Page Text
________________
[४१ मल्सिामिचरियं ]
:-x--
__ अरतित्थयराणंतरं मल्लिसामी वाससहस्सकोडीए समइक्वन्ताए पणपण्णवाससहस्साऊ पणुवीसधणसुओ जहा समुप्पण्णो तहा भण्णति
देवायत्ते जम्मम्मि कह णु गरुयाण फरइ माहप्पं । ववसायसहाया तं कुणंति ते जं जणब्भहियं ॥ १॥
अस्थि इहेब जंबुद्दीवे दीवे अवरविदेहे खेत्ते मंदस्स पचत्थिमेण, सीयाए महाणदीए दाहिणेणं, णिसहस्स कुलपव्वयस्स उत्तरेणं, सुहावहस्स वक्वारपव्ययस्स पञ्चत्थिमेणं, सीओयावणमुहस्स पुव्वेणं सिलावतीविजयं बहुणयर-कैब्बडोवसोहियं । तत्थ य वीयसोया णाम णयरी णाणाविहरयणपासाओववेया। तत्थ य बलो णाम राया, धारिणी अग्गमहिसी । तीए महासुइणसूइओ महाबलो णाम पुत्तो समुप्पण्णो । पंचोईपरिखुडो वढिओ, पत्तो य जोव्वणं । विवाहिओ कमलसिरिं भज्ज, भोए भुजेइ।। __ अण्णया य बलो विणायसंसारसहावो महाबलं रज्जे अहिसिंचिऊण तहाविहाणं आयरियाणं सयासे पव्वजाविहाणेणं खवियकम्मो मोक्खं गओ ति।।
महाबलो वि राया सहपंसुकीलणजायगरुयवीसंभेहिं छहि वयंसएहिं समेओ रज्जं पालेइ । तओ सरंते संसारे, गच्छंतेसु दिवसेसु, सत्तण्ह वि जगाणं जिणवयणं भावेमाणाणं समुप्पण्णपुत्तभंडाणं वेरग्गसमावण्णाणं संकेओ जाओ जहा-सत्त वि जणा समसुहसुहिया समदुक्खदुक्खिया, जमेगो काही तमेव णिब्वियारं सव्वेहिं पि कायव्वं ति ।
एवं च कयसंकेयाणं परितणुयविसयाणं आयरिया समागया। तयन्तिए णिसुओ जिणएसिओ धम्मो । समुप्पण्णवेरग्गा य पवइया सत्त वि जणा, अहिन्जियं सुत्तं, समुजया य तवोकम्मे । महाबलो य तेसिं छह वि जणाणं मायाए अहिययरं तवोविहाणं करेइ । णिव्वत्तियं च तेण इत्थीविवागफलं मायापचइयं कम्म, बद्धं च तित्थयरणामगोत्तं ति । जहुत्तविहारं विहरिऊण संलिहियदेहा कालं काऊण सत्त वि जणा समुप्पण्णा वेजयन्ते विमाणे किंचूणतेत्तीससागरोवमाऊ, महाबलो य संपुण्णतेत्तीससागरोवमाउओ त्ति । __ तओ पालिऊण अणुत्तरविमाणाउयं पढम छ वि जणा चुया, उववण्णा य उचिएसु खत्तियकुलेसु जंबुद्दीवे दीवे भारहे वासे। ___ तओ महाबलजीवो महिलाए णयरीए कुम्भो णाम णरवती, तस्स पहावतीए भारियाए उवलद्धचोदसमहासुविणाए फग्गुणसुद्धचउत्थीए अस्सिणिमुंवगए ससहरे चेइऊण विमाणमुहं परलोयकज्जुज्जओ कुच्छिसि समुववष्णो त्ति । तओ णवण्हं मासाणं अट्ठमाणं राइंदियाणं सुपडिपुण्णाणं सुहंसुहेण मग्गसिरसुद्धक्कारसीए अस्सिणिणक्वत्ते पसूया पहावती । इत्थीविवागमायाचइयकम्मोदएण य अवस्समणुहवियव्वेणं तित्थरणामोयएण वि य तब्भावाणुहावेणं अच्छेरयभूओ इत्थीलिंगेणं तित्थयरो समुप्पण्णो । तम्मि य गब्भगए जणणीए वियसियमल्लरासी मयरंदामोयायढियभमरउलो सुइणे दिवो त्ति, अओ मल्लि त्ति णामं कयं ।।
संवढिओ कमेणं जोवणमणुपत्तो। आगया य वरया छ वि जणा। मल्लिसामिणा य ओहिणा अवगयपरमत्थेणं दवाविओ अप्पा पिउणा छण्ह वि जणाणं । काराविओ य महामंडवो । तस्स य मज्झदेसभाए अत्तणोऽणुरूवा कणयमती समाराविया पुत्तलिया। तीए य सिरदेसविरे पतिदिणं जमाहारमाहारेइ तं तस्थ थेवं थेवं छुहावेइ। तओ णिरूविए
१ फुरउ जे । २ सुहावयस्स सू । ३ खबरों सू । १ सुमिण जे । ५ धावप जे । ६ वएसएहि स । . सुमिणाए जे। ."णिगए सू। ९ चविऊण सू। १. समुप्पण्णोजे। ११ सुहपडि सू । १२ पच्चयकम्मोबएण सू । १३ रकम्मोदएण जे । १४
Jain Education Inter
nal
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |