Page Text
________________
१५०
चउम्पन्नमहापुरिसचरियं । तस्स य तीए सह विसयसुहमणुहवन्तस्स अइगच्छइ कालो, जति दियहा, सरति संसारो । अण्णया य समागओ पाउसकालो। किंविसिहो य?
कसणघेणथइयगयणंधयारपम्हुट्ठसयलजियलोए । विज्जुणयणेहि णियइ ब पाउसो पहियपरिणीओ ॥ ११ ॥ गजइ पलयघणसरं, वरिसइ धाराहि मुसलमेत्ताहि । विप्फुरइ विज्जुला दिट्टणट्ठजियलोयकरणिल्ला ॥ १२ ॥ सिहि केयारवमुहलियवणंतरुप्पित्थपहियपरिणीहिं । अणवरयणितवाहोहपिच्छलं कीरइ पउ8 ।। १३ ।।। णवपूरपूरियाओ वहति तडवडणकलससलिलाओ । गिरिसरियाओ सहेलं पूरियकच्छन्तरालाओ ॥ १४ ॥ इय पाउसम्मि सलिलोहसमियणीसेसमहिरउग्घाए । भदवयसिएयरसत्तमीए गम्भे समुप्पण्णो ॥१५॥ देवीए चरिमजामम्मि लद्धसुमिणाए देवलोगाओ । तिहिं णाणेहि समग्गो तियसिंदसमच्चिओ भगवं ॥ १६ ॥
धरिला य णव साहिए मासे सुहंसुहेण सव्वलक्षणोववेयं दारयं पसूया। पुव्वक्कमेणेय कओ अहिसेओ। 'गब्भत्येण य भगवया सव्वदेसे संती समुप्पण्ण त्ति काऊण सन्ति [त्तिणामं अम्मा-पितीहिं कयं । वढिओ सह कलाहि, विवाहि भो य । पिउणा पुत्तं रज्जे काऊण सकज्जमणुट्ठियं ।
रजपालणुज्जयस्स य आउहसालाए समुप्पण्णं चक्करयणं । चक्काणुसारिणो(णा) य पुव्वक्कमेणेय समद्धासियं छक्खंडं पि भरहं । समुप्पण्णा व महाणिहिणो। समद्धासियाई चोदस वि रयणाइं । चक्कवट्टित्तणेण य गमेऊण किं पि कालं । धम्मवरचक्काहत्तणं जीवदयापरिणामहेउं तित्थयरत्तं, असमंजसहेउभूयं रज्जं ति । तस्स पुण महाणुभावत्तणेण दो वि अविरुद्धाई । अवि य
अण्णोष्णविरुद्धाई वि महाणुभावत्तणेण रज्जं च । तह धम्मचक्कवट्टित्तणं च समयं चिय वसन्ति ॥१७॥ खग्गं च खत्तधम्मत्थसारपरबलमरट्टणिवणं । खंती य सयलजीवाण संतिहेऊ असामण्णा ।। १८ ।। धारग्गऽग्गिविगिग्गयफुलिंगफुटुंतसत्तुणिट्ठवणं । चकं, च जीवरक्खणचित्तं समयं चिय वसंति ॥ १९ ॥ लद्धपसराई तम्मि य इत्थीरयणाइयाई रयणाई । उपसम-विवेय-संवर-मुत्तीओ तह चिय वसति ॥ २० ॥ इय णव णिहिणो जह पर-सकन्जवावारसाहणग्यविया । णिवसंति तत्थ, तह मुत्तया वि समतण-मणिसरूवा ॥२१॥
एवं च तित्थयरणामसहियमणुवालेऊण चकवटित्तणं 'पंचवीसवरिससहस्साई, समुइण्णतित्थयरणाम-गोत्तो सयंबुद्धो वि लोयंतियपडिबोहिओ, जेठ्ठबहुलतेरसीए उज्झिऊण तणमित्र चकवट्टित्तणं, पडिवण्णो संसारसायरुत्तरणदोणिकप्पं पनज ति । कयसामाइओ य विहरिऊण किंचि कालं संपत्तो जत्य य सामाइयं पडिवण्णं तमेव उजागं । तत्थ य सहयारपायवस्स हेट्टओ झागंतरियाए वट्टमाणस्स खरगसेढीए कमेणं गिद्दलियघगघाइचउकस्स समुप्पण्णं तीया-ऽणागयवट्टमाण पयत्युब्भासगं दिव्यं गाणं ति । तं च के रिसं?
णीसेसावरणक्खयसमुभवं भुषणभासणसमत्थं । सामण्ण-विसे समयं एगविहं केवलं गाणं ।। २२॥
तयणंतरं च कयं देवेहिं समोसरणं । पवाधिया गणहरा । पत्थुया तण्णिस्साएं धम्मकहा । वणिजइ सम्मदंसण चारित्तमतिओ मोक्खमग्गो, जिंदिजइ मिच्छत्ता-विरइ-पमाय-कसाय-जोगणिमित्तं कम्मं, बुझंति पाणिणो, पडिवजन्ति सम्मत्तं, लेन्ति अणुव्ययाणि, अब्भुत्रगच्छन्ति मेहव्ययाणि, छिंदति णेहपासं, अवर्णेति मोहेवल्लिं, णिहणंति राग-दोसमल्ले, अद्धार्सिति लहुयकम्मत्तणेण जिणदेसियमविसंवाइ मोकावमग्गं ति।
१ अइकतो कोई कालो सू । २ घगोत्यगयणं जे । ३ सलिय सू । ४ "मणुचिट्ठय सू । ५ किंचि जे । ६ पर्विसइवारे सू। . 'सायरदोण जे । ८ । भगवया धम्म जे । महावयाणि जे । १० मोह वली जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |