासेण णिवत्तेऊण मज्जणयं उत्तिण्णा जायवा । तओ वासुदेवेणारिठ्ठनेमिणो पयारणत्थं पेसियाओ रुप्प-सच्चा-जम्बवईसमष्णियाओ अट्ट अग्गमहिसीओ। आहासियाओ परिहासपुग्वयं भगवया ।
कम्भयः सू । १. उप्पा सू । ३ अस्थवणमुव ले । ४ जह सू । ५ दावो. जे । ६ एण ग सू । . उसलस्लिम सू । - 'मास सः ९ बजेवि वबह बुरचइ कोई जे.! १. दइओ विद वज जे । ११:चितए तो सू। १२ ठिए सू। १३ °सिं जे । १४ सेंन्दु सू। १५ "विषण्णस्थिय सू । १६ - कयलीला सू।।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |