Page Text
________________
[४४-४५ रामबलदेव-लक्खणवासुदेवाण चरियं]
मुणिसुव्वय-णमीण अंतरे राम-लक्खणा समुप्पण्णा । 'तेसिं च चरियमिणमो साहिप्पंत णिसामेहभसणकयत्थो साणो, सीहो उण हणइ कोइओ संतो। णियबीरियाणुसारेण पसमणं होइ गरुयाण ॥ १ ॥ ण सहइ माणभंसं इयरो इयरं पि, किं पुण महप्पा ? । णियभजागयपरिहवकलंकिभो किं पि ववसेइ ।। २ ॥
अत्थि इहेच जंबुद्दीवे दीवे भारहे वासे अउज्झा णाम णयरी सयलणयरगुणोववेया । तीए य दसरहो णाम महाराया परिवसइ । तस्स य तिण्णि भज्जाओ, तं जहा-कोसला केकई सुमित्ता य । तत्थ कोसलाए रामभद्दो पुत्तो, केकईए भरहो सत्तुग्यो य, सुमित्ताए लैक्खणो य कुमारो। दसरहेण य रामस्स रज्जाहिसेए समप्पिए केकईए केणइ ववएसेण रामो सलक्खणो वणं पेसिओ, भरहो य रजे ठाविओ त्ति । रामेण य वणगमणाएसो रज्जाहिसेओ व्व पप्फुल्लवयणकमलेणं सम्म पडिच्छिओ, अवि ये'पुत्त! पडिच्छसु लच्छि, गच्छमु य वर्ण' ति दसरहारसे । णिमुयम्मि सरिसओ चिय मुहराओ सहइ रामस्स ॥३॥
पिउणो पडिच्छिऊणं आएसमणाउलो पहट्ठमणो । सविणयलक्खणसहिओ रणम्मि गओ समज्जाओ।॥ ४॥ अह वसइ तत्थ जणवज्जियम्मि रणम्मि जायपरिओसो । सीया-लक्खणपरियणपरिपालणमेत्तसंतुट्ठो ॥५॥ लंकाए रावणो भुवणतावणो रक्खसीहि विजाहि । बलबमकज्जायरणेण दूसिओ कलुसियचरित्तो ॥६॥ सुप्पणहाए कयणिग्गहाए वयणेण रामभजाए । परिणइबसेण रायं कालकरायड्ढिओ कुणइ ॥ ७ ॥ मारीयमय' कयाराववंचणा वंचिऊण ते दो वि । णियबल-कित्ती-रक्खसखयंकरी अवहिया सीया ।। ८॥ रक्खसमायं णाऊण दुक्खिया राम-लक्खणा धणियं । सीयाहरणविसण्णा हाहारवमिलियतवसियणा ॥ ९॥ णिहयखरदूसणबला जडाउवुत्तपीडिया णिययं । किंकायबविमुहिया मिलिया सुग्गीवहरिवइणो ॥१०॥ इंतूण वाणरवई वालिमणाउहममि(मे)यबलकलियं । सीयावत्तणिमित्तं रामो पेसेइ हेणुयन्तं ॥ ११ ॥ सो "वि कमिऊण सायरमणहो लंकाए गंदणवणम्मि । अह पेच्छइ तियडाए आसासियर्णिव्वुई सीयं ॥ १२ ॥ तो सीयाणुण्णाओ वणं मलेऊण रक्खसिंदं पि । पलिवियलंको तुरियं समागओ राहवा जस्थ ।। १३ ॥ अह णायकजसारो रामो सह लक्खणेण गुणणिहिणा । सुग्गीवबलसमेओ लंकाभिमुहो सॅमोत्थरइ ॥ १४ ॥ तो कमिऊण समुदं लद्धविहीसणबलो बलाणुगओ । आवासइ आसपणे सुसेलसिहरम्मि लंकाए ॥ १५ ॥
अह रामणो वि परवलमसहंतो णीइ तस्स पच्चोणि । अलसायंतपलोइयरामबलो भणइ तब्वेलं ॥१६॥ मज्झ वि रिखुणो, तत्थ वि य तावसा, ते वि लंकमहिहविउं । चिट्ठति, किंण दीसइ अहो ! जियंतेहिं अच्छरियं १ ॥१७॥
तो सुग्गीवादीणं वाणरविज्जाहिं बलसमिद्धाणं । रक्खसविजावलगविएहिं जुद्धं सैमावडियं ॥१८॥ पल्हथिओ पहत्थो रणम्मि बलवन्तएहि सुहडेहिं । वाणरविज्जाबलगविएहि, तह कुंभयण्णो वि ॥ १९ ॥ मेहणिणाओ वि हओ अहलं काऊण दुग्गमं सत्तिं । णागपासे "विपासिय णयविहले रक्खसे काउं ॥ २० ॥ अह रामणो वि विजाहिं गविओ दुजओ दुरालोओ । सह लक्खणेण जुद्धेण संपलग्गो णिरावेक्खो ॥ २१ ॥ तो ताण वलसमिद्धाण पहरणो(ण)ष्णोण्णछिण्णगत्ताण । कायरजणदुप्पेच्छं आसि रणं दारुणं अतुलं ॥ २२॥ अह रामणेण गहिऊण पेसियं चकमाउहमणग्धं । गंतूण तं पि हस्थम्मि संठियं लक्खणकुमारे ॥ २३ ॥ तो लक्खणेण चक्केण तेण खलदससिरस्स कूरस्स । “छिण्णं तालफलं पिव सीसं धरणीए पल्हत्यं ॥ २४ ॥
तेसि चरिय भणभाणं णिसाजे । २ णाम राया स । ३ लक्खणकुमारो जे । ४ रामणो जे । ५ °सभयंकरी सू। ६ हणुमंत जे । ७ य सू। 'णिब्वुयं जे । ९ राहवो जे । १. समुत्थ जे। ११ सहावडिय जे । १२ कुंभकण्णो जे । १३ अफलं ले। १४ विवासिय सू। १५ णयणहले जे । १६ दारुणमतुल्य सू । १७ किण्हं जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |