Chaupannamahapurischariyam

SR No.: 001442
Original Sutra Author: Shilankacharya
Author: Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2006
Total Pages: 464
Language: Prakrit, English, Hindi
Classification: Book_Devnagari, Literature, & Story
File Size: 14 MB

Page 250

३८ सुभूमचक्कवट्टिचरिये ।
इय एवमादि बहुयं भणमाणं पिट्ठरं परसुरामं । पडिभणइ तं 'सुभूमो वयणमणग्धं भरसहं च ।। २८ । वह चैत्र पवरसीदासओ त्रिभओ अणुत्तालो । विवयणमसहमाणो जुत्तिघडन्तं इमं भइ ।। २९ ।। "परिदिष्णासणगहणं ण जुत्तमेयं परकमधैणाणं । किं कोइ कुणइ केसरि-करीण मयजूहसामित्तं ? ।। ३० ।। काण दुकयं होइ लज्जिओ वर सप्पुरिसवग्गो । तं पुण तं चिय साहसि दाढाहिं थालणिमियाहिं ॥ ३१ ॥ दाढा माणुसे दुष्परियल्लाओ भक्खि मूढ ! । मह पायसं विइण्णं ति देवयाए पसाएणं ।। ३२ ।। णय होमि बंभणो विहु तुह वहणुज्जयमती इहं आओ । संवदिओ मि आसमपयम्मि तेणेरिसागारो ॥ ३३ ॥ णियहत्थ च्चिय सुहडाणमाउहं णारसिंहदिहंतो । कावुरिसहत्थपत्तं वज्जं पि णिराउहमत्रस्सं ॥ ३४ ॥ सेसत्रियप्पा ण हु संभवन्ति पुरिसम्म यववत्थं । किं वालो च्चिय सुरो ण हणइ घणतिमिरपत्थारिं ? ||३५|| ता कुण पोरुसं, गेह आउहं संपयं चिय ण होसि । दिट्ठिसमणन्तरं सुवुरिसाण महकज्जणि फत्ती ॥ ३६ ॥ जं हिओ तइ समरंगणम्मि खत्तियणरो महाबलवं । अज्जुणकयाहिहाणी सहस्सवाहू महाधीरो || ३७ ॥ तसज्जुणरस पुत्तो वरवाहूहो (?) व्त्र पुणरहं जाओ । विहणामि वैइरियं तं णिस्सं जइ विससि पायालं ॥ ३८ ॥ णिक्रवत्ता तर पुहई बाराओ सत्त किल कया एसा । तुहकयतिउणेण महं पसमह कोवाणलो णवरं " ॥ ३९ ॥ इय भणियमेत्तपजलिसकोवाणलजोतिओ परसुरामो । सज्जीवचंड कोयंडबाणणिवहं तओ मुयइ ॥ ४० ॥ पडिखलिया तेण चिय थालेण सरा सुभमणरवणा । गेण्हइ य परसुरामो वि परसुयं कोवपज्जलिओ ॥ ४१ ॥ जो पुत्र खत्तिदंसणघणुव्विडिमतेजिओ जलइ । सो णिष्पभो त्ति कलिऊण पुलइओ परसुरामेण ॥ ४२ ॥ णिज्झाइऊण सुइरं 'किं किं एयं ?" ति आउलमणेण । तह णिष्पभो विमुको वरपरसू परसुरामेण ॥ ४३ ॥ गंतूण चणदेसम्म सो सुभूमस्स पडति भूमीए । असमाणियसामियपेसणो व्व लज्जाए सप्पुरिसो ॥ ४४ ॥ दट्ट्ट्ठूण य तं परसुं अह [य]सुभूमो वि कोहपज्जलिओ । गेण्हइ तं चिय थालं आउहकज्जम्मि बहसज्जो ॥ ४५ ॥ अह तंपि तेण गहियं होइ सहस्सारमवितहं चक्कं । तेएण पज्जलन्तं तो मुक्कं परसुरामस्स ॥ ४६ ॥ तेणावि तक्खणं चिय जालोलिकरालिएण चकेण । तालफलं पिव छिण्णं पडइ सिरं परसुरामस्स ॥ ४७ ॥ पाडयम्मि परसुरामम्मि तो सुभूमेण तैस्स रोसेण । वौराओ एकवीसं कया मही बम्भणविहूणा ॥ ४८ ॥ भोत्तूण भरहवासं छक्खंडं वहिऊण य पयावं । औउयखयम्मि पत्तो अहोगतिं तह सुभूमोति ।। ४९ ।।
इति महापुरिसचरिए सुभूमि (म) चक्कवहिचरियं समत्तं ॥ ३८ ॥
१६७
---
१ सुमोमो जे । २ धराणं सू । ३ किं कुणइ कोय केसरि सू । ४ चुयववत्थंभो सू । ५ महावीरो जे । ६ वइरवंतं निसंसयं जइ वि पायाले जे । ७ ओविओ जे ८ कोव जे । ९ सिरं णवर धरणीए सू । १० सुहोमेण सू । ११ तस्स रामस्स जे । १२ बाराए सू । १३ आउक्यम्मि जे । १४ परिसमत्तं जे ।