Page Text
________________
१५४
चउम्पन्नमहापुरिसचरियं । 'पाडेइ महावत्ते पियरं धूया पओहरारम्भे । वड्ती अणुवरिसं सरिय व्व तडं ण संदेहो ॥५॥
एवमहं मणंतो समुडिओ आसणाओ । गओ वीहिमग्गं । दिवो य संखउराओ समागओ एगो सत्यवाहो । वैत्ते य परोप्परला जाया परोप्परं साहम्मियत्तणेणं पीती। ___ अण्णया य तेण संखउरणिवासिणा उसहदत्ताहिहाणेण मह गेहमतिगतेणं दिट्ठा मह समीवे उवविद्या पियदंसणा। तओ तं दट्टण सुइरं णिज्झाइऊण चिंतिऊण य किं पि किं पि हियएणं भणियं उसहदत्तेण जहा-किमेसा तुह धूया कण्णा ?। मए भणियं-आम, केण पुण कारणेणं तुमए णिज्झाइऊण किं पि हियएण चिंतियं ? ति । तेण भणियं"मुणसु कारणं ति, अस्थि मह पुत्तो वीरभद्दो णामं । सो य बालभावे चेव साहुसगासाओ कलासु सुपइडिओ । जाणियं सदलकवणं, अहीयाणि य छंद-अलंकार-देसी-णिघंटाईणि सत्थाणि, परिणयाणि य, जायं कइत्तणं, बुज्झइ परकव्वगुण-दोसे । तओ सो सुकुलुप्पत्तीए रूवित्तणेणं कलागहणेणं विज्जाहिगमेण य णेच्छइ जं व तं व कण्णयं दिज्जमां दि विवाहेउं ति । तओ मए चिंतियं जइ परमेसा सुरूवा जइ कलासु णिउणा ता जोग्ग" त्ति। तओ तमायण्णिऊण भए भणियं अहं पि इमीए एवंविहवरण्णेसणक्खणिओ चिट्ठामि, जओ एसा वि मह धृया एवंविहा चेव, णेच्छइ य ज व तं व वरं ति । ता भयवं ! अम्ह दोण्ह वि वहु-वरण्णेसणुज्जयाणं मिलियं चित्तं । दिण्णा य मए णिययधृया। समागओ वीरभद्दो। यत्तो विवाहो । कयमुचियकरणिज्जं । अच्छिऊण य कइ वि दियहे घेत्तूण वहुयं गया णियगपट्टणं ति । ___ अण्णया य भए णिसुयं जहा-रातीए चरिमजामम्मि ण णज्जइ कहिं पि गओ वीरभद्दो वासभवणायो एगागिणि चइऊण मह धूयं पियदंसणं ति। एगेण वोमणेण तस्स पउत्ती साहिया । ण य सो सम्मं णिवेएइ । ता साहसु मग ! फुडत्य किं तस्स दंसणं भविस्सइ उयाहु ण व ? ति । गणहरेण भणियं-सुणसु अवहिओ,
णिम्गओं गेहाओ तुह जामाउओ एवं परिभाविऊण जहा-मए कयं कलागहणं, जायं कवित्तणं, सिद्धा पाणाविहा मन्ता, जाणिया गुलियापओया, अहिणवं जोवणं, पगरिसो सव्वविष्णाणेसु, एवं च मह गुरुयणभीरुयस्स सव्वं चेक गिरस्वयं ति, ता देसंतरं वचामि त्ति । णिग्गओ अद्धफालाणि काऊणं गेहाओ। तेष य मुलियापयोएणं सामवण्यो को अप्पा । तओ आर्हिडिओ गामा-ऽऽगरणगर-मडम्बादीणि ठाणाणि । कत्थइ वीणाए, कत्थइ चित्तकम्मेणं, कर्हिचि पसच्छेज्जणिउषयाए, अप्यास्थ कइत्तणेणं, अवरत्थ मुरवाइयम्मि आउज्जे कुसलत्तणेणं, सव्वत्य लद्धजओ ति।
तओ य सो गच्छन्तो गओ सिंघलदीवं । तत्थ य रयणपुरं णाम णयरं। तहिं च रयणागरो णाम णराहियो । तत्थ सो संखस्स सेट्ठिस्स आवणोसरियाए उवक्टिो। सुइरं णिज्झाइऊण णेणं सेटिणा पुच्छिओ-पुत्त ! कुओ तुमं ?। तेण भणियं-जंबुद्दीवाओ रूसिऊण गेहाओ णिग्गओ, आगच्छंतो इहमागओ देसदसणकोउएणं ति। संखसेट्ठिणा भणियं-ण सुंदरमणुट्ठियं, जो अविणयवासो जोव्वणं, चंचलाणि इंदियाणि, पयतीए पिमुणसहावो लोओ, दूरं देसंतरं, विसमा कज्जगती, सुकुमारसहावो तुम, तहा वि सोहणमणुट्ठियं जमिहागओ सि त्ति । गओ य सभवणं सेट्ठी तं घेतूणं । व्हाया य दोणि वि जया । णियत्थाणि य सोहणाणि वत्थाणि । जहाविहिं भुत्ता य । णिग्गया तम्बोलं सम्माणन्ता। भणियो य सेद्विणा वीरभो–अपुत्तस्स महं तुमं पुत्तो, ता णियगेहे व्य चिट्ठसु तुमं, देसु दाणं, भुंजसु जहिच्छिए भोए, अत्थि में एगं जम्मं तुह सुंजंतस्स देंतस्स य दविणजायं ति। वीरभद्देण भणियं-ताय! कयपुष्णो हं जं तुम्हें आणावसित्तण मए पावियं ति, धण्णा हु गुरूणमाणाभायणं भवन्ति । एवं च तेसिं पिय-पुत्तत्तणेण गच्छन्ति दिया।
तत्थ य राइणो रयणायरस्स धूया पुरिसवेसिणी अणंगसुंदरी णाम । संखस्स य सेद्विणो विणयवती धूया। सा य तेयन्तिए पतिदिणं बच्चइ । पुच्छिया य भगिणी वीरभद्देण विणयवई जहा-कत्य तुम बच्चसि ति। तीए
बत्ती जे । २ "लायो जे। ३ °या साहम्मत्तणेणं सू । ४ देसि-णिघंटाइयादीणि जे । ५ वावणेण जे । ६ उप मजे। . 'भो हजे, 'ओ वह मेहाओ जा सू । ८ रयणागारो जे । ९ तयतिय जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |