Page Text
________________
१८३
४९-५०-५१ अरिट्ठणेमि-कण्हवासुदेव-बलदेवबलदेवाण चरियं । इय जाणिऊण चरियं सोहग्गं रूपसंपयमुयारं । वसुदेवं गेहे चिय समुद्दविजओ णिरुंभेइ ॥ ३५॥ अह जाणिऊण एवं निग्गंतूणं छलेण भवणाओ । भासा-रूवविवज्जयकुसलो परिभमइ भुवणयले ॥ ३६॥ पत्थिज्जन्तो जुबईजणेण, गरवरसएहिं थुव्वंतो । अच्छेश्यं कुणंतो सकोउओ भमइ लीलाए ॥ ३७॥ फत्थइ वरिओ विजाहरीहिं गरुयाणुरायरत्ताहि । सोहग्गगुणणिहाणो कत्थइ गरणाहकुमरीहिं ॥ ३८ ॥ इय 'ओहामियरहरूबवम्महो दूरणिग्गयपयावो । वसुदेवो दोगुंदुयसुरगणलीलं विलंबेइ ॥ ३९ ॥ तरुणियणपत्थणिज्जो वाससयं विहरिऊण लीलाए । परिणेइ रोहिणिं सो सयंवरे भाउयसमक्ख ॥ ४०॥ परियाणिऊण भाऊहिं णवहिं कंसेगमाणिओ निययं । णिययपुरं सुरसुंदरिजणियावेओ सविहवेणं ॥४१॥ जणिओ पुत्तो तह रोहिणीए अइबल-परकमोवेओ । ससि-संख-कुंदधवलो बलएवो परवलमसको ॥४२॥ कंसेण तस्स दिण्णा पित्तियधुया य देवती णामं । जीवजसाए हसिओ अइमुत्तमुगी य मत्ताए ॥४३॥
तेण य कोवावरियहियएणं मुणिवरेण सा सत्ता । जो देवतीए गम्भो सो तुह पइणो विणासाय ॥ ४४ ॥ जंजह कह वि णिबद्धं जियाण कम्माण परिणइवसेण । परिणमइ तं तह च्चिय, कत्थ जई ? कत्थ साचो ? ति ॥ ४५ ॥
तेण वि णियजीयभयाउरेण भइणीए घाइया जाया । छ प्पुत्ता विहलमणोरहस्स ते रविवया सव्वे ॥४६॥ छह-ऽढमाइणा तोसिएण हरिणेगमेसिणा दिण्णा । सुलसाए मरन्तवियाइणीए, जे ते हया तिस्सा ॥४७॥ अह सत्तमम्मि गम्भे कण्हो णामेण वासुदेवो त्ति । उप्पण्णो कयपुण्णो गोटे गोपाइओ विहिणा ॥ ४८ ॥ तत्थढिएण पूयण-रिट्ठासुर-केसि-मुट्ठियादीया। णिहया सह चाणूरेण तयणु कंसासुरो णिहो॥ ४९ ।। अह वियलिएसु पंचसु वासाणं णमिजिगाउ लक्खेमु । उप्पण्णो कयपुण्गो समुद्रविजएण य सिवाए ॥५०॥ कत्तियकिण्हदुवालसिचित्तासु चुओ त्ति तासु य पमूओ। सावणसियपंचमि तह तिहीए वरलक्खगोवेओ॥५१॥ 'सव्वाणि अरिद्वाणि य पलयं पत्ताणि तम्मि जायम्मि' । तुटेहिं कयं णामं अरिठ्ठणेमि त्ति जणएहि ॥५२॥ पुष्चक्रमेण सव्वं जम्मण-महिमाइ होइ दट्टव्वं । संवढिओ कमेणं कलाहिं सह जोव्यणं पत्तो ॥५३॥ णिहए कंसम्मि तओ सव्वे वि य जायवा भेउबिग्गा । महुराउरीए चलिया सहसा रयणायराहिमुहं ॥ ५४ ॥ कुविओ य जरासंधो जीवजसावयणकोविओ संतो। तो पट्टवेइ सेण्णं तुरियं बल-केसबविणासे ॥ ५५॥ सेणाहिबई कालो उ तत्थ कालेण चोइओ संतो। कुणइ पइण्णं मूढो, "मोहेज्जइ "को ण कालेण? ॥५६॥ "जत्थ गया तत्य गया मारेयन्वा उ जायवा णिययं । अह गरुयभउबिग्गा जलणपवेसं कुणंति तहिं ॥५७॥ अग्गिपवेसो विमए तयणुक्कुढिएणऽवस्स कायव्यो । मयरहर-महाडइगमणमणुमयं कीरइ अवस्सं" ॥ ५८॥ इय सो काऊण सई इमं पदण्णं ति मग्गो लग्गो। हरिवंसदेवयाए विडम्बिओ डहाइ अप्पाणं ।। हरिकुलदेवयपरिमोहियम्मि कालेण कैंचलिए काले। अवरसमुदाभासम्मि संठिया जायवा सव्वे ॥६॥ तत्थ य समुदपतिणा ओसारेऊण जलणिहिं दूरं । सकाएसेण तो धणएण विणिम्मिया णयरी ॥ ६१ ॥ बारसजोयणदीहा विस्थिण्णा जोयणाई णव मुहयो । तह सव्वकंचणमया णाणाविहरयणभरिया सा ॥ ६२॥ जकावाहिवेण विहिया धण-कणगविहूसिया पवरणयरी । जा उप्पण्णा रयणायरम्मि महु महणवल हिया ॥३॥ सयलजणपत्थणिज्जा सिरि व साहारणा महाणयरी । सस्सोया वि असोया णिच्चुस्सवपमुइया णवरं ॥ ६४॥ इय तीए धणसमिद्धाए जाया जायजणमणाणंदा । कीलंति जहिच्छाए सुर व्ध संपण्णविसयसुहा ॥६५॥
तओ एवं णिवाइए कंसे, कुविए जरासंधे समद्धासिए जायवेहिं बारइणिवासजलणिहितडे, कुलदेवयापयारियकयजलगप्प वेसम्मि कालसेगावइम्मि" कुविएण जरासंधिणा समइक्ते पभूए काले पेसिओ दूओ हरि-बलएवागं ति।
१ ओहाविय जे । २ रोहिणी जे। ३ भाईहि सू । ४ वि जे । ५ परिणवइ सू । ६ बहिणीए जे । ७ णेगवेसिणा सू। 'ग अम्मणमहिमाईयं तु होइ जे । ९ भओविगा जे । १० जरासिंधो जे । ११ कबलिज्जइ सू । १२ कोण का सू जे । १३ य सू । १४ कवलिओ कालो सू । १५ °या। पायारेणऽवगूढा जंबुद्दीव व लवणेणं ।। ६२ ॥ सा सव्वकंत्रणमया गाणाविहरयणमंदिरनिवेसा । जवाहिवेण विहिया धण-कगयविहू सया णयरी ॥६३।। जा उप्पण्या रयणायरस्मि महुमहणवत्रहा धणियं । सयलजणपत्थणिज्जा सिरि व्व साहारणा - बरं ॥६४॥ इय तीए धण जे ! १६ जणस सू । १७ जणियजण जे । १८ बइकयनिवास जे । १९ °म्मि, समइकते सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |