Page Text
________________
१७१
११ मल्लिसामिचरिय । गिद्धमुहणिदउक्खित्तबंधणोसुद्धकंदिरकवंधे । दढगहियतत्तसंडासयग्गविसमुक्खुडियजीहे ।। २४ ॥ तिक्खंकुसग्गकट्टियकंटयरुक्खग्गजज्जरसरीरे । णिविसंतरं पि दुल्लहसोक्खे वक्खेवदुक्खम्मि ॥ २५ ॥ इय भीसणम्मि णरए पडंति जे गरुयविसयरायंधा । णारीण मणहरुल्लावलोलणयणेहिं वेलविया ॥ २६ ॥ अण्णं चकिं ण सरह जमणुत्तरविमाणमज्झट्ठिएहिं सरिसेहिं । अम्हेहिं समणुहूयं परमत्थमुहं महग्यवियं ? ॥२७|| दुक्खपडियारहेउम्मि तम्मि को विसयसंभवे सोक्खे। अणुबंधं कुणति गरोऽवसाणविरसम्मि संसारे ? ॥ २८ ॥ जह गरुयतरणिसंतावताविओ पाविऊण सच्छायं । तग्गहणे ववगयदाहवेयणो मण्णइ सुहं ति ॥ २९ ॥ अइदुसहसिसिरमारुयमुलंकिओ पाविऊण पजलियं । जलणं पणसीओ णट्ठविवेओ सुहं मुणइ ॥ ३० ।। उंबरग्गिदे(?दा)हतवियाण कह वि जइ भोयणं पि संपडइ । तो उवसन्तछुहाणं सुहमवुहाणं ति पडिहाइ ।। ३१ ।। पामाए कररुहुल्लिहण-जलणपरितावणेहिं जं सोक्खं । तं तल्लाहे उसमइ तत्थ कत्तोच्चियं सोक्खं ? ॥ ३२ ॥ इय विण्णायसरूना चइउं संसारहेउणो विसए । सिवमयलमरुयसोक्खं दुक्खविमोक्खं समज्जिणह" ॥ ३३॥ सुणिऊणममयभूयं ति मल्लितित्थयरसुहरसं वयणं । गलिओ मिच्छत्ततमो पवणेण व मेहपत्थारी ॥ ३४ ॥ अब्भुवगयसम्मत्तेहिं तेहिं भणियं-पणासिओ मोहो । तइ अम्हाणं गुरुणा पयडियसिवसोक्खमग्गेणं ॥ ३५ ॥ इय जाव गरुयसंवेगभावपसरन्तसुहविवेयाणं । पसरइ परमत्थकहा पत्ता लोयन्तिया ताव ॥ ३६॥ "जय जयवच्छल ! संसारसायरुत्तरण-तारणसमत्थ !। तित्थं तित्थंकर ! करहि देव ! देवाऽसुर-णरत्थं ॥ ३७॥ देविंद-चकि-बलदेव-वासुदेवत्तणाई पावेन्ति । जस्सऽणुहावेण णरा कमेण मोक्खं पि गयदुक्खा ॥ ३८॥ अण्णो चिय कोइ महीय होइ सोहागुणो पयट्टते । तुह भुषणेसर ! तित्थम्मि सोक्खसम्मत्तबीयम्मि ॥ ३९॥ ता फुरइ मोहतिमिरं, ताव चिय णरय-तिरियगतिगमणं । ता मिच्छलंछियजणो, जा तुह तित्थं ण वित्थरइ ॥४०॥ तइ पयडिएण तित्थेण णाह ! गिरवायसोग्गइपहेण । लंघंति सुहेणं चिय जीवा भवसायरमणंतं ॥ ४१॥ छिंद विसमं पि विसं, अंगं निव्ववइ कोहतवियाणं । अवणेइ कलुसभावं, तित्थं तित्थंकर ! कयं ते ॥४२॥ इय तित्थेसर ! करुणाए णाह ! णियकजसजओ होर्से । दुहियजणभुद्धरणं जयम्मि तित्थं पयट्टेसु"॥४३॥ एवं लोयन्तियदेवसंथुओ जणियजणमणाणंदो। दाऊण महादाणं णाहो पडिवज्जति चरितं ॥४४॥ पन्चज्जादिवसे चिय संभा(पा)वियदिव्य केवलुज्जोओ । पवावेइ छ वि जणे अण्णे वि य गणहरणिमित्तं ॥ ४५ ॥ ऊणं वाससंहस्सं सब्बाउं पालिऊण परियायं । सेलेसिविहाणेणं सिद्धो सम्मेयसेलम्मि ॥ ४६ ।।
इति महापुरिसचरिए मल्लिसामिणो चरियं सैमत्तं ॥ ४१॥
जे। ६ हेयकों
१ मुक्कुडय सू । २ "रतर(रु)णिरा जे । ३ वेथ करेइ ण जे । ४ यम्भुल(? भुलु)किओ सू । ५ उयर timeso संपत्तिबो जे । ८ सु । तह र जण जे स एगं सजे । १० परिसमत्तं जे ।
Jain Eवि
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |